SABC Izindaba

UKHOZI CA: ELECTIONS DEBATE IN LADYSMITH TOWNHALL AT UTHUKELA DISTRICT.

Tue, 10 Nov 2026 10:31:30 +0000

Amaqembu ahlukahlukene asethembise ukuxazulula inkinga yokwantuleka kwamanzi kwisifunda sasoThukela, enkabeni yeKwaZulu-Natali. Lokhu kuhlaluke ngesikhathi kunenkulumo-mpikiswano ebisingathelwe ehholo ledolobha laseMnambithi ngoLwesihlanu. Phakathi kwamaqembu abambe iqhaza kulenkulumo-mpikiswano kubalwa, i-ANC, APEMO, DA, EFF, IFP, MK Party, ne NFP.

Ukuzwa kabanzi ngalenkulumo-mpikiswano ungalalela nansi i-podcast.

ABASIKI BEBUNDA: ETHEKWINI RATEPAYERS POLITICAL MOVEMENT VOWS TO IMPROVE SERVICE DELIVERY IN THE CITY

Mon, 09 Nov 2026 17:22:27 +0000

Inhlangano i-eThekwini Ratepayers Political Movement (ERPM) ithole izihlalo ezimbili kumkhandlu-dolobha iTheku, ngemuva ko khetho lohulumeni bezindawo langesonto eledlule. Lokhu emva kokuthola amavoti angaphezu kuka 12 thousand.

Le nhlangano inamalunga aqhamuka kwizinhlangano zomphakathi ezahlukene asungula iqembu ngenxa yokushaywa indiva kwezikhalo zabo.

USphelele Mdletshe, oyisikhulu esiphezulu kule nhlangano, uxoxisane ne ntatheli yezindaba ze SABC uTusokwakhe Mhlaba.

ABASIKI BEBUNDA: ANALYST BELIEVES COALITIONS BILL MIGHT TAKE MORE THAN 2 YEARS TO PASS

Fri, 06 Nov 2026 17:19:06 +0000

Umhlaziyi wezepolitiki uDr Nkosikhulule Nyembezi uthi akaboni kushaya u2027 umthetho sivivinyo owaziwa nge Coalitions Bill, usuphasile. Lo mthetho, kuhloswe ngawo ukulawula indlela amaqembu asebenzisana ngayo emikhandlwini engabuswa iqembu elilodwa nokuqinisekisa intando yeningi.

Lokhu njengoba imiphumela yokhetho esikhishiwe - okwamanje - ikhombisa ukuthi lizokwanda inani lomaspala ababuswa amaqembu ngokubambisana.

Eminyakeni emihlanu eyedlule, eminye imikhandlu ayibanga nalo uzinzo ngenxa yokushintshwa kwezimeya izikhawu eziningi ngemuva kweziphakamiso zokungabethembi ubuholi bazo. Lo mthetho uhlonzwe njengalowo ozokuqeda lokhu, uvumele isiphakamiso esisodwa kuphela zinyangeni eziyishumi nane (12).

Noma kunjalo, uDr Nyembezi uthi ziseningana izigaba okufanele lo mthetho sivivinyo udlule kuzo.

ANC'S GWEDE MANTASHE SAYS THEY ARE NOT AFRAID OF COMPETITION

Thu, 05 Nov 2026 15:29:54 +0000

Usihlalo weANC uGwede Mantashe akahambisani nombono wokuthi kwehlile ukwesekwa kwe-ANC kodwa ukholelwa ukuthi kukhule inani labantu abahlubuka eqenjini bazakhele awabo amaqembu. UMantashe uthi noma kunjalo, i-ANC ayikusabi ukuqhudelana namanye amaqembu.

Imiphumela yamavoti esabalwe yinhlangano ebhekelele ukhetho, i-IEC, iveza ukuthi i-ANC iyona ehamba phambili ngamavoti kuzwe lonke ngo 31,96%, i-DA isilela ngemuva ngo 26,84%, kanti i-MKP isathole u7,2%. Le miphumela ingase ishintshe njengoba kuqhubeka ukubalwa kwamavoti.

DA TRAILING CLOSELY BEHIND ANC AS ELECTION RESULTS TRICKLE IN

Thu, 05 Nov 2026 15:15:41 +0000

Usihlalo weDA uSolly Msimanga uthi bazishaya isifuba njengeqembu uma bebona imiphumela yokhetho evelayo okwamanje. I-IEC isiphothule ukubala u-44% wamavoti.

Okwamanje, i-ANC ithole ukwesekwa u-32% wabavoti, kanti i-DA isathole u27%.

Umqhudelwano phakathi kwalamaqembu uyaqhubeka njengoba beshiyana ngamaphesenti amahlanu kuphela - okwamanje - futhi le miphumela ingase ishintshe ngokuhamba kosuku.

UKHOZI FM 12H00 NEWS BULLETIN

Wed, 04 Nov 2026 11:40:12 +0000

Lowo owayengumengameli wakuleli ophinde abe ngumholi weqembu uMkhonto Wesizwe Party uMnu uJacob Zuma kulindeleke avote esiteshini sokuvota esikoleni samabanga aphansi eNtolwane Primary eNkandla, enyakatho yesifundazwe iKwa-Zulu-Natal. I-MKP ingenele ukhetho lomasipala okokuqala ngqa. Njengoba lisungulwe ngo Zibandlela ngo 2023, leliqembu ladla umhlanganiso okhethweni lukazwelonke ngo 2024. Ikhomishana yokhetho ezimele i IEC ithi bangaphezu kuka 3 000 abantu ababhalisele ukuvota okulindeleke ukuba bavote kulesiya sikhungo sokuvota ku Ward 14. Abavoti bathi bafuna kwenziwe ncono uhlelo lokuthethwa kwezidingo ngqangi kuphindwe kwakhiwe amathuba omsebenzi azobhekela abantu abasha, abakholwa ukuthi bashiywe ngaphandle.

UKHOZI NEWS BULLETIN LGE

Wed, 04 Nov 2026 04:33:37 +0000

Ikhomishana yokhetho ezimele i-IEC ithi iziteshi zayo zokuvota ezibalelwa ezinkulungwane ezingamashumi amabili nane ezweni lonke, zikulungele ukusiza abavoti ababhalisiwe abangaphezu kwezigidi ezingamashumi amabili nesishiyagalolunye ezweni lonke ukuze bavote okhethweni lomasipala namhlanje. Usihlalo walekhomishana uMosotho Moepya uthi wonke amaphepha okuvota nezinsiza kusebenza ezisemqoka zokhetho sezivele zithunyelwe eziteshini zokuvota, kanye namalungiselelo adingekayo ezokuthutha, ezokuphepha kanye nendlela yokusebenza ngenhloso yokuqinisekisa ukuthi ukhetho lwenzeka ngempumelelo. UMoepya unxusa abavoti ukuthi babambe iqhaza ezinhlelweni zentando yeningi.

EZANAMUHLA: POLICY ANALYST AND RESEARCHER ON VOTING EXPECTATIONS.

Fri, 30 Oct 2026 04:58:45 +0000

Umhlaziyi wenqubo-mgomo nophinde acwaninge ezokhetho udokotela Nkosikhulule Nyembezi uthi kunzima ukuqagela ukuthi iliphi iqembu elizokwenza kahle kulolukhetho lohulumeni basekhaya njengoba sekusungulwe amaqembu amaningi amasha. Ukuphawula kukadokotela uNyembezi kulandela ukuthi sekusele izinsuku ezingaphansi kwezine iNingizimu Africa isingathe lolukhetho. Izakhamuzi zakuleli zizothola ithuba lokuzikhethela abaholi bomphakathi mhla zizine kuLwezi, u-November.

Sixoxisane nomhlaziyi wenqubo-mgomo kanye noncwaningi wezokhetho udokotela uNkosikhulule Nyembezi.

UKHOZI NEWS BULLETIN - ELECTIONS

Wed, 28 Oct 2026 15:41:29 +0000

Umengameli we ANC uCyril Ramaphosa uthi iqembu linethemba ukuthi lizowuthaha umkhandlu-dolobha i Theku nabanye omasipala esifundazweni i KwaZulu-Natal okhethweni lohulumeni bezindawo okubhekwe kulo. Ekhuluma ngesikhathi ekhankasa e Magabheni eningizimu ye Theku, uRamaphosa uyivumile eminye imibono ephathelene nokhetho, kodwa wathi i ANC izimisele ukunqoba okhethweni. Uthi iqembu lithola izimpendulo ezithokozisayo ezivela kwizakhamuzi, akholwa ukuthi ziyayazi into enhle efanele i Theku nabanye omasipala.

ABASIKI BEBUNDA: LEADERSHIP EXPERT, PROF MAZWE MAJOLA, ON WHAT TYPE OF LEADER SOUTH AFRICANS SHOULD VOTE FOR #LGE2026

Mon, 26 Oct 2026 17:30:21 +0000

Usolwazi Mazwe Majola unxuse abantu eNingizimu Afrika ukube bacubungulisise abaholi abazobavotela okhethweni lohulumeni bezindawo ngomhlaka-4 November ngesonto elizayo. Osopolitiki baphume ngobuningi bahambela imiphakathi eyahlukene benxenxa abantu ukuba babavotele.

UProf Majola unxuse abavoti ukuthi bavotele abaholi abazoshintsha izimpilo zabantu, hhayi abaholi ababathandayo nje kuphela. Uthi okubalulekile okufanele abavoti bakukhumbule ukuthi abaholi abazovotelwa ngesonto elizayo, bazoba semandleni iminyaka emihlanu ezayo.

UKHOZI FM NEWS BULLETIN 17H00

Fri, 23 Oct 2026 15:30:31 +0000

Umengameli we ANC uCyril Ramaphosa uqhube umkhankaso wokukhankasela ukhetho eMdantsane esifundazweni i Eastern Cape.

EZANAMUHLA: ILEMBE DISTRICT SMALLER PARTIES CONTESTING IN THE UPCOMING LGE.

Fri, 23 Oct 2026 04:40:21 +0000

Njengoba sekusele isikhathi esingaphansi kwamasonto amabili elakuleli lisingathe ukhetho lohulumeni basekhaya, amaqembu ezepolitiki ahlukahlukene ngaphansi kwesifunda Ilembe okubalwa i-KZN Independence, African Economic Freedom, uMkhoto Ilembe kanye ne Service Delivery Party athi akulungele ukuletha ushintsho kanye nokusebenzela umphakathi.

Sixoxisane nawo lamaqembu okubalwa i-KZN Independence, African Economic Freedom, uMkhonto Ilembe kanye ne Service Delivery Party.

uSibonelo Nomvalo usesusiwe esikhundleni sakhe eqenjini leMKP

Thu, 22 Oct 2026 20:24:59 +0000

Iqembu uMkhonto weSizwe Party selisuse unobhala jikelele weqembu uSibonelo Nomvalo esikhundleni sakhe limsola ngokudala ubuqembuqembu ngaphakathi eqenjini njengalokhu sekusele amasonto amabili nje ngaphambi kokhetho lomasipala. Esitatimendeni sabezindaba iqembu lithi uNomvalo ukhululiwe emisebenzini yakhe ngenxa yokukhathazeka okuhlobene, nohlelo lokukhetha amakhansela, ukubambezeleka kwamathuluzi emikhankaso kanye nokusungula, lokho iqembu elikubize ngokuthi, ikomidi high-level deployment committe ubuholi obufanele beqembu bungazi

ABASIKI BEBUNDA: IEC GEARS UP FOR 2026 LOCAL GOVERNMENT ELECTIONS

Thu, 22 Oct 2026 18:06:34 +0000

Njengoba sekusele amasonto amabili kubanjwe ukhetho lohulumeni basekhaya ngo mhlaka-4 November, ikhomishana yokhetho ezimele, i-Independent Electoral Commission esifundazweni iKwaZulu-Natal, income ukusebenzisana okuhle nohulumeni wesifundazwe ekulungiseni izikhungo zokuvota.

Zingaphezu kuka 2 thousand izikhungo zokuvota esifundazweni, ezinye zazo zidinga ukulungiswa ukuze zibe sezingeni. Lokhu kuvele emhlanganweni we IEC wokucobelelana ngolwazi nabezindaba eThekwini namhlanje.

Ikhomishana ichazele abezindaba ngamalungiselelo ayo kanye nendlela okucazwa ngayo izihlalo.

Sixoxisane nesikhulu esiphezulu kwa IEC esifundazweni, uNtombifuthi Masinga.

ABASIKI BEBUNDA: INDEPENDENT CANDIDATE EAGER TO SOLVE WATER ISSUES IN SWEET WATERS

Thu, 22 Oct 2026 18:01:06 +0000

USthabiso Nkabinde ongenele ukhetho ngokuzimela ngaphansi kwa Ward 2 eSweet Waters ngaphansi kwesifunda Umsunduzi, uthi uzimisele ngokuletha amathuba omsebenzi endaweni aphinde alungise nokwentuleka kwamanzi.

Uthi kunemiphakathi ephuza amanzi kanye ne mfuyo, nokuyinto engamukeleki. Uxoxisane ne ntatheli yezindaba ze SABC, uTusokwakhe Mhlaba.

ABASIKI BEBUNDA: NEWLY FORMED POLITICAL PARTY AFRO NATIVES (AFNA) TO CONTEST LGE

Tue, 20 Oct 2026 17:30:28 +0000

Iqembu elisha lezepolitiki - i Afro Natives (AFNA) - lithi lingenele ukhetho lohulumeni bezindawo ngenhloso yokwakha kabusha omasipala abasebenzela abantu.

Leliqembu lizoncintisana namanye amaqembu emkhandlwini emithathu - uMsunduzi, iTheku ne Ray Nkonyeni. I-AFNA ithi abantu sebekhathele ukwentuleka amathuba omisebenzi, ukungatholi amanzi, ubugebengu kanye namathenda ahambisana nenkohlakalo. Sixoxisane nomengameli weqembu uSfiso Langa

UKHOZI FM BULLETIN 16_00 16_10_2026 SELI

Fri, 16 Oct 2026 14:13:28 +0000

Ikhomishana yokhetho isinikeze ithuba amanye amaqembu ezepolitiki angama 32 ukuba athumele uhlu lwamalunga awo azongenala ukhetho, ethi nawo asesimeni esifanayo neseANC , njengalokhu kubhekwe okhethweni lomasipala oluzoba mhlaka 4 kuLwezi. IIEC ithi lokhu ikwenzela ukuwaphatha ngendlela efanayo amaqembu kulandela isinqumi senkantolo yomthethosisekelo ekhiphe isinqumo esivuna iANC . Ikhomishana yokhetho ithi lamaqembu angu 32 afaka amagama amalunga azongenela ukhetho, aphinde akhokha ne diphozi, kodwa awangawathumela ngokuphelele amagama. Ngesikhathi ekhuluma nabezindaba eCenturion, usihlalo weIEC uMosotho Muwepa uthi uma bengakwenzi lokhu, amaqembu asesimeni esifanayo azophakamisa ukukhathazeka ngokubulungiswa ohlelweni lokhetho

Undunakulu waseKZN ugxeke ukubulawa kwamalunga eANC eMgababa

Fri, 16 Oct 2026 13:20:50 +0000

Undunankulu waKwaZulu-Natal mnuz uThami Ntuli ugxeke ukubulawa kwamalungu amabili e-ANC izolo eMgababa, ogwini oluseningizimu yeTheku. Amaphoyisa athi umxhumanisi weANC wezinhlelo zokhetho kuWard 98 uLungani Makhathini kanye nevolontiya lomkhankaso wokhetho badutshulwe bafa ngesikhathi beqhuba umkhankaso wokungena umuzi nomuzi namanye amalungu eqembu. Kuthiwa kubonakale abantu besilisa abangaziwa abebehamba ngeveni , okusolakala ukuba bavele bavulele ngenhlamvu bhekisiwe kulaba akade bekhankasa. Amanye amavolontiya amathathu omkhankaso aye alimala kanti kubikwa ukuba asesimeni esibucayi esibhedlela. UNtuli ucele abakwasidlodlo ukuba basebenze ubusuku nemini ukuze babophe ebenzi bokubi. Amaphoyisa aphenya ngezimo eziholele kulesisigameko

UKHOZI CA: UMKHANYAKUDE PARTIES ON THEIR ELECTION MANIFESTOS.

Fri, 16 Oct 2026 05:35:43 +0000

Amaqembu ahlukahlukene angaphansi komkhandlu wesifunda uMkhanyakude enyakatho yesifundazwe i-KwaZulu-Natal asethembise ukuxazulula inkinga yokwantuleka kwamanzi kulesifunda. Lamaqembu abekhuluma ngokuqukethwe kosomqulu bawo bokhetho ngaphambi kokhetho lomasipala oluzoba ngenyanga ezayo.

Sixoxisane namaqembu i-ACDP, i-God's Justice Development Party kanye ne-People's Power Freedom Party.

ABASIKI BEBUNDA: TWO ANC MEMBERS SHOT DEAD DURING DOOR TO DOOR CAMPAIGN IN DURBAN

Thu, 15 Oct 2026 17:35:42 +0000

Amalunga e-ANC adutshulwe abulawa ngesikhathi enza umkhankaso wokungena umuzi nomuzi eMgababa eNingizimu neTheku. Phakathi kwawo, ilunga le ANC kuWard 98 ebeliphinde libe yivolontiya lomkhankaso wokhetho. Amanye amavolontiya eqembu adutshuliwe asesimweni esibucayi esibhedlela.

I-ANC esifundazweni iKwaZulu-Natali ithi ishaqekile ngalesi sgameko, inxuse umphakathi wase Mgababa ukuthi usebebenzisane namaphoyisa ukuze kutholakale abasolwa.

Sixoxisane nomgqugquzeli weqembu eThekwini, uThanduxolo Sabelo.

ABASIKI BEBUNDA: POLITICAL ANALYST DR NKOSIKHULULE NYEMBEZI LAUDS CONCOURT DECISION ON ANC VS IEC BATTLE

Thu, 15 Oct 2026 17:28:22 +0000

I-ANC iphume phambili odabeni lokusala ngaphandle kwamalungu eqembu angu-181 agaqele izikhundla okhethweni lo hulumeni bezindawo komasipala abayisithupha. Inkantolo yomthetho sisekelo iyamukelile incazelo ye ANC nge mbangela yokungathunyelwa kohlu lwamagama.

Umhlaziyi wezepolitiki uNkosikhulule Nyembezi uthi kufanele sisishayele izandla lesi sinqumo ngoba sizogqugquzela nabavoti abese betheneke amandla futhi siyinkomba yokusebenza kombuso wentando yeningi.

I-ANC yadlulisela lolu daba enkantolo enkulu kunazo zonke ngemuva kokuthi eyezokhetho isichithile isicelo sabo sokuphoqelela inhlangano ebhekelele ezokhetho, i-Independent Electoral Commission yokuchitha uhlu lwayo.

ABASIKI BEBUNDA: LEGAL ANALYST MPUMELELO ZIKALALA ON ANC VS IEC CONCOURT RULING

Thu, 15 Oct 2026 17:26:39 +0000

Ungoti wezomthetho uMpumelelo Zikalala, uthi isinqumo senkantolo yomthethosisekelo esivune i-ANC ecaleni ebimangalele kulo i-IEC, asisho ukuthi amanye amaqembu abesesimeni esifanayo azokwazi ukusizakala. Uthi miningi iminxa okuzofanele ibhekwe, phakathi kwayo, isinyathelo iqembu ngalinye elasithatha mhla lithola ukuthi libhekene nale nkinga. UZikalala uthi lamaqembu angasizakala kuphela uma i-IEC ithatha isinqumo sokuvumela onke amaqembu aphoswa ukuhambisa uhlu lwamagama amalunga azobamela okhethweni ngaphambi kosuku oluwu nqamulajuqu.

Amalunga e-ANC angu-181 abesengcupheni asezokwazi ukugaqela izikhundla okhethweni lo hulumeni bezindawo komasipala abayisithupha ngomhlaka 4 November.

ABASIKI BEBUNDA: SMALLER PARTIES - OLD & NEW - UNPACK THEIR ELECTION MANIFESTOS AHEAD OF LGE

Wed, 14 Oct 2026 17:21:58 +0000

Amaqembu ezepolitiki aneminyaka embalwa esunguliwe nalawo asanda kusungulwa nawo enze izethembiso kubavoti njengoba kubhekwe okhethweni lohulumeni bezindawo nomhlaka-4 November 2026.

Umengameli we Operation Dudula, uSibongile Maseko uchaze kabanzi ngohlu lwabo lwezethembiso kubavoti kanye nezinhlelo zabo zokulungisa uhlelo lukahulumeni olubhekelele abokufika.

UMzuvele Cele, umengameli we South African Mass Movement (SAMMO), usilandise ngesinqumo sabo sokubhalisa kwa-IEC njenge qembu leze politiki. I-SAMMO ibiyinhlangano yomphakathi ngaphambilini, elwela ushintsho emphakathini kanye nokuguqulwa komthetho sisekelo.

USiyabulela Mateza, umengameli we African Unemployed Congress ulandise abavoti ngezinhlelo ezahlukene zokwakha amathuba omsebenzi eNingizimu Afrika abazihlelile. Leli qembu lisungulwe ngo 2025 ngenhloso yokubhekana nokwentuleka kwamathuba emisebenzi. I- African Unemployed Congress ikholelwa ukuthi amathuba emisebenzi akhona, kodwa uhulumeni kuphela ohluleka ukulibeka eqhulweni lolu daba. Abakwa Statistics South Africa bathi isibalo zabangasebenzi kuleli simi ku 33.6%.

inkantolo izosikhipha kusasa isinqumo samalunga eANC afuna ukuba ngamakhansela

Wed, 14 Oct 2026 15:58:03 +0000

I-ANC ithi kungenzeka icabangele ukwakha umfelandawonye namanye amaqembu e EC

Mon, 05 Oct 2026 19:55:37 +0000

Ilungu lekomidi lesigungu esiphezu se ANC kuzwelonke uMdumiseni Ntuli, uthi iqembu kungenzeka licabange ngokwakha umfelandawnye wokusebenzisana namanye amaqembu azongenela ukhetho lohulumeni bezindawo kumasipala wase Ngquza Hill nase Port St Johns esifundazweni i Eastern Cape. Labomasipala bobabili bayingxenye yalabo abayisithupha iqembu elingazange liwathumele kwa IEC amagama abantu abazolimela okhethweni, njengoba lababula ukuthi labhekana nezinkinga zobuchwepheshe ohlelweni lwe IEC lwa Online lokubhalisa. UNtuli, ubambe umhlangano nekomidi legungu esiphezulu esifundeni i OR Tambo eMthatha, njengengxenye yomsebenzi weqembu wokuxoxisana ngqo nezinhlaka zalo. Uthi njengamanje sebebeke amathemba abo enkantolo yomthethosisekelo ukuthi izokhipha isinqumo esizovuna bona.

Umhlaziyi uMaponya uthi bazokwanda abantu abangenela ukhetho ngokuzimela

Fri, 02 Oct 2026 19:48:34 +0000

Umhlaziyi wezepolitiki ozimele u-Enoch Maponya uthi ukwanda kwabantu abazongenela ukhetho lwamakhansela ngokuzimela kwabanye omasipala eLimpopo kungenxa yokunganeliseki ngezinhlelo zokukhetha zangaphakathi emaqenjini ezepolitiki. Kunabantu abayishumi nesikhombisa abazongenela ukhetho lwamakhansela ngokuzimela, okulindeleke ukuba bancintisane emawadini omasipala bendawo kubalwa iCollins Chabane neMakhado okhethweni lomasipala oluzoba ngoLwezi . Umasipala waseCollins Chabane uzoba nabantu abayisikhombisa abazongenela ukhetho ngokuzimela, besuka kwababili ngokhetho luka2021. Kumasipala waseMakhado khona, kuzoba nabantu abalishumi abazongenela ukhetho ngokuzimela. UMaponya uthi lo mkhuba ukhomba ukungezwani kwangaphakathi emqenjini ezepolitiki ngezinhlelo zokuphakanyiswa kwamalungu azongenela izikhundla zokhetho

Seligcine lisusiwe ibhodi leDA eThekwini kuN2 kulandela ukhala kwezikhulu zeThek

Fri, 02 Oct 2026 16:50:22 +0000

Ibhodi lesikhangiso somkhankaso wokhetho leDA eliseThekwini, selisusiwe kulandela izikhalo eziqhamuke kwimeya yeTheku uCyril Xaba kanye nakwezinye izikhulu zikamasipala. IDA yafaka lelibhodi elinezithombe esika Xaba esemenenja yedolobha uMusa Mbhele kanye nesenhloko yomnyango wezamanzi uEdnick Msweli eduze kwamagama athi "You can stop the water mafia" esingakuhumusha sithi "ungazinqanda iziqhwaga eziphazamisa ukuphakelwa kwamanzi" . Lelibhodi belifakwe eceleni komgwaqo uN2. UXaba , uMbhele noMsweli bathumele incwadi yabammeli eqenjini leDA bethi lokhu kungcolisa amagama abo, ngoba kwakha isithombe esithi bayathinteka ebugebengwini obuhleliwe. Okhulumela uMasipala weTheku uSenzo Mzila uthi umasipala uyakwamukela ukususwa kwalelibhodi

Inkantolo ephakeme KuGompo e-Eastern Cape iyalele i-ANC ukuba ihlinzeke ngemnini

Wed, 30 Sep 2026 19:38:52 +0000

Inkantolo ephakeme KuGompo e-Eastern Cape iyalele i-ANC ukuba ihlinzeke ngemniningwane yokuqala engahlungiwe efunwa ngamalungu angenelisekanga ukuze izothunyelwa kuRegistra wayo zingakapheli izinsuku ezilishumi. Inkantolo iphinde yakhipha umyalelo wokuthi leliqembu likhokhe izindleko zomthetho zalabo abafake isicelo. Isicelo sokuhlinzekwa ngemniningwane safakwa ngemuva kokuba amalunga angenelisekile eveze ukungeneliseki kwawo ngokuhlala kwemihlangano yamagatsha ngaphambi kwengqungquthela yokukhetha ubuholi esifundazweni okwafakwa isivimbelo ukuba ingahlali, eyabe ihlelelwe ukuhlala ngoMarch. Benze izethulo bathi lezinhlelo azenziwanga ngendlela efanele, baphinde bathi kwenziwa umkhonyovu ngesikhathi semihlangano yamagatsha. Ummeli wamalunga angenelisekile uSinawo Mkhangela, uthi bajabule ngomyalelo okhishwe yinkantolo.

Kuhlaselwe umuntu ozomela iqembi iPMC okhethweni lomasipala Ekurhuleni

Wed, 30 Sep 2026 15:47:33 +0000

Lowo ozomela iqembu i People's Movement for Change i PMC, kwesobumeya ngaphansi komkhandlu-dolobha waseKurhuleni uNhongo Solo, uhlaselwe waphinde washaywa ekhonjwe ngesibhamu emzini wakhe. Iqembu lithi abalisa abathathu babonakale ngaphandle komuzi ngaphambi kokuba bangene ngesankahlu bafune umakhalekhukhwini ka Solo kanye nemininingwane yakhe yasebhange. USolo kanye nomunye umuntu baboshwe izandla nezinyawo, kanti abahlaselile bakhale bemuka nomakhalekhukhwini ababili, ne Laptop kanye namakhadi asebhange. I-PMC ikholwa ukuthi lesigameko kungenzeka sinenhlese yezepolitiki. Inxuse amaqembu ezombusazwe nabalandeli bawo ukuthi bahloniphe umgomo wokuziphatha ngesikhathi sokhetho, baphinde baqinisekise ukuthi labo abazongenela ukhetho bakhankasa ngaphandle kokwesatshiswa noma balinyazwe.....

AUM AIMS TO EMPOWER RESIDENTS TO CREATE A BUSTLING LOCAL ECONOMY USING NATURAL RESOURCES

Sat, 26 Sep 2026 05:37:35 +0000

Njengoba kusondela ukhetho lohulumeni bezindawo, iqembu iAfrican Unified Movement (AUM) selithembise ukusebenzisana nemphathakathi ukuthi ikwazi ukusebenzisa izinsiza zemvelo kanye neziseduzane nabo ukwakha umnotho wendawo kanye namathuba emisebenzi.

Ohlelweni Ezangempelasonto sixoxisane no Mnu Happy Mosoma, ogaqele iskhundla sobu meya eBushbuckridge, esifundazweni iMpumalanga.

LITHEMBISA UKWENZA NGCONO IMPHAKATHI EBHEKENE NEZINSELELO IQEMBU I-GAP FIXERS OF SOUTH AFRICA

Sat, 26 Sep 2026 05:28:16 +0000

Iqembu iGap Fixers of South Africa lithi yize labhekena nezingqinamba ngonyaka ka 2024 langakwazi ukungenela ukhetho lukazwelonke, kulonyaka lithi alizuvinjwa yilutho njengoba bekwazile ukungenela ukhetho lohulumeni bezindawo oluzoba ngo November.

U-Njabulo Bandile Nzuza, ungusihlalo waleliqembu esifundazweni iKwaZulu-Natal, sibe naye ohlelweni Ezangempelasonto nalapho eveze ukuthi injongo yeqembu ukuzovala izikhala ezishiywa amaqembu amakhulu uma esemandleni.

IEC Disinformation Ukhozi Bulletin 21_00 Hloniphile Fakazi 23_09_2026

Wed, 23 Sep 2026 19:27:28 +0000

Kwengezwe umthetho ekuhloswe ngawo ukunqanda ukusabalalisa ulwazi olungalona iqiniso emigomweni yokuziphatha yaka-IEC. Ikhomishana yokhetho phambilini kulenyanga yashicilela ngokusemthethweni umgomo wokuziphatha okhethweni ofaka nokusabalalisa ulwazi olungalona iqiniso okhethweni lohulumeni basekhaya, lomthetho wethula imibandela eqinile yawowonke amaqembu, abazomela amaqembu kanye nabalandeli bamaqembu. Amaqembu epolitiki kanye nabangenele ukhetho ngokuzimela namhlanje bahlanganele eGallager Convention Centre eGoli, ukuzozibophezela ekutheni angeke bazibandakanye ezenzweni ezizobukela phansi ukhetho elinokuthula, olukhululekile futhi elingenakho ukwenzelela. Isikhulu saka-IEC uMosotho Muyepya siyachaza...

SICHITHIWE ISICELO SAMALUNGU E ANC E-EASTERN CAPE, APHIKISANA NOHLU LWABAQOKWE KWEZOBUKHANSELA

Wed, 23 Sep 2026 10:47:45 +0000

Inkantolo ephakeme yase Makhanda esifundazweni i Eastern Cape isichithile isicelo esiphuthumayo ebesifakwe amanye amalungu e ANC esifundazweni, abefuna ukunqanda ukuthunyelwa ku IEC kohlu olunamagama abantu abazomela iqembu okhethweni lomasipala okubhekwe kulo. Lamalungu eqembu avela emagatsheni okubalwa kuwo Inxuba Yethemba Sub-Region ne Alfred Nzo azwakalise ukungenami ngezinhlelo zemihlangano yegatsha. Ngenkathi ijaji uSunil Rugunanan likhipha isinqumo, lithe izizathu zokuchithwa kwalesicelo zizokhishwa ngokuhamba kwezikhathi. Intatheli yezindaba ze SABC uSidima Mfeku, iyasibikela....

I-ANC IZOLWEDLULISELA ENKANTOLO YOMTHETHOSISEKELO OLOKUCITHWA KOHLU LWAMAGAMA

Wed, 23 Sep 2026 10:12:15 +0000

Emva komhlangano wezikhulu eziphezulu nekomidi elibhekele ukusebenza kwansukuzonk ekweqembu ngoMsombuluko, i-ANC inqume ukudlulisela udaba lokuchithwa kohlu lwabazomela leliqembu i-IEC, enkantolo yomthethosekelo. Loku kumayelana nokuchithwa kwabazomela leliqembu abayi- 181 abebezomela i-ANC okhethweni emva kokuthi kuthiwa yahluleka ukubafaka ngesikhathi esasibekiwe. Ekhuluma ngasese emcimbini wokusayinda isibophezelo sokuziphatha kwamaqembu kubhekwe okhethweni nangesikhathi sokhetho eCenturion namhlanje ekseni, uSy Mamabolo walekhomishana uthe loludaba luzongena enkantolo yomtehthosisekelo mhla ziyi-7 kuMfumfu.
Dbn Soms

IPA ithi ikulungele manje ukuthatha izintambo kumasipala iNelson Mandela Bay

Tue, 22 Sep 2026 13:19:45 +0000

Umholi we-Patriotic Alliance uGayton Mackenzie uthi iqembu lakhe selikulungele ukuthatha izintambo emkhandlwini dolobha iNelson Mandela Bay, kodwa uvulelekile ukusebenzisana nanoma yiliphi iqembu lezepolitiki uma kunesidingo. U-Mackenzie umemezele amakhansela kanye nomuntu iqembu elizofolosa ngaye esikhundleni semeya eGqeberha eEastern Cape njengalokhu kubhekwe okhethweni lomasipala mhla zizine kuLwezi. Njengamanje lo masipala ubuswa ngamaqembu ehlukene aholwa yi-ANC. U-Mackenzie uthi iqembu lakhe lizoba yiqembu elizonquma ngekusasa kulo masipala ngemuva kokhetho.

Kuqubuke udungunyane phakathi kukaNgizwe Mchunu namalunga eEFF eNanda eThekwini

Fri, 18 Sep 2026 18:45:26 +0000

Umhleli wemcimbi uNgizwe Mchunu uthi ilungu lethimba lakhe lezokuphepha liqhumise isibhamu sohlobo lwe-AK-47 emoyeni ngemuva kokubona iqulu lamalunga eEFF ephethe izibhamu e-Inanda enyakatho neTheku. Amaphoyisa kuye kwadingeka angenele ngemuva kokuba kuqubuke udweshu, kwabe sekuqhuma izibhamu. UMchunu uthi bebehlola indawo lapho bezobamba khona umcimbi womculo kusasa ngesikhathi bebhozonyelwa yiqulu labalandeli be-EFF. UMchunu uhlele umcimbi womculo eduze kwendawo lapho i-EFF izokwethula khona umhlahlandlela wezethembiso zokhetho esifundazweni kusasa. Umholi we EFF uJulius Malema no Mchunu sekuphele isikhathi eside benokungaboni ngaso linye okuholele ekutheni baze bafakane ezinkantolo. UMchunu uchaza uhlangothi lwakhe kuloludaba

UMHOLI WE ATM EPHALAMENDE U-VUYO ZUNGULA UMENYEZELWE NJENGOZOGAQELA ISIKHUNDLA SOBU MEYA EGOLI

Mon, 14 Sep 2026 17:17:45 +0000

Lowo ohola iqembu iAfrican Transformation Movement (ATM) ephalamende uVuyo Zungula usephakanyiswe njengomele leliqembu njengemeya yomkhandlu-dolobha wase Goli.

I-ATM iphinde yamemezela u Velaphi Ndaba njengozomela iqembu kumkhandlu-dolobha wasEkurhuleni no Mncedi Ndzawanana kowase Tshwane.

Lesisimemezelo senziswa kwihholo lomphakathi e-Orlando, eSoweto phambilini namuhla.

Ukuthola kabanzi sixhumane naye uZungula ohlelweni Abasiki Bebunda.

INKULUMOMPIKISWANO YAMAQEMBU EZEPOLITIKI EMGUNGUNDOVU OHLELWENI ABASIKI BEBUNDA

Sun, 13 Sep 2026 06:19:06 +0000

Uhlelo Abasiki Bebunda belusakaza bukhoma eMgungundlovu City Hall lapho amaqembu ezepolitiki iANC, MKP, IFP, DA, EFF kanye ActionSA ebene nkulumompikiswano njengoba usuku lokhetho lohulumeni bezindawo lusondela.

ANETHEMBA LOKUPHUMA PHAMBILI AMAQEMBU EZEPOLITIKI ANGENELE UKHETHO LOHULUMENI BEZINDAWO

Sat, 12 Sep 2026 06:49:21 +0000

Amaqembu ezepolitiki amatasa alungiselela ukhetho lohulumeni bezindawo.

Esigabeni sokuqala sixoxane no Mzwandile Goge weqembu iAfrika Mayibuye Movement eholwa ngu Floyd Shivambu.

Kanti esigabeni sesibili sixoxisane no Muzi Hlophe, ongumengameli we National Community Liberation Movement.

Umengameli weANC uthi kumele ixazululeKE inkinga yobuchwepheshe yakwa IEC

Fri, 04 Sep 2026 17:06:27 +0000

Umengameli we-ANC mnuz uCyril Ramaphosa uthi kumele kube nesixazululo ngezinkinga zobuchwepheshe ababhekane nazo, ezivimbele iqembu ekutheni lithumele ku IEC wonke amagama abantu balo abazongenela ukhetho. Cishe ngabantu abayizinkulungwane ezimbili namakhulu amathathu abebegaqele ukungenela ukhetho abavela emaqenjini ezepolitiki angama 45 okuhlanganisa ne-ANC abangeke besakwazi ukungenela ukhetho lomasipala. Laba abazongenela ukhetho, afakwa amagama abo ohlelweni lwa ONLINE lakwa IEC, kodwa awazange athunyelwe ngaphambi kokuba kushaye umnqamulauqu wehora lesihlanu ntambama ngoLwesihlanu olwedlule. Abantu abathintekile abebezongenela ukhetho ngaphansi kweANC bavela e-Eastern Cape, eFree State kanye naKwaZulu Natal . Ekhuluma emkhankasweni weqembu obuseTembisa e-Ekurhuleni phambilini namhlanje, uRamaphosa utshele izintatheli ukuba lolu daba ludinga ukuxazululwa maduze.

UMNDENI WEKHANSELA leIFP ELIBULELWE eMshwathi UTHI UKHATHAZEKILE NGOKUPHAPHA

Fri, 04 Sep 2026 16:15:55 +0000

Uthi usuphila ngokwesaba umndeni welungu le IFP ebelizomela iqembu okhethweni lohulumeni bezindawo elidutshulwe lafa phambilini kulelisonto KwaSwayimani maphakathi nesifundazwe. Kuthiwa oshayasibhamu balandele uLucky Sokhela obezongenela ukhetho ku Ward 8 kumasipala wase Mshwathi, baze bayofika naye emzini wakhe babe sebembulala ngoLwesibili ntambama. USokhela uyikhansela le IFP lesibili elibulewe esontweni elilodwa ngemva kokuba uKhethelo Mdluli edutshulwe ngoLwesine olwedlule eMlalazi. Okhulumela umndeni wakwa Sokhela, ongathandanga ukudalulwa igama, uthe ukhathazekile ngokuphepha komndeni wakhe....

I-ANC ihlela ukulwedlulisela enkantolo yezokhetho olokuthunyelwa kwamagama kwi I

Fri, 04 Sep 2026 13:27:35 +0000

I-ANC ithi ihlela ukuluphonsela inselelo udaba lwezinkinga zobuchwepheshe ezibangele ukuba ingakwazi ukufaka amagama abantu abazoyimela okhethweni ohlelweni lwa Online lwaka IEC futhi izonikela enkantolo yezokhetho maqondana naloludaba. Umengameli we ANC uCyril Ramaphosa utshele izintatheli ngezinyathelo ezizothahwa yiqembu, eceleni ngesikhathi kuqhubeka umkhankaso wokugaya ivoti wokungena umuzi nomuzi endaweni yaseTembisa, Ekurhuleni phambilini namuhla. Abalelwa ekhulwini namashumi ayisishiyagalombili nanye 181 amakhansela ezigceme nama PR Concillors e ANC achithiwe ukuba angenele ukhetho lohulumeni basekhaya okubhekwe kulo. I-ANC ithi Yabhekana nezingqinamba zezobuchwepheshe ngenkathi ifaka uhlu lwamagama abantu abazoyimela ohlelweni lwaka IEC nokwaholele ekutheni ingakwazi ukufaka wonke amagama.

IBOSA imemezela ozoyimela kwesobumeya e Cape Town

Thu, 03 Sep 2026 14:32:47 +0000

Umholi we Build One South Africa uMmusi Maimane, usememezele uRodger Solomons njengozomela iqembu kwesobumeya edolobheni laseCape Town okhethweni lomasipala oluzokuba ngo Lwezi. UMaimane ukhulume namalungu omphakathi kwenye yezindawo eyaziwa njengesidleke sobugebengu eNyanga eduze ngomgwaqo uN2 la okunesiphakamiso sokuthi kwakhiwe khona udonga oluhlukanisa izindawo ngenhloso yokulwa nobugebengu. I-BOSA iphinde yethula uhlelo lwayo ethu lubeka abantu phambili uma kuziwa ekulweni nobugebengu. Uthi kushona abantu abaningi N/A nsukuzonke ukwedlula emazweni akhungethwe yizimpi. UMaimane uthi kumele kusungulwe izinhlelo ezizosebenza zokulwa zokunqanda ubugebengu