Radioteater

LIESBET deur Leon van Nierop

Thu, 25 Jun 2026 18:00:00 +0000

Liesbet (die naam van ‘n lokomotief waarin Koningin Elizabeth volgens oorlewering ook gery het en die fluit getrek het) word van vergange se dae teruggebring, wanneer ‘n ou stoker, Absolom, deur ‘n hotelgroep aangesê word om ‘n lokomotief te restoureer, en toeriste gereeld na ‘n stasie te vervoer waar ‘n hotel pas gebou is. Hy ontmoet ‘n skoolseun, Gieljan, wat disleksies is, en wat saam met hom gaan ry. Dié twee het ‘n lewensveranderende invloed op mekaar. Die spelers is Deon Lotz, Rico Immelman en Ria Smit. Leon van Nierop het die regie behartig.

DIE POTPLANT deur Karli Heine

Thu, 18 Jun 2026 19:10:00 +0000

‘n Klompie verwaarloosde plante in ’n kantoor is ongelukkig met hulle omstandighede. Hulle besef hulle kom al hoe nader daaraan om te vrek, en probeer onmiddellik planne beraam om te oorleef. Met ’n paar verwikkelinge en struikelblokke, soos Ontvangs se haarsproei, wonder hulle oor ’n paar goed: Wie is nou eintlik die vyand - Vismot, die grommige-gogga wat aan alles knaag, óf die ledematiges wat in die kantoor werk en klaarblyklik nie na hulle omsien nie. En die belangrikste - Is die gras werklik groener aan die ander kant? Die spelers is Joanie Combrink, Karli Heine, Lochner de Kock, Marion Holm en Esther von Waltsleben. Musiek deur Grethe van der Merwe. Frieda van den Heever is die regisseur.

AMADEUS deur sir Peter Shaffer (Vertaal en verwerk deur Nerina Ferreira)

Thu, 11 Jun 2026 18:01:00 +0000

Antonio Salieri is die afgetrede hofkomponis van die keiser Josef II, maar nou sit hy in sy blyplek in Wene en besluit om iets te bely... Hy vertel van sy eerste ontmoeting met 'n ander komponis, Wolfgang Amadeus Mozart. Mozart was 'n wonderkind en van jongs in aanvraag regoor Europa. Salierie, daarenteen, was 'n bra gemiddelde komponis en die tweestryd tussen hom en Mozart is iets wat nou nog by hom spook. Net voor sy finale belydenis speel die werklikheid hier reg voor hom af... André Rossouw vertolk Salieri, en die gevierde verhoogregisseur, Marthinus Basson, Mozart. Ander spelers is Shirley Ellis, Dawid Minnaar, Herman Pretorius, Paul Malherbe, Pieter Cilliers, Dawie Ackerman, Johan Rademan, Jan Lombard en Pieter Bredenkamp. Margot Luyt het die regie behartig.

FRANK & GLADYS deur Tom Stoppard (vertaal deur Roy Niemann)

Thu, 11 Jun 2026 18:00:00 +0000

Frank skakel die telefoondiens wat die korrekte tyd aandui, maar herken dadelik die vrouestem aan die ander kant van die lyn. Dis sy oorlede vrou, Gladys! Hy besluit om die gebou wat hierdie diens lewer, binne te vaar, en te eis dat die owerhede sy vrou vrylaat. Die spelers is Lourens Cillié, Leona Rich, Dawie Ackerman, Trudie du Plessis, Louw Verwey, Kitty Albertyn, Amanda Muller, Paul Malherbe, Limpie Basson, Christine Liebenberg, Johan Rademan en Roy Niemann. Margot Luyt het die regie behartig.

EEN, TWEE, DRIE, BLOK MYSELF deur Karen Wessels

Thu, 04 Jun 2026 18:00:00 +0000

Wanneer ’n aantreklike vreemdeling, Walter, opdaag en haar wêreld stadig begin ontwrig, word dit duidelik dat alles nie pluis is nie. Soos Monika se werklikheid begin verbrokkel, word die jy meegesleur in ’n spanningsvolle onthulling van verborge geheime, skuldgevoel, en ’n verlede wat weier om begrawe te bly. Die drama word gedra deur intense dialoog, atmosferiese klankontwerp en musiek wat as emosionele leitmotief dien. Die rolverdeling sluit sterk karakteruitbeeldings in deur Amanda Strydom, Pierre Breytenbach, Natasja Jacobs, Pietie Beyers, Zane Meas en Jakkie Groenewald. Elke karakter is ’n draer van hulle eie pyn, geheime en morele grys areas. Dis ’n rou en eerlike drama wat vrae stel oor identiteit, herinneringe en of ’n mens werklik van jouself kan wegkruip. Karen Wessels het die regie behartig.

HARTSAKE deur Joe Kleinhans

Thu, 28 May 2026 18:00:00 +0000

In die wêreld van sepies en skyn, is daar soms net een storie wat te na aan die hart lê. Wanneer ’n akteur, wat ’n dokter in ’n sepie speel, in die hospitaal beland, vervaag die grense tussen fiksie en werklikheid. HARTSAKE is ’n moderne tragedie wat diep delf in die psige van liefde, verlies en die stille brutaliteit van alledaagse verhoudings. Met Robbie Wessels, Renske Jacobs, Kaz McFadden, Imarie Oberholzer, Antowan Nothling en Elzabé Zietsman. Luan Jacobs is die regisseur.

SLANG IN DIE GRAS deur Chris Madjiet

Thu, 21 May 2026 18:00:00 +0000

Slang en sy groepie helpers tel kosbaarhede by die asgate op om te verkoop. Hulle stel veral belang in koper en aluminium. Hulle was almal in die tronk, en lede van die tronkbendes. Die hiërargie op die asgate is duidelik: Slang sê… en die res moet luister. En daar is min genade vir dislojaliteit. Die spelers is Chris Madjiedt, Charlton George, Marlo Minnaar, Rayston Stoffels en André Samuels.

GROETE VAN TANT MARTJIE deur Paula Hartzenberg

Thu, 14 May 2026 18:00:00 +0000

Martjie en Bruwer Groenewald (Rika Sennett en Anton Dekker) het nie 'n maklike lewe agter die rug nie. Daar is 'n leemte in Martjie se bestaan, wat sy hoop om uiteindelik te kan vul. Sy weet egter dit sal nie maklik wees nie. Haar man doen alles in sy vermoë om die hartseer wat sy nog altyd in haar ronddra, uiteindelik te verlig. Dit sluit in om Thomas Smit (Sean Brebnor) om te haal om haar op hulle plaas te besoek - oënskynlik om geldelike hulp by haar te kry. Thomas het 'n bevoorregte lewe gely. Hy is geheg aan sy ma (Bertha le Roux-Wahl), maar sekere feite wat ná sy pa se dood aan die lig kom, verwar hom. Ná sy besoek aan Martjie kry hy uiteindelik antwoorde. Ander spelers is Louise Eksteen as Kadija, 'n eertydse verpleegster wat Martjie jare gelede bygestaan het, en nuweling Mada Oosthuizen as Lianie Landman, die jong vrou wat deels verantwoordelik is vir Thomas se geldelike probleme. Die drama is in Johannesburg opgevoer deur Mari Snyman.

‘N ONVERWAGSE KRISMISBOKS deur Christo Davids

Thu, 07 May 2026 18:00:00 +0000

Margie, ’n toegewyde verpleegster by Tygerberg Hospital, werk lang en uitputtende skofte om haar twee kinders, Zelda en Zak, te onderhou nadat haar man, Henry, haar jare tevore verlaat het. Zelda raak swanger ná ’n verhouding met George, ’n getroude man, wat druk op haar plaas. Zak word gearresteer vir die aanranding van ’n vrou aan wie hy dwelms verkoop het. In ’n ironiese wending word Henry, Zak se afwesige pa, sy prokureur wat intussen deur sy tweede huwelik is, en nou alleen is. Hierdie omstandighede dwing die gesin om weer bymekaar te kom oor Kersfees, waar ou wonde, skuld en moontlike versoening na vore kom. Die spelers is Ivan Abrahams, Theresa Cloete, Dean Balie, Kim Cloete, Hein Poole, Sue Pyler-Slabbert, Johan Stassen en Deirdre Wolhuter. Margot Luyt het die regie behartig. Die drama is in 2013 die eerste keer uitgesaai as deel van RSG se eerste kunstefees.

BLOED VAN MY deur JJ Roberts

Thu, 30 Apr 2026 18:00:00 +0000

Meyer is Simeon se ouer broer. 18 Maande tevore is hulle ouers in ’n motorongeluk dood, en Meyer moes sy studies staak en as Simeon se voog optree terwyl hy sy laaste twee jaar op skool voltooi. Simeon worstel met ’n skuldgevoel omdat hy ná ’n partytjie gearresteer is en sy ouers hom by die polisiestasie moes gaan haal, maar onderweg daarheen het hulle verongeluk. Dit lei tot allerlei probleme tussen die twee broers, totdat hulle openlik oor hulle ouers se dood praat en hulle verhouding herstel word. Die spelers is Casper Lourens, Wiandré du Plessis, Claudia Jones, Rico Immelman en Blyde Schoeman. Eddie de Jager is die regisseur. JJ Roberts het die prys vir Jong Skrywer (jonger as 30 jaar) gewen in die 2025 RSG Radiodramaskryfkompetisie in samewerking met die ATKV.

KALAHARI STERRE deur Adam Willemse

Thu, 23 Apr 2026 18:00:00 +0000

Drie vriende en hulle jong bestuurder vertrek op ‘n reis na die dorpie Askam. Dit blyk nie net ‘n gewone reis te wees nie, maar ook ‘n ontdekkingsreis, ‘n reis na self, na identiteit en aanvaarding. Boeta, Benji, Lulu en Paul bied ŉ vertoning aan, wat dit waag om die ander sy van menswees uit te beeld vir ŉ konserwatiewe landelike gehoor. Ten spyte van veral Boeta en Paul se kommer, is die vertoning ŉ reuse sukses, en is daar ook sprake van vergifnis en herstel van ŉ onseker verhouding tussen Boeta en sy weerbarstige pa, Ruben. Die spelers is Dean Balie, André Samuels, Wessel Pretorius, Eben Genis, Susanne Beyers en Royston Stoffels. Joanie Combrink het die regie behartig. Die drama is as die algehele wenner aangewys in die 2025 RSG Radiodramaskryfkompetisie in samewerking met die ATKV.

SUIKERBEK deur Ingrid Penzhorn

Thu, 16 Apr 2026 18:00:00 +0000

Carolien is ’n mediese student wat finansieel noustrop trek. ’n Medestudent, Saskia, vertel haar hoe sy maklik geld kan verdien deur ’n gesellin vir ’n welgestelde man te wees. Aanvanklik is sy baie bang, maar heel gou geniet sy Chris Claassen se geselskap en wat sy saam met hom beleef. Totdat sy ’n besope prof. Albertyn op ’n partytjie raakloop, en hy hom onbetaamlik gedra. Nadat sy afgestudeer is, sien sy en Josua in die koerant dat die professor van sy amp onthef is en dat die Gesondheidsberoepsraad begin ondersoek instel het na klagtes van vroulike pasiënte van dekades gelede. Toe Josua vra of sy Chris Claassen weer sal wil sien, sê sy: “Miskien. Maar vir nou is jy al man wat ek naby my wil hê.” Die spelers is Deon Lotz, Minke Marais, Conradie van Heerden, Karli Heine en André Weideman. Johan Rademan is die regisseur.

GEBAKTE PERE deur Karin du Toit

Thu, 09 Apr 2026 18:00:00 +0000

Marnus se eerste dag op universiteit kon nie met ’n groter skok begin het nie. Emma daag ná maande se stilswye skielik by die woonstelblok waarin hy sal tuisgaan op met die nuus dat hy die pa van ’n kind is. Sy laat die baba in die drie woonstelmaats se sorg, en sê sy het die fopspeen in haar motor vergeet. Sy kies die hasepad. Vyf dae lank het die drie probeer huishou met klein Peertjie, en uiteindelik bel Adriaan sy tante Magda om te vertel van Marnus se gebakte pere. Magda kom haal die kind, en vier jaar later by die gradeplegtigheid, is dit duidelik dat Marnus en Emma versoen is, en met Magda se hulp, die trotse ouers van die vierjarige Nathan is. Karen du Toit is as gesamentlike naaswenner aangewys in RSG se 2025 Radiodramaskryfkompetisie in samewerking met ATKV. Die regisseur is Lelia Etsebeth, met Christopher van der Westhuizen, Dihan Keun, JJ Roberts, Izel Bezuidenhoud, Marina Coetzee en Gretha Brazelle in die rolverdeling.

DIE HERBERGIER deur Esta Steyn

Fri, 03 Apr 2026 12:00:00 +0000

Die herbergier van Betlehem wat vir Maria en Josef skuilplek gegee het en saam met sy gesin die geboorte van Jesus meegemaak het, woon in Jerusalem by sy oudste seun toe Jesus 33 jaar later gekruisig word. Hulle word gekonfronteer met die onvermydelike van sy teregstelling, maar ook met konflik in der midde as hulle jongste seun saam met die tempelwag optrek om Jesus gevange te neem. Die regisseur is Helena Hugo met Cobus Visser, Gigi Strydom, Martin Jansen, Bertha le Roux-Wahl, Eswé Bruwer en Anrich Herbst in die rolverdeling.

MEEU-RUS deur Jana Nortier

Thu, 02 Apr 2026 18:00:00 +0000

Stefan, Dawid de Kock se buite-egtelike kind, erf die familieplaas ná sy afsterwe. Elna en Hein, Dawid se kinders uit sy huwelik, betwis die testament, en roep die hulp in van Landi Arendse. Landi het egter ‘n geheim van haar eie. Die spelers is Ryno Hattingh, Kim Cloete, De Waal Stemmet, Stephanie Baartman, Christine Voorendyk en Francois van Rensburg. Die regisseurs is Christelle Webb-Joubert en Juanita de Villiers. Die drama is derde plek-wenner in die 2025 RSG Radiodramaskryfkompetisie in samewerking met die ATKV.

'N WONDERWERK VIR KERSFEES deur Riana Scheepers

Thu, 25 Dec 2025 13:00:00 +0000

Die “wonderwerk” in hierdie drama is gebasseer op 'n werklike gebeurtenis. Dit het regtig so gebeur dat tannie Bettie Nysschen, 'n bekende en geliefde figuur van buite Wildernis, haar huisdeur se sleutel gebruik het om haar bakkie oop te sluit en weg te ry nadat haar huis aan die brand geslaan het. (Egter nie tydens Kersfees nie.) Die res van die gebeure en karakters is fiktief. Tannie Sara is ’n weduwee, Sy bedryf ‘n padwinkel wat groente, vrugte, tuisgemaakte produkte, melk en eiers verkoop. Wilhelm, haar seun, help haar op die plot. Sy ideaal is om eendag sy ma te ondersteun. Hy is begaafd en wil graag gaan studeer met die bietjie geld wat hy en sy ma bymekaar kon maak. Marie is Sara se dogter, en hoog swanger. Wilhelm het nie een goeie woord vir sy suster en haar kêrel, Chrisjan nie. Chrisjan identifiseer homself as ‘n profeet wat gedurig die Woord voorhou as sy morele kompas. Hy sien ‘n eienaardige ooreenkoms tussen Marie se swangerskap en dié van Maria met die geboorte van Jesus. Hy en Marie is nie getroud nie, maar onderneem om die kind groot te maak asof hy die Messias is. Dis Oukersdag, ‘n boom word versier, kerse word aangesteek, en ‘n feesmaal word voorberei vir die klein Barnard-gesin en Chrisjan. Die karakters wens elk vir hulle eie wonderwerk, en dit is die katalisator wat ‘n wonderwerk vir almal laat gebeur. Vir sommiges goed en vir ander minder goed. Die spelers is Joanie Combrink, Mariechen Vosloo, Anrich Herbst, Dean Balie en Rolanda Marais. Johan Rademan is die regisseur.

PENDORING (EDMS) BEPERK deur Ampie van Straten

Thu, 18 Dec 2025 18:00:00 +0000

Die eksentrieke kopieskrywer, Gert Klopper se passie, Afrikaans, wat hy liefderik as sy “meisie” beskryf, bots met konvensionele taalreëls. Sarie, ’n jong vrou wat by Gert kom werk, is geboei deur sy ongekunstelde, avontuurlike taalgebruik, en sy sjarmante uitlatings oor sy taalliefde én haar gemmerkoekies!. Hulle humoristiese en hartlike verhouding is die hooffokus van die verhaal. Die rolverdeling is Katinka Heyns, Matthys du Toit, Arno Kotze, Martie Lee, Paul Eloff, Francois Nel, Hennie Oosthuizen, Will Bernard, Francois de Bruin, Willie Pretorius, en Allewyn Lee. Roelf Jacobs het die regie behartig. Die klankbaan is opgeneem met ‘n lewendige orkes onder leiding van Theo Erasmus.

MISVERSTAND deur Anene Loots

Thu, 11 Dec 2025 18:00:00 +0000

Elna probeer haar wankelrige huwelik red deur vir haar man, Bert, ‘n verrassingspartytjie te reël om sy 60ste te vier. Bert raak agterdogtig, en kom tot sy eie gevolgtrekkings... Die spelers is Joanie Combrinck, Albert Maritz, Nic de Jager en Ané Fourie. Thomas van Niekerk debuteer as regisseur.

VLUGVOOS deur Ronel Mostert

Thu, 04 Dec 2025 18:00:00 +0000

Die weduwee Cumi was maar vir enkele maande met André getroud voor sy hom dood op die sitkamervloer aangetref het. Hulle het mekaar in Viëtnam ontmoet waar sy op vakansie was, en is ná ‘n blitsromanse getroud. Skielik is daar verskeie geheime wat nou op die lappe kom, soos dat haar oorlede man ‘n broer en ‘n ouma het waarvan sy nie geweet het nie. Hulle was ook nie van haar bestaan bewus nie. Sy weet ook nie eintlik wat André vir ‘n lewe gedoen het nie... En nou is sy die hoofverdagte in die moord. Wat het André weggesteek, en wat was die aard van sy transaksies in Viëtnam? Is Cumi so onskuldig soos wat sy voorgee? As sy nie die moord gepleeg het nie, wie het dan en hoekom? Die spelers is Juanita de Villiers, Mariëtte Engelen, Anton Engelen, Andreas Jordaan en Claudia Jones. Die regisseur is Ina Strydom.

VERMIS, OPHELIA deur Maria Vos

Thu, 27 Nov 2025 18:00:00 +0000

Nella kuier op ’n klein kusdorp om haar ouers te help intrek, maar nadat sy met die uitpakslag ’n klompie glase breek, besluit haar ma sy wat Nella is moet eerder die plaaslike kerkbasaar se reëlings oorneem. Dié eenvoudige guns ontaard in ’n besonder stresvolle geleentheid toe ’n boer met die verkeerde soort skenking opdaag, en die buurdorp se oorbedrywige polisiesersant die kleinvee aan die stert beetkry. Met Lizelle Pike, Pietie Beyers, Elzette Maarschalk, Hannes Brümmer, Nana Stapelberg en DeWaal Stemmet. Juanita de Villiers het die regie behartig.

EINDFLUITJIE deur Albert Short

Thu, 20 Nov 2025 18:00:00 +0000

Waar was jy tydens die 1995 Rugby Wêreldbeker-eindstryd? Onthou jy nog Stransky se skepskop? Regisseur Johan Rademan was saam met Heinrich Marnitz 30 jaar gelede in die kommentaarspan, en al die aksie en drama word verweef in Albert Short se radioteater, EINDFLUITJIE. ‘n Seun wie se droom om eendag die groen-en-goud te dra, het nie kaartjies vir die eindstryd nie, maar beland langs die Ellispark-rugbystadion waar hy wonderwerke beleef en ‘n liefde ontdek in ondernemende geselskap. Die drie skoliere word vertolk deur Stefan Vermaak, Jane de Wet en Eloff Snyman. Wilhelm van der Walt, Roeline Daneel en Deon Lotz verteenwoordig die ouer garde. In hierdie drama, onder regie van Johan Rademan, beleef jy saam die 15-12 Springbok-oorwinning oor die All Blacks, en al die skoppe, waarvan drie skepskoppe.

DESEMBERSTERRE deur Helena Hugo

Thu, 13 Nov 2025 18:00:00 +0000

Die lewe van bekende sepiesterre prikkel die verbeelding van Jan Alleman. Voorblaaie vertel die stories van hulle lewe agter die kameras. Deesdae neem sterre die storie in hulle eie hande, en deel dit op sosiale media. Dit vertel steeds net geselekteerde en soms gepoetste weergawes van wat die sterre en die vervaardigers met ons wil deel. DESEMBERSTERRE bied ‘n humoristiese kyk op die regte lewe van ‘n paar sepiesterre, en ons leer meer oor hulle persoonlike en professionele uitdagings. Die spelers is Lizelle Pike, Dihan Keun, Botha Enslin, Mia-Anne O’Kennedy, Sean Brebnor en Rian Terblanche. Estel de Beer het die regie behartig.

DAAR LEEF MENSE DAAR deur Athol Fugard

Thu, 06 Nov 2025 18:00:00 +0000

Die drama speel af in ‘n vervalle losieshuis in Johannesburg. Millie, die middeljarige eienaar van die losieshuis, wat afgesonder en onvergenoegd voel, probeer tevergeefs die aandag van ‘n lang verlore kennis trek. Sy beraam planne om vir die buitewêreld te wys dat haar lewe en haar huis nog ‘n plek is waar mense kan leef. Die loseerders word opgekommandeer om haar met hierdie planne by te staan. Don is ‘n filosoof van aard, wat sy intellektuele vermoë laat geld deur gedurig Millie se geestestoestand te ontleed. Shorty, ‘n ongeskoolde posbode, loseer saam met sy vrou, Sissy, by Millie. Op die vooraand van haar verjaarsdag besluit sy om 'n partytjie saam met haar loseerders te hou, in 'n poging om te bevestig dat "mense daar woon", dat hulle lewe betekenis het ten spyte van hulle onbekendheid en eensaamheid. Soos die aand ontvou, verander die partytjie in 'n rou, emosionele konfrontasie oor mislukking, veroudering en die behoefte aan menslike verbintenis. In die rolverdeling is Deidre Wolhuter, Johann Nel, Wessel Pretorius en Hannah Borthwick. Marko van der Colff het die drama in Afrikaans vertaal. Margot Luyt het dit vir die radio verwerk, en die regie behartig.

TWEE GRAFGRAWERS EN ‘N MELKHOUT deur Jaco Versveld

Thu, 30 Oct 2025 18:00:00 +0000

Bruce en Brendan grawe saam grafte. Albei om verskillende redes. Bruce spaar vir ‘n operasie sodat sy siek kind weer kan loop. Brendan dien gemeenskapsdiens uit vir bedrog. Of só sê hy... Wanneer Brendan skielik agterdogtige vrae begin vra oor die begraafplaas en hoe dinge daar werk, begin Bruce wonder of daar meer as net ‘n kis en ‘n kluit by Brendan se belangstelling betrokke is. Die drama is die wenner van die merieteprys in die 2024 RSG-radiodramaskryfkompetisie in samewerking met die ATKV. Die spelers is Phillru van Achterbergh, Mortimer Williams, Kevin Smith, Francois Stemmet en Izette Blignaut. Die regisseur is Renske Jacobs.

GENADE, PROFESSOOR! deur Nico Luwes

Thu, 23 Oct 2025 18:00:00 +0000

Die Rachmaninoff-liefhebbende professor Weiss is peinsend besig met die taak om sy geliefde musiekdepartement te probeer red. Met die soeke na oplossings word dit baie duidelik dat nie alles in sy departement se kluis pluis is nie: kontant-kaartjieverkope by konserte verdwyn spoorloos. Dit word sy en sy kollega, mev. Schimper, se taak om die raaisel op te los, maar daar is ‘n moontlikheid dat hulle twee dalk meer as net romantiese vonke met mekaar deel. So word ons heldin, mej. Stamper, ook in die misterieuse sage ingetrek. Sy is die lojale sekretaresse van prof. Weiss, maar kan sy haarself neutraal hou sodat die ware skobbejak vasgetrek word? As ‘n toegewyde katliefhebber verkies sy haar Mephistophelies se geselskap bo haar mededepartementslede se leuens en verdagte gedrag. Maar wie is die werklike geldgierige skuldige? Die spelers is André Odendaal, Bertha le Roux-Wahl, Sulette Thompson, Botha Enslin en Mada Oosthuizen. GENADE, PROFESSOOR! was ’n finalis in die 2024 RSG Radiodramaskryfkompetisie. Die regie word behartig deur Karen Wessels.

‘N STASIE IN DIE NIET deur Chris Barnard

Thu, 16 Oct 2025 18:00:00 +0000

Chris Barnard het hierdie radiodrama in 1970 geskryf. ’n Man se huwelik is op die rotse. Hy knoop ‘n verhouding aan met ‘n veel jonger vrou. Dit speel af in ‘n hotel langs die see, met deurlopende terugflitse. Die trein word ingespan as leitmotief en bindende metafoor. Die akteurs in hierdie “herverbeelde” radiodrama is: Anrich Herbst, Karli Heine en Neels van Jaarsveld. Frieda van den Heever het die regie behartig.

DIE BESOEKER deur Herman Cronjé

Thu, 02 Oct 2025 18:00:00 +0000

‘n Dertienjarige meisie is dood in ’n tref-en-trap-ongeluk in die jare 90. Die ongeluk het naby Truida en Karel Conradie se huis plaasgevind. Die twee moet iets van die ongeluk weet, want Karel neem sy eie lewe, en Truida word jare later gediagnoseer met ’n erge geestessiekte. Marko, hulle seun, vind die waarheid uit wanneer hy en ’n vriend ‘n toegeboude agterdeur in die kombuis ontdek. Hierdie deur laat hom teruggaan in tyd, en so vind hy uit hoekom sy pa sy eie lewe geneem het, en waarom sy ma opeindig in Neurobergh, die psigiatriese hospitaal op die dorp. En ook wie verantwoordelik is vir die meisie se geheimsinnige dood. Die spelers is Rina Nienaber, Ilse Klink, Donovan Pietersen, James Borthwick en Johan Joubert. Johny Klein het die regie behartig.

DIE DAMHUIS deur Reinet en Dirk Nagtegaal

Thu, 26 Jun 2025 18:00:00 +0000

Wat deesdae die Damhuis-restaurant op Melkbosstrand aan die Weskus is, was nagenoeg 240 jaar gelede deel van die plaasopstal van ene kaptein Christiaan Brand. Toe die kaptein, sy vrou Gesina, en twee slawe, Kassien April en ’n jong vrou genaamd Mali, n die laat 1700’s daar aangekom het, was daar niks. Net melkbosse. Hulle het jare lank aan ’n woonhuis en ’n visskuur gebou waarin die Brands soutvis gedroog het – net soos wat daar vandag nog aan die Weskus bokkoms gemaak word. Die verhaal strek oor etlike dekades – van Christiaan en Gesina se troudag, tot ver verby hulle afsterwe. Dit speel af teen die agtergrond van ’n baie verwarrende era in die geskiedenis, toe die Kaap binne ’n kwessie van tien jaar eers onder Nederlandse, toe Britse, toe Bataafse en toe wéér Britse bewind was. Hierdie politieke skommelinge, onsekerhede oor grondbesit en die moontlike bedreiging van ’n oorlog waarna Christiaan as oud-offisier dalk weer opgeroep kan word, sorg vir ’n spannende storielyn. Dit vertel ook hoe die hegste familiebande soms niks met bloed te make het nie. In die twee vroulike hoofrolle is Erica Wessels en Lee-Ann van Rooi. Die ander spelers isn André Terblanché, David Isaacs, Èmil Haarhoff, Nienke Geldenhuys en Albert Smit. Vir die radio verwerk deur Henriëtta Gryffenberg. Die regisseur is Sophia van Taak.

DIE LAASTE ONTSNAPPING deur Stefaans Coetzee en Annerle Barnard

Thu, 19 Jun 2025 18:00:00 +0000

Lupin, ŉ gewese restauranteienaar (65), hou die rekord vir die meeste ontsnappings uit Suid-Afrikaanse tronke. Hy wil nie in die tronk sterf nie, maar is te oud om te ontsnap. Hy vra vir Roux Steyn, die antiheld van Sel 6, om hom dood te steek. Roux weier – hy is immers ‘n bendelid en dwelmsmous, nie ’n moordenaar nie. Hy besluit om eerder vir Lupin te help ontsnap. Maar, gevangenes kan tot twee jaar af kry as hulle ‘n ontsnapping rapporteer. Sal Lupin daarin slaag om te ontsnap, of sal Roux sy vriend doodsteek? Die spelers is André Odendaal, JJ Roberts, Phillru van Achterberg, Donoven Pietersen, Mortimer Williams en Cassius Davids. Eddie de Jager het die regie behartig.

BROODLYN deur Hein Poole

Thu, 12 Jun 2025 18:00:00 +0000

As kind het Franklyn die besluit gemaak om nooit weer onder die broodlyn te lewe nie. Hy sal self bepaal waar die broodlyn lê. Maar regverdig die doel altyd die middele? As enkelouer het hy altyd sy seuns eerste geplaas, maar dié twee het hulle eie agendas. Hoe gemaak as jou gesag skielik bevraagteken word, jou naastes jou verraai, en dit lyk asof jy nie eers op jou eie geheue kan staatmaak nie? Hierdie vrae maal in Franklyn se kop... Die spelers is André Samuels, Hein Poole, Angelo Bergh, Ingrid Vraagom, Lee Roodt en Karli Heine. Die regie is behartig deur Chloè van Rooyen.

HOSPITAALSAAL IN BLOEM deur Albert Maritz

Thu, 05 Jun 2025 18:00:00 +0000

Die drama speel af in ‘n psigiatriese saal van ‘n hospitaal, waar ‘n klompie dienspligtiges tydens die apartheidsjare hulle bevind. Die jong mans se ervaring van die grensoorlog en die posttraumatiese stres wat dit tot gevolg gehad het, word belig. Sommiges was recces, 32 bataljon geharde soldate, en sommiges wou graag grens toe gaan, maar is medies ongeskik verklaar. Die drama bevat volwasse inhoud en taalgebruik wat sensitiewe luisteraars kan ontstel. Die spelers is Viljee Maritz, Wessel Pretorius, Pieter van Zyl, Carel Nel, André Terblanche, Pedro Camara en Tanja Franzen. Die regisseur is Joanie Combrink.

ROOI PAPAWER deur SD Fourie

Thu, 29 May 2025 18:00:00 +0000

Thea en haar suster Anna se verhouding is problematies. Thea verstaan nie hoekom Anna oorbeskermend teenoor haar optree nie, en sy kom in opstand daarteen. Sy glo Anna het haar te jonk in ‘n huwelik ingedwing. Thea ervaar trauma en sy beland in ‘n senukliniek. Om haar te help herstel, neem Anna haar Ciprus toe vir ‘n vakansie. Daar ontmoet sy iemand wat uiteindelik verstaan hoe sy voel. Sy sien ook wat volgens die Griekse mitologie die geboorteplek van Afrodite, godin van skoonheid en liefde, is. Sy het nog altyd gevoel asof sy ‘n spirituele band met Afrodite het. Wanneer sy vier maal om die godin se rots in die see by Pafos probeer swem, het dit verreikende gevolge – sowel groot hartseer as verligting. Die spelers is Elma Potgieter, Anton Dekker, Charlie Bouguenon, Louise Eksteen en Stephanie Baartman. Die regisseur is Mari Snyman.

MY JAPAN deur Schalk Schoombie

Thu, 22 May 2025 18:00:00 +0000

Op 11 Maart 2011 het ŉ verwoestende tsoenami Japan getref. ŉ Onderwyseres wat Engels in Japan gee, Angelique Naudé, het die ramp eerstehands meegemaak. Sy het haar ervarings en indrukke met die bekende joernalis, Schalk Schoombie, gedeel. Schalk het dit in ŉ pryswennende jeugdrama verwerk, en toe as radiodrama. Die verwoestende gebeure word deur verskeie karakters se oë uitgebeeld. Die spelers is Donna-Lee Roberts, Rolanda Marais, Melt Sieberhagen, Stefan Vermaak, Christine Voorendyk en Ursula Vorster. Die regisseur is Leon van Nierop.

AS KLUISE KON PRAAT deur Marion Erskine

Thu, 15 May 2025 18:00:00 +0000

Die verhaal is losweg gebaseer op die 1977 Krugersdorp-bankroof, wat tot vandag toe nog nie opgelos is nie. Vier mynwerkers besluit hulle gaan die grootste bankroof in die Suid-Afrikaanse geskiedenis uitvoer. Hulle beplanning was so fyn dat geen spoor agtergelaat is nie - net ‘n paar rooi gesigte en vier Elvis-maskers. Charlie Bouguenon, Karen Wessels, Kaz McFadden, Estelle Grobler, Kevin Smith, Christopher van der Westhuizen en Hannes Brümmer is te hoor in hierdie raaiselagtige drama. Leon van Nierop is die regisseur.

KEN JY VIR FYTJIE ELAND? deur Eben Cruywagen

Thu, 08 May 2025 18:00:00 +0000

Dit is die jaar 1913. Iewers tussen Griekwastad en Campbell boer Johannes Eland en sy broerse met skaap en bees. Sy vrou, Katrina, is ’n nasaat van die groot Adam Kok I. Hulle sestienjarige dogter, Fytjie, is verlief op Tariq Mentoor, ’n man van minstens tien jaar haar senior, wat vir ’n diamantdelwer aan die oewer van die Garieprivier in die omgewing van Douglas werk. Wanneer Johannes haar verbied om enige kontak met die man te hê, verdwyn sy skielik een nag. Sonder geld, maar met die vaste geloof dat hulle Fytjie sal opspoor, lei hulle soektog te voet na Douglas en vandaar na Kimberley met die hulp van ’n transportryer. Vandaar ry hulle (onwettig) per goederetrein na Kaapstad, waar Jamila Allie hulle in die Bo-Kaap werk en huisvesting bied. Ná tien jaar en ’n vrugtelose soek na Fytjie, sterf Jamila in Desember 1923 aan maagkanker, en word Johannes en Katrina op grond van Jamila se getuigskrif onderskeidelik as tuinier en kok aangestel in diens van senator Christiaan Brand en sy vrou, Francina, ’n maatskaplike werkster. Sestien maande later op 8 Mei 1925 kan Christiaan Brand die oorwinning vir Afrikaans as amptelike taal met dankbaarheid en trots deel met Johannes Eland, met wie hy ’n noue band oor die verloop van daardie tydperk ontwikkel het. Maar wanneer sou Johannes en Katrina dan kon ophou om die Kaapse strate te deurkruis en feitlik elke mens, vol hoop en geloof die vraag te vra: Ken jy vir Fytjie Eland? Die rolverdeling sluit in Johny Klein, Eloise Cupido, Claudia Jones, Solomon Cupido, Shemane Harris, Allan Dyssel en Marintha Labuschagne. Gavin Mathys het die aksentafrigting behartig. Die regisseur is Lelia Etsebeth.

KONNEKSIE deur Marion Erskine

Thu, 01 May 2025 18:00:00 +0000

Verbeel jou jy is in 2050 waar kunsmatige intelligensie tot jou voordeel... of nadeel kan strek. Dawid le Roux is ‘n rekenaarprogrammeerder. Hy is nie te vinde vir te veel geselskap nie, en is tevrede net met Amanda. Hy word egter gekonfronteer met die kunsmatige wêreld wat hy vir homself skep. Verkies jy eerder ŉ kantoor vol mense en ’n lewensmaat, of beheerde eensaamheid? ‘n Wêreld van tegnologie het voordele, maar ook uitdagings. Die stryd tussen mens en masjien is nog lank nie verby nie. Die spelers is Deon Lotz, Sharfa du Plessis, Anrich Herbst, Denver Vraagom, Ilne Fourie, Karli Heine en June van Merch. KONNEKSIE is die wendrama van die 2024 RSG Radiodramaskryfkompetisie in samewerking met die ATKV. Die regisseur is Johan Rademan.

LENIESGIF deur Hendie Grobbelaar

Thu, 24 Apr 2025 18:00:00 +0000

Benjamin de Kai is ŉ uitgebrande en ontnugterde liefdesverhaalskrywer wat probeer om ŉ ernstige roman die lig te laat sien. Sy uitgewer se nuwe assistent, Dania, dwing hom om by Leniesgif, haar afgeleë familiehuis langs die Kaapse Suidkus, te gaan werk sodat hy kan fokus en sy manuskrip voltooi. Leniesgif is egter die woonplek van ŉ paar spoke, soos Benjamin tot sy ontsteltenis ontdek. Lenie Kruger, haar stiefdogter Hanna, die bekkige Franse matroos Thomas en die pratende hond Goebbels het elkeen ŉ geheim en ŉ versugting om afsluiting. Dan is daar natuurlik die weggesteekte skat, en hoe pas Benjamin in Dania se slinkse plan? Amor Tredoux is die regisseur met Carel Nel die rol van Benjamin vertolk. Lochner de Kock, Ronel Geldenhuys, Conradie van Heerden, Talana Rossouw en Anene Loots voltooi die ensemble.

LYNE WAT KRUIS deur Wilmi Wheeler

Thu, 17 Apr 2025 18:00:00 +0000

Janine is 19, vol twyfel en vars in die grootmenswêreld. Haar eerste werk - ’n oproepsentrum vir ’n versekeringsmaatskappy - voel eerder soos ’n daaglikse toets wat sy net nie kan slaag nie. Twee maande in en sy het nog nie ’n enkele polis verkoop nie. Lindsay, ’n meer ervare kollega, gooi vir haar ’n reddingsboei: ’n lys van kliënte wat aanlyn oor lewensversekering navraag gedoen het. Heel bo aan die lys: Maggie Grove. Janine verwag nog ’n standaard oproep, nog ’n ongemaklike of ongeskikte "nee dankie", maar wat sy kry, is iets heel anders. Lyne wat kruis deur Wilmi Wheeler, is die derde plek wenner van die RSG Radiodramaskryfkompetisie in samewerking met die ATKV.

DIE VRYWORDING VAN EGBERTUS LODEWIKUS APPEL deur Manie Groenewald

Thu, 10 Apr 2025 18:00:00 +0000

Dit is Stella se 64e verjaardag in ‘n aftreeoord. In ‘n toestand van neerslagtigheid het sy niemand vir die geleentheid genooi nie, en wil ook nie vir enige besoeker regstaan nie. Haar buurman daag op en slaag daarin om haar uit haar depressie te kry. Maar dan daag ‘n tweede gas op, wat al die goeie pogings van die buurman tot niet maak, en Stella dwing om met die familiegeraamtes in haar kas na vore te kom. Die regisseur is Johny Klein, en die spelers is Rika Sennet, Tobie Cronjé en Luan Jacobs. Die drama is die merietewenner van die 2024 RSG Radiodramaskryfkompetisie in samewerking met die ATKV.

DIE VERSAMELDE DAGBOEKE VAN ENE PROFESSOR WEIDEMANN deur Shawn Day

Thu, 03 Apr 2025 18:00:00 +0000

Shawn Day is die wenner van die 2024 RSG Radiodramaskryfkompetisie in samewerking met die ATKV, in die Jong Skrywer-kategorie. ‘n Joernalis ondersoek die verdwyning van ‘n professor in kriptosoölogie nadat sy dagboeke deur sy vrou gepubliseer is. Daar is ‘n magdom vrae wat die joernalis nie kan beantwoord nie, en die enigste oplossing is om saam met een van sy kollegas Karoo toe te reis om die antwoorde te gaan soek. In hierdie dorre omgewing moet hy dan eindeloos soek vir die misterie wat sy lewe begin domineer. Die spelers is Hannes Brümmer, Mari Molefe van Heerden, Sulette Thompson, Francois van Rensburg, Elzabé Zietsman en Francois Stemmet.

KYSBRIEWE deur A.R. Gurney

Thu, 26 Dec 2024 18:00:00 +0000

Andrew en Melissa skryf vir sowat ses dekades lank vir mekaar briewe. Dit is ‘n wipplank- en uitdagende verhouding, wat veroorsaak dat hulle al hoe verder van mekaar wegdryf. Maar op papier blom die liefde steeds. Met Johann Nel, Juanita Swanepoel en Ronel Geldenhuys. Die regisseur is Eben Cruywagen.

DIE STER VAN BETHLEHEM deur Ludwig Emil Gryffenberg

Wed, 25 Dec 2024 13:00:00 +0000

Die drama speel af tydens die regering van die Romeinse Keiser Augustus, waartydens die Joodse volk, Israel, deel was van die Romeinse Ryk. Dit word vertel uit die oogpunt van 'n jong gestremde skaapwagter, wat in die buitewyke van Bethlehem skape oppas, terwyl sy vader snags die nagwake uitroep. In die ou dae voordat daar van horlosies gebruik gemaak is, was die gebruik dat die wagte op die mure om die stad, die stand van die sterre snags dophou om só die tyd te bepaal. Die skaapwagter, Mefiboset, se leergierige pa, Shamar, bestudeer en dokumenteer egter ook die stand van die sterre. Die verhaal skop af as 'n vreemde ster met 'n langstert sy verskyning op die horison maak. Die spelers is Hendré Henning, Charlie Bouguenon, Lizelle Pike, Kaz McFadden, Duncan Johnson, Antowan Nothling, Rian Terblanche en Henriëtta Gryffenberg. Eddie de Jager het die regie behartig. Die oorspronklike teks, WAGTERS OP DIE MURE, is verwerk vir die radio deur sy dogter, Henriëtta Gryffenberg.

DIE ONGEBAKTE ALASKA deur Johanna Steyn

Thu, 19 Dec 2024 18:00:00 +0000

Estelle en Hennie berei voor vir ‘n Kersmaal in hulle piepklein woonstelletjie. Haar ma en dié se vriend is genooi om die Kerstyd by hulle te kom deurbring. Sy wil graag haar ma beïndruk, maar dinge werk nie heeltemal uit soos wat Estelle dit beplan het nie. Die spelers is Hannah Borthwick, André Terblanche, Susanne Beyers, Albert Maritz en Conradie van Heerden. Joanie Combrink het die regie behartig.

MAMMIE SE VOORHUIS deur Erin Patience

Thu, 12 Dec 2024 18:00:00 +0000

Wanneer Mammie se deur vir almal oop staan, kan dit nogal bietjie erg raak vir Tamia. Dit voel of Mammie al haar aandag aan die bure skenk, en nie op haar fokus nie. Dit veroorsaak dat Tamia die goeie nuus wat sy ontvang het, van haar ma en haar pa weerhou. Maar, ook net omdat haar ma haar gedurig in die rede val. Tog verstaan sy dat die dood van haar broer, nie so maklik vir haar mammie was om te verwerk nie. Die spelers is is Zenobia Kloppers, René Cloete, Simoné Benjamin-Carolissen, Sharfa du Plessis, Cole Wessels en Enrico Hartzenberg. Die regisseur is Denver Vraagom.

WYSIE OOR DIE WATER deur Albert Short

Thu, 05 Dec 2024 18:00:00 +0000

Wysie oor die water is opgeneem en vervaardig deur siggestremdes in die ateljee van Innovation for the Blind op Worcester. Dis ‘n stormagtige nag op ‘n skip. ‘n Meisie bevind haar op die skeepsdek, alhoewel sy weet dat die veiligste plek eintlik haar kajuit sou wees. Nogtans bly sy, en ontmoet sy ’n geheimsinnige jong man. Dadelik is dit asof hulle mekaar ‘n leeftyd al ken. In die verwarring van golwe, seewater en wind raak dit al hoe moeiliker om helder te dink. Wanneer reuse golwe oor die dek spoel, en jy skaars kan sien wat om jou aangaan, is dit maklik om perspektief te verloor. Later wonder jy: waar is ek, en hoe lank is ek al hier? Maar net soos wat ‘n storm op die see vrees en verwarring bring, bring dit later ook kalmte en rus. En nuwe geleenthede. Ander dinge om te beleef. Die spelers is Sanna Antonie en FC Smit. Die viool is gespeel deur Morné van der Merwe. Die vervaardiger is Gavin Grundlingh, met regie deur Sarel van der Westhuizen.

GRENSGEVAL deur Rita Swanepoel

Thu, 05 Dec 2024 18:00:00 +0000

Wanneer Janet en Arno gaan kamp, word hy oorweldig deur herinneringe aan sy tyd op die grens tydens sy dienspligjare. Die spelers is Roeline Daneel, Eben Genis, Waldemar Schultz, Wessel Pretorius en Susanne Beyers. Die regisseur is Joanie Combrink.

MEVROU DOMINEE deur Riëtte Heslinga

Thu, 28 Nov 2024 18:00:00 +0000

Mevrou Dominee hunker, soos op menige ander Maandagoggende, na Sondag se oorskot-nagmaalwyn. In dominee se afwesigheid, pleit Gabriël by haar om nie in die versoeking gelei te word nie. Hy maak homself tuis op die pastorie se kombuiskaste, vanwaar hy alles beskou wat mevrou aanvang. Hy aanskou ook haar tweestryd: sy sukkel om die gemeentelede tevrede te hou, ten koste van haarself. Onse Mevroutjie, soos die klein dorpie se mense graag na haar verwys, se rug knak onder die las van verwagtinge, en dan sus die wyn in die yskas haar ergste pyn. Met Gabriël se leiding worstel sy deur haar eie verlede om alkoholvrye oplossings te vind vir haar hede. Die spelers is Cindy Swanepoel, André Stolz, Doctor Khasu, Gretha Brazelle en Tobie Cronjé. Die regisseur is Lelia Etsebeth.

DIE NAGSKUIT KOM deur Anton Treurnich

Thu, 21 Nov 2024 18:00:00 +0000

Abraham Cloete sukkel voort op sy plaas in die Sandveld ná sy vrou se dood. Sy dogter kom help hom na haar terugkeer uit Kaapstad, waar sy gekwalifiseer het as verpleegster. Dit is ‘n laat Saterdagmiddag, Junie 1940, en ‘n storm is aan die broei oor die Weskus. Ryk Swanepoel die polisiesersant kom verby met stories oor ‘n Duitse duikboot wat in die omgewing gesien is. Die storm beweeg in, en almal moet help om die diere van die rivier se bank af in te bring. Daar sien hulle die nagskuit met die waterstroom afkom. Eers lyk dit of daar niemand in is nie, dan sien hulle ‘n man wat in die boot lê. Hulle help hom tot by die huis. Die sersant vertel hulle dat die rivier sy banke oorstroom het. Die man van die nagskuit word wakker. Die perfekte storm... Die spelers is Deon Lotz, Estelle Grobler, June van Merch, Jacques Bessenger, André Samuels en Stefan Vermaak. Die regie is behartig deur Johan Rademan.

SOETE WRAAK deur Karen Wessels

Thu, 14 Nov 2024 18:00:00 +0000

As Lisa Bruwer by ‘n kamer instap, straal haar aura nie elektriese seksualiteit nie. Sy word gesien as ‘n moederfiguur, ‘n vriendin, die ouer sussie op wie se knoppie jy enige tyd kan druk. Ons het ons heldin al in die radioteater, Soete Drome, ontmoet, en haar leer ken as die versorger, die maatskaplike werker wat lojaal haar gemeenskap dien. Maar daar is ‘n punt in enige een se lewe waar jy die mantel as ewige vriend van jou skouers wil aftrek, en jouself wil oopmaak as iemand se wederhelfte wat saam in die liefde kan deel. Sersant Tiaan Malherbe probeer nou al vir jare die moed bymekaar skraap om Lisa uit te vra, homself weerloos te maak, en sy eie hart in die spervuur van verwerping te plaas. Sal sy die kans waag en haar hart aan die onbekende ontbloot? Of veilig in die bekende rus, en die onsekerheid wat met risiko gepaard gaan ontglip? Die spelers is Pierre Breytenbach, Marina Coetzee, Kevin Smith, Donovan Pietersen, Casper Lourens en Reginald Hufkie. Die regisseur is Karen Wessels.

PUTSONDERWATER deur Bartho Smit

Thu, 07 Nov 2024 18:00:00 +0000

Die drama speel af op ’n denkbeeldige gehuggie in ’n afgeleë woestynstreek van die land. Maria, ’n swanger tiener, word deur die gesagsfigure van die dorp – die dominee, die koster, die polisiesersant en die dokter – seksueel misbruik. Sy glo haar enigste hoop is om uit Putsonderwater te ontsnap, maar telkens word haar hoop verskuif na nuwe uiterstes wanneer die realiteit van haar omstandighede tot haar deurdring. Wanneer sy aan die einde van die drama ’n wiegeliedjie vir haar ongebore baba sing, word dit ’n metafoor vir die verwagte koms van die Verlosser van die wêreld. Bartho Smit se klassieke drama is destyds in Suid-Afrika verbied, maar word weer uitgesaai ter viering van die skrywer se 100ste verjaardag. Die spelers is Frieda van den Heever, Marlo Minnaar, Petrus du Preez, Johan Botha, Nic de Jager, Neels Coetzee en Johann Nel. Die regisseur is Eben Cruywagen.

SLAG deur Adriaan Havenga

Thu, 31 Oct 2024 18:00:00 +0000

Theunis Kriegler en sy dogter Willa woon op ‘n plaas, en boer met skape. Hulle leef afgesonderd, en kry nie dikwels besoekers nie. Daar daag een nag tydens ‘n storm ‘n vreemdeling op. Die vreemdeling, wat vir Theunis ontstellend bekend lyk, word ingenooi, met verreikende gevolge. Die akteurs is Tobie Cronjé, Juanita de Villiers en Donovan Pietersen. Ina Strydom is die regisseur.

IKARUS deur Sophia van Taak

Thu, 24 Oct 2024 18:00:00 +0000

’n Verhouding word 'n troebel terrein wanneer ’n paartjie nie meer openlik met mekaar gesels nie. Ná baie jare saam voel haar lewensmaat skielik vir Mari soos ’n vreemdeling. Wat het geword van die partydier-Dirk, die prettige ou vir wie sy destyds geval het? Toegegee, hulle het albei sedertdien groot geword, middeljarig geword… Maar sy gedrag is die laaste tyd só eienaardig dat Mari vir sy sielkundige gesondheid begin vrees. Hy is so afsydig en sy weet nie eens meer aldag waar hy heen gaan nie. As Dirk maar net wil práát! Sy bedink ’n plan wat hom forseer om een hele Saterdag saam met haar by die huis te wees, maar dan loop dinge lelik skeef. Die spelers is Jana Kruger, Wilhelm van der Walt, Bianca Flanders, Angelo Bergh, Johan Rademan en Marion Holm. Die regisseur is Sophia van Taak.

NAG VAN DIE LUIPERD deur Joe Kleinhans

Thu, 17 Oct 2024 18:00:00 +0000

Christo Kirsten en sy vriend, Buks Botha, vier hulle 50ste verjaarsdag in die Kgalagadi met ‘n sewe-dag toer. Hulle jarelange vriendin, die ryk weduwee Delia Dirksen, rëel alles en word deel van die verjaarsdagvieringe. Buks en Amy Botha is onbewus van wat op hulle een donker nag in die Bosobogolo-kamp wag. Wat is gevaarliker in die afgeleë Kgalagadi? ‘n Jarelange wrok tussen vriende, of ‘n uitgehongerde luiperd? Die spelers is Francois Stemmet, Jacques Gombault, Lizz Meiring, Marina Coetzee en Carl Trautman. Die regisseur is Estel de Beer.

EENDAG IN ALICANTE deur Mari Snyman

Thu, 10 Oct 2024 18:00:00 +0000

Toe Mira se man, David, dood is, onttrek sy haar. Sy hou op werk, vermy haar beste vriendin, Katrien, antwoord nie haar foon nie, en sy gaan nêrens heen nie. Katrien gee egter nie moed op nie. Sy ondersteun haar vriendin, en die twee deel herinneringe uit hulle verlede. Hulle dink onder andere terug aan 'n besoek aan Alicante, in Spanje, waar hulle vakansie gehou het, en waar Mira vir David ontmoet het. Dit was liefde met die eerste oogopslag. Mira en David het saam 'n tuinboubesigheid bedryf, en hulle visdam met 'n spuitfontein is vir haar baie belangrik. Wanneer die spuitfontein se pomp breek, roep sy die hulp van 'n nutsman in. Dis hoe sy Lourens ontmoet. Hy het al swaargekry in sy lewe en, sonder dat Mira dit beplan of voorsien, begin sy met hom gesels. Sy vertel hom van David, en begin stadig maar seker vrede maak met haar geliefde se dood. Maar dit bly nie net by gesels nie... Daar is heelwat kinkels in die kabel voordat Mira finaal kan afskeid neem van David. Die spelers is Elma Potgieter, Anton Dekker, Anton Schmidt en Heidi Mollentze. Die regisseur is Mari Snyman.

GELYKHEID EN BROEDERSKAP deur dr. Abel Coetzee

Thu, 03 Oct 2024 18:30:00 +0000

Ons toneel speel af in die Johannesburg van die 1930's, rondom 'n tafeltjie in ’n kafee waar 'n joernalis en sy fotograaf-vriendin sit. Die joernalis het 'n ontmoeting met 'n bedelaar gehad, wat 'n groot indruk op hom gemaak het. Na aanleiding sy vertelling aan sy vriendin, ontgin die twee hoofkarakters gedagtes op die vraag of ons, as mense, uiteindelik tog maar ongelyk is, en slegs 'n broederskap handhaaf met die mense van dieselfde stand. Die spelers is Carel Nel, Cintaine Schutte, Richard van der Westhuizen, Pieter van Zyl en Stefan Vermaak. Anrich Herbst is die regisseur. Vir die radio verwerk deur Eben Cruywagen.

OU LEEUMELKER deur JWF Grosskopf

Thu, 03 Oct 2024 18:00:00 +0000

Oom Hansie is trots op sy kennis en ervaring as jagter, selfs al word hy deur die jonger geslag onderskat. Sy liefde vir die ou tradisies bots met die moderne wêreld rondom hom, en hy probeer sy plek daarin behou. Oom Hansie simboliseer die einde van 'n era, maar vasgevang in sy eie tradisie en trots. Die spelers is Cobus Venter, Christelle Webb-Joubert, Francois Stemmet, Rian Terblanche, Christopher van der Westhuizen en Hannes Brümmer. Juanita de Villiers is die regisseur. Vir die radio verwerk deur Eben Cruywagen.

O, DIE DONKIE deur Pietman Geldenhuys

Thu, 27 Jun 2024 18:00:00 +0000

Die Pauw-tweeling (Jacques Bessinger en DeKlerk Oelofse) erf ’n plaas. Die padstal-duo (Richard van der Westhuizen en Anrich Herbst) vorm ‘n teenpool van blootstellings met die tweeling wat nie weet waar die klok se klepel hang nie. Rolanda Marais is die prokureur van die stad, wat die plaas toeken aan die metro-tweeling. Miché van Wyk is die barmhartige samaritaan op die platteland, met ‘n ondeundheid in haar. Die regisseur is Johan Rademan.

WRINGKRAG KINNERS deur Hein Henry Poole

Thu, 20 Jun 2024 18:00:00 +0000

Op ‘n plattelandse dorp is daar ŉ diep geheim wat John Junior en Nessa gaan skok. Hulle ouers verkies om dit stil te hou, omdat dit regtig nie saak maak nie. John Junior, nes die res van die gemeenskap, is versot op vinnige motors. Junior kry ŉ geleentheid om by ‘n motorwerktuigkundige ‘n ambag te doen. By sy huis, sukkel hy om sy groot liefde uit die kloue van sy neef, ŉ groot bendeleier, te red. Wat dit moeilik maak, is dat sy ware liefde, Nessa, aan dwelms verslaaf raak, en hy alles in sy vermoë doen om haar te probeer red. Die polisieman is kop in een mus met die bendeleier. Die skok wat die ouers tref wanneer hulle sien hoe die lewe hulle kinders insluk, ruk die mat onder hulle voete uit. Die akteurs is Hein Poole, Veronique Jephtas, André Samuels, Lee-Ann van Rooi, Cole Wessels, Albert Maritz en Merlin Balie. Die regie is behartig deur Frieda van den Heever.

DIE WEGRAPING VAN TANNIE KLEINTJIE DU PREEZ deur Fanie Viljoen

Thu, 13 Jun 2024 18:00:00 +0000

Tannie Kleintjie du Preez, die matriarg van die plaas Galilea, kry ’n onverwagse oorvalling by die hoenderhokke. Sy is met die helm gebore, en jaag almal op die plaas op hol want vandag, glo tannie Kleintjie, is dit die wegraping. Selfs die diere op die plaas is onrustig en kan dit aanvoel. Maar hoe maak mens gereed vir die wegraping? Sal dit werklik gebeur? Wie is gereed daarvoor, en wie nie? En hoe sal die persoonlike onderstrominge op die plaas die gebeure na ’n spits dryf? Met Joanie Combrinck, Dirk Stoltz, Barbara-Marie Immelman, Zenobia Kloppers, Chloe van Rooyen en Anton Treurnich. Die regisseur is Anrich Herbst.

DIE SPREEKKAMER deur Almero Welgemoed en Pietie Beyers

Thu, 06 Jun 2024 18:00:00 +0000

Die kompleksiteit van mense se verhale wat in 'n sielkundige se spreekkamer ontvou, is unieke verhale met 'n universele tema - om te behoort, om veilig te wil wees, om lief te hê, om seer te kry. Dit is amper 'n afloer-ervaring, 'n kans om mense se verhale te hoor wat gewoonlik agter toe deure plaasvind. En hopelik vind die luisteraar hoop en empatie agter daardie deure. Die spelers is Anton Schmidt, Deon Coetzee, Heidi Mollentze, Erin Patience en Rico Immelman. Almero Welgemoed het oorspronklike musiek vervaardig vir die opname. Die regisseur is Pietie Beyers.

HAMLET deur William Shakespeare

Thu, 30 May 2024 18:00:00 +0000

Hamlet moet sy pa, Ou Hamlet, se dood wreek. Hy word besoek deur sy pa se gees wat deurentyd by hom spook om die opdrag uit te voer. Dit bring Hamlet in konflik met homself, en deur die verloop van die drama speel sy kontrasterende emosies teen mekaar af tot ‘n klimaks wat op die grootste tragedie uitloop. Sy verhouding met familie, naastes en vertrouelinge is deel van die reis waarop Hamlet moet gaan in ‘n poging om sy vader se dood te wreek. Die spelers is Chris van Niekerk, Annette Engelbrecht, Johan Botha, Johannes Slabbert, Jan Cronjé, Joey de Koker, Jan Schutte, Lochner de Kock, Roelien Spruyt, Theo Conradie en Johan van Wyk. Die regisseur is Leon van Nierop.

DINK JY DAREM NOG AAN MY? deur Francois Bloemhof

Thu, 23 May 2024 18:00:00 +0000

Leandri kom per trein aan op die klein dorpie Stilwater. Die plan is om vir ’n onbepaalde tyd in Soes se losieshuis te bly om rus te vind ná onlangse gebeure in die stad. ’n Moord in ’n woning naby die losieshuis is egter net die begin van ’n reeks ontstellende situasies. Spoke uit die verlede sal ook binnekort by Leandri kom aanklop – met mening… Die spelers is Nadia Valvekens, Rika Sennett, David Louw, Claudia Jones, Botha Enslin, Zane Meas en Elzabé Zietsman. Die regisseur is Christelle Webb-Joubert.

PLASTON: DNS-KIND deur PG du Plessis

Thu, 16 May 2024 18:00:00 +0000

Plaston (Grieks vir ‘hy wat gemaak is’) is ‘n 19-jarige, beeldskone jong man wat kunsmatig deur wetenskaplikes geskep is. Hy kom op die afgeleë dorpie, Aardendal, aan waar hy in die gemeenskap geïntegreer word, en terselfdertyd fyn dopgehou word. Hy ontmoet vir die eerste keer ander mense, soos die dorpsidioot, die mooi jong meisie, Kotie, en die predikant Genopen. Plaston is 'n wese in wie daar geen kwaad is nie, maar wat juis 'n diep begeerte het om mens te word, pyn en liefde te ervaar, en probeer om bo sy programmatiese self uit te styg. 'n Professor en sy personeel hou elke beweging wat hy maak fyn dop, en luister na elke woord wat hy sê. Hulle raak onthuts wanneer Plaston afwyk van sy programmatiese beheer, en sy nuutgevonde vryheid besef en begin geniet. Plaston word vertolk deur Richard van der Westhuizen. Ander veterane sluit in Rina Nienaber, Hennie Oosthuizen, Marcel van Heerden, Gert van Tonder, Kosie Eloff, Lochner de Kock, Johannes Slabbert, Johan van der Merwe, Riana Wilkens, Emgee Pretorius en Bettie Kemp. Die regisseur is Robert Young.

JAKARTA MAMMA deur Lee Doubell

Thu, 09 May 2024 18:00:00 +0000

JAKARTA MAMMA is ‘n hartroerende verhaal oor die krag van ‘n ma (in hierdie geval ‘n paar ma’s) se liefde. ŉ Swanger Suid-Afrikaner word in Indonesië gevang met ŉ tas vol dwelms, en tot tronkstraf gevonnis. Haar ma, familie en vriende probeer desperaat om ten minste haar baba terug te bring huis toe. Sal hulle dit regkry, en sal almal veilig tuis wees op Moedersdag? Die spelers is Joanie Combrink, June van Merch, Miché van Wyk en De Klerk Oelofse. Frieda van den Heever is die regisseur.

SHIRLEY SE SKULD deur Anene Loots

Thu, 02 May 2024 18:00:00 +0000

In weerwil van die feit dat die bejaarde Rina in ‘n aftreeoord woon, wil sy steeds avonture aanpak en haar lewe geniet. Wanneer dit lyk of daar ‘n kans is dat sy, soos Shirley in die rolprent Shirley Valentine, op ‘n Griekse eiland kan gaan vakansie hou, is haar opgewondenheid groter as haar gesonde verstand. Onverwagse wendinge bring drama en konsternasie, met komiese gevolge. Die spelers is Susanne Beyers, Elsabe Daneel, Nic de Jager, Zenobia Kloppers, Dean Balie en Roeline Daneel. Die regie is deur Joanie Combrink behartig. Anene Loots het in 2023 die merieteprys met hierdie drama gewen in die RSG Radiodramaskryfkompetisie in samewerking met die ATKV.

‘N BLOMMEKROON VIR BELINDA deur Almé Swart

Thu, 25 Apr 2024 18:00:00 +0000

Elke middag om klokslag half twee kom Belinda by die winkel in. Dan soek sy die tafel teen die muur, want sy wag vir haar man. En wanneer kom haar man? Hy kom nie... Dit is Nadia, die nuwe kelnerin by die koffiehuis op die dorp, beskore om die raaisel van Belinda se jarelange gewag op haar man op te los. Maar nie voordat haar eie geheim ook op die lappe kom nie... Die spelers is Anna-Mart van der Merwe, Elanza Swart, Ronel Geldenhuys, Stefan Vermaak, Chloe van Rooyen en Melt Sieberhagen. Die regisseur is Amor Tredoux. ’N BLOMMEKROON VIR BELINDA is die wenner in die kategorie Beste Jong Skrywer in die 2023 RSG Radiodramaskryfkompetisie in samewerking met die ATKV.

TAAISPUL deur Madeleine Venter

Thu, 18 Apr 2024 18:00:00 +0000

Ou liefde roes nie, lui die spreekwoord. As dit jou het, het dit jou. Daar is nie wegkomkans nie. Die liefde is ‘n taaispul. Dirk kry op sy oudag spyt oor die skoolliefde wat hy 40 jaar gelede deur sy vingers laat glip het. Hy glo vas dat die glibberige Eben destyds vir Lea van hom afgerokkel het, en besluit dat dit nou die tyd is om haar terug te wen. Die eksentrieke Katrien, ‘n Help-‘n-senior-vrywillige, help hom – teen betaling natuurlik. Sal Lea haar man, Eben, los vir Dirk? Dirk glo die inligting wat hy oor Eben het, sal Lea oortuig. Die spelers is Anton Dekker, Anton Schmidt en Elma Potgieter. Die jonger weergawes van die karakters is vertolk deur Charlie Bourguenon, Izel Bezuidenthout, Christene Voorendyk en David Louw. Die regie is behartig deur Mari Snyman. TAAISPUL is die wenner van die derde prys in RSG se 2023 radiodramaskryfkompetisie in samewerking met die ATKV.

VERRAAD deur Anneli du Preez

Thu, 11 Apr 2024 18:00:00 +0000

Jaco en Phillip, ŉ getroude paartjie, kom voor ‘n uitdaging te staan wanneer een van die partye erken hulle voel nie meer dieselfde nie. Soos wat die middag verloop en die twee koppe stamp en mekaar konfronteer, leer ons die karakters beter ken. Altwee het geheime wat hullr ronddra en ontknoop. Die een se geheim het dalk goeie bedoelings, en die ander een s’n saai verwoesting. Die rolverdeling is is Philru van Achterberg, Botha Enslin, Christo Campion en Mandi Baard. VERRAAD het die tweede plek behaal in die 2023 RSG Radiodramaskryfkompetisie in samewerking met die ATKV.

TWEEGESIG deur Lena Nel

Thu, 04 Apr 2024 18:00:00 +0000

‘n Mens moet nooit te maklik vertrou nie. As dit blyk te goed om waar te wees, is dit gewoonlik so. Sake neem ‘n dramatiese wending wanneer Alexander Brink gewond word, en in die hospitaal wakker word. Skielik staan die pragtige Hanri van Wyk staan langs sy bed. Sy beweer dat hulle verloof is. Dis maar net die begin van die oëverblindery... Met Karen Wessels, Charlie Bouguenon, Antowan Nothling, Shemane Harris, Solomon Cupido, Ria Smit en Eddie de Jager. Tweegesig is die wenner van die 2023 RSG Radiodramaskryfkompetisie in samewerking met die ATKV.

LAM VIR DIE PASE deur Nico Luwes

Fri, 29 Mar 2024 12:00:00 +0000

400 jaar van stilte word verbreek. Sal jy trek of sal jy agterbly? Is die opoffering die moeite werd? Hierdie ou verhaal speel af in die tyd van die Israelitiese slawerny in Egipte. Dit trek die baadjie aan van gewone mense wat voor moeilike besluite te staan kom. Menslikheid en geloof ontmoet mekaar in ‘n verhoogteks uit 1990, keurig verwerk vir die radio dur Nico Luwes. Die spelers is Duncan Johnson, Henriëtta (Gryfenberg) Plattner, Elzabé Zietsman, Claudia Jones, Kaz McFadden, Francois van Rensburg en Dihan Keun.

VIER DAE VOOR KERSFEES deur Estel de Beer

Mon, 25 Dec 2023 13:00:00 +0000

Ons vier Kersdag op ‘n plaas in Suid-Afrika. Ontmoet die Scheepers-familie waar hulle op hul plaas woon en werk. Een broer is pas klaar studeer, die ander reeds jare op die plaas. Die Scheepers-familie gaan Kersdag op die plaas vier en voorbereiding is in volle swang. En dis in hierdie tyd wat die baas van die plaas aandring oo ‘n familievergadering om die toekoms van die familieboerdery te bespreek.

DIE SKULDIGE IS DUS... deur Eleanor Lombard

Thu, 21 Dec 2023 18:00:00 +0000

Adjudant-offisier Lokkie Homes en sy assistent, sersant Jamie Watson, ontvang ‘n oproep: ‘Julle moet dadelik kom. Ek dink iemand is vermoor!’ Soos hulle ondersoek vorder blyk dit dat die slagoffer se hele huishouding motief het om hom vankant te maak. Wie is die skuldige? Dit mag jou verras!

NOLS D'AMUS deur Hendie Grobbelaar

Thu, 14 Dec 2023 18:00:00 +0000

Nols D’Amus, deur Hendie Grobbelaar, vertel die storie van Nols wat per ongeluk in 1999 in die Vallei van Tussen-In beland. Daar ontmoet hy ‘n paar interessante mense – maar hulle leef nog in 1989! Hy benut egter die geleentheid om ‘n paar transaksies vas te knoop met beloftes van groot winste iewers in die toekoms. En wanneer hy die Vallei verlaat, “spring hy weer oor die almanak” soos Santjie (Elzabe Zietsman) dit noem, en beland tot sy skok en ontnugtering in 2020.

DIE BELOFTE deur Paula Hartzenberg

Thu, 07 Dec 2023 18:00:00 +0000

Alet ly aan ’n traumatiese toestand wat klaarblyklik onbewustelik van haar ma af op haar oorgedra is. Ten tyde van die ma se heengaan, is dit Alet se ouer suster, Jana, wat haarself met ’n belofte verbind tot die taak om uit te vind wat presies in hulle ma se lewe gebeur het wat hiertoe kon gelei het. Toe iemand eendag by hulle deur kom aanklop, kry die soektog momentum, maar onverwagse hindernisse kom terselfdertyd oor haar pad. Uiteindelik beland Jana by ’n punt waar sy ’n riskante besluit oor haar eie lewe moet neem voordat die waarheid tydens ’n bonatuurlike reis hopelik aan die lig kan kom.

GELDJIE ASSEBLIEF deur Casper Lourens en Henry Jacobs

Thu, 30 Nov 2023 18:00:00 +0000

“Ek is maar net ‘n inconvenience by die verkeerslig,”
‘n Lewe op straat is alles behalwe maklik. Dries, Koos en Fridge, is drie boemelaars wat op straat agter die winkelsentrum woon en hul daaglikse bestaan maak. Hulle word ondersteun deur die kerk met ‘n broodjie so nou en dan en die dominee wat af en toe kom inloer. Maar hierdie goedhartigheid van die dominee kom teen ‘n prys...

VOOR EK VERGEET deur Karen Marx

Thu, 23 Nov 2023 18:00:00 +0000

Hendrien moet skuif van haar woonstel, na ‘n kamer in die aftreeoord waar sy bly. Sy is gediagnoseer met vroeë tekens van demensie. Daarby het haar pragkind, haar talentvolle seun Johan, se kanker teruggekeer. Hierdie is ‘n storie van oudword, afskaal, twyfel, verlies en vergeet. Amanda Strydom en Hannes van Wyk, wat destyds die rolle vertolk het in die verhoogproduksie, kan in hierdie drama gehoor word. Die ander akteurs is Dawid Minnaar, Nadia Valvekens en Eddie de Jager.

LANK LEWE DIE KEISER deur Maria Vos

Thu, 16 Nov 2023 18:00:00 +0000

‘n Groepie akteurs repeteer aan ‘n moderne weergawe van Shakespeare se Julius Caesar. Die veeleisende regisseur blyk baie ongewild te wees, en wanneer daar boonop ‘n kragonderbreking is, begin die poppe dans. Die spelers is Wessel Pretorius, Roeline Daneel, Anrich Herbst, Hannah Borthwick, Marion Holm, Adriaan Havenga en Ira Blanckenberg.

SOETE DROME deur Karen Wessels

Thu, 09 Nov 2023 18:00:00 +0000

’n Liefdesverhaal van twee mense met bagasie uit die verlede, wat mekaar toevallig ontmoet en deur omstandighede deel word van mekaar se lewe. Die gesoute akteur en stemkunstenaar, Karen Wessels, maak haar debuut as skrywer met hierdie werk, en sy speel ook die hoofrol teenoor die ewe ervare kunstenaar, Robbie Wessels. Die ander akteurs is Altus Theart, Johny Klein, Renske Jacobs en Marina Coetzee.

TIENER IN DIE SUBURBS deur Luan Jacobs

Thu, 02 Nov 2023 18:00:00 +0000

Elkeen dra geheime, angs, bagasie en neurose met hulle saam. Antonie verkoop komberse om aan die lewe te probeer bly, en Jasmyn doen haar voor as medium wat kamtig met dooies kan kommunikeer. Hulle maak op dié onortodokse manier geld uit mense, wat ‘n geliefde verloor het. Maar oneerlikheid haal hulle in. Tog kan hulle nie vals oor die liefde wees nie, en blom hulle romanse onder uiterste en dikwels tragiese omstandighede. Die akteurs is Izél Bezuidenhout, Luan Jacobs, Tobie Cronjé, Ria Smit, Sulette Thompson, Antowan Nothling en Mandie du Plooy.

DIE STOMME MOSES deur Albert Short

Thu, 26 Oct 2023 18:00:00 +0000

‘n Kaal man word in die vlak water van ‘n rivier gevind. Hy is bewusteloos en kan nie praat nie. Wie is hy? Of meer belangrik – wát is hy? Want die Anglo-Boereoorlog is in volle swang. Is hy Boer of Brit? Vriend of vyand? Tussendeur raak die verpleegster verlief op hom. En iemand raak jaloers – en die stomme Moses, al kan hy nie ‘n vinger lig of ‘n woord sê nie, verkeer in doodsgevaar! DIE STOMME MOSES is ‘n absurde komedie wat afspeel teen die agtergrond van die Anglo-Boereoorlog wat vanaf 1899 tot 1902 in Suid-Afrika gewoed het. Dit was Boer teen Brit, en om in daardie tyd sonder identiteit te wees, moes waarskynlik ‘n erge probleem gewees het. Die akteurs is Karli Heine, De Klerk Oelofse en Wessel Pretorius.

'N MOOI SONDAGMIDDAG IN SEPTEMBER deur Ugo Betti

Thu, 19 Oct 2023 18:00:00 +0000

Mev. Adriana is 40 en verveeld. Dit voel vir haar asof die lewe na 'n einde beweeg, tot sy hoor dat sy 'n ouma gaan word, en dat 'n nuwe lewe gaan begin. Die spelers is Anneke Keyter, Johann Nel, Johann Esterhuysen, Christo Gerlach, Joanie Combrink, Alewyn Lee, Pierre Louw, Edward Turner, Neels Engelbrecht en Nicci van Noordwyk.

BEURTKRAG deur Leon van Nierop

Thu, 12 Oct 2023 18:00:00 +0000

‘n Riller oor die uitwerking wat beurtkrag het. Albert beman bedags (en soms snags) ‘n noodlyn waarheen mense skakel indien hulle ‘n krisis het. Beurtkrag veroorsaak meer trauma as wat besef word. Om die waarheid te sê, dit word onderskat. En dit kring wyer uit na mense se persoonlike lewe, wat dan om berading aanklop. Die probleem is dat die tradisionele vraag- en antwoordsessie nie altyd help nie. Veral nie in hierdie geval nie... Die spelers is Bettie Kemp, Antowan Nöthling en Luan Jacobs.

HOLMRUGGERY deur Marion Holm

Thu, 05 Oct 2023 18:00:00 +0000

Marion Holm se loopbaan het weens die Covid-pandemie skielik tot ‘n einde gekom. Soos talle ander kunstenaars is sy deesdae weer volstoom aan die arbei en spin. Haar ervaring hiervan is vasgevang in ’n eenvrouvertoning. Dis ‘n intieme kykie in haar lewe voor, tydens en ná die pandemie.

LAERSKOOL NOORD deur Ilne Fourie

Thu, 29 Jun 2023 18:00:00 +0000

Drie onderwyseresse beplan ‘n verrassingsafskeidspartytjie vir hulle skoolhoof se aftrede. Met die netbaljuffrou, Zelda de Wet, se vreesaanjaende fluitjie, Bets du Preez se chaotiese administrasie en die vredemaker Marietjie(tjie) wat as die taalsuiweraar optree, is die kantoor ‘n tikkende tydbom. En dan wag hulle vir meneer van der Watt om aan te kondig wie die nuwe hoof van Laerskool Noord is... Die spelers is Marion Holm, Margit Meyer-Rödenbeck, Ilne Fourie, Neels Coetzee en Albert Maritz.

DEUR DIE VUUR VIR JOU deur Adriaan Havenga

Thu, 22 Jun 2023 18:00:00 +0000

Die verhouding tussen ‘n akademikus-pa en sy matriekdogter, Heilie, is stram. Hulle kommunikeer nie goed nie, en daar is wedersydse verwyte. En albei mis Heilie se ma wat in ‘n motorongeluk dood is. Hulle word deur ongewone omstandighede gedwing om hulle verhouding in oënskou te neem. Die spelers is Rene Cloete en Ivan Abrahams. Die produksie word aangebied met die vergunning van die Stigting vir die Bemagtiging deur Afrikaans.

DIE KOMPETISIE deur Joe Kleinhans

Thu, 15 Jun 2023 18:00:00 +0000

Wat doen jy as jy 'n daaglikse sukkelende bestaan in 'n klein saai ou dorpie voer? As jy die pastoor van die fiktiewe dorpie Putfontein is, organiseer jy ’n kompetisie wat om Paasfees gesentreer is, met ongelooflike pryse wat R10 000 kontant, ‘n trollie kruideniersware en 'n skaap insluit. En voor jy kan sê bliksemstraal, gons die hele dorpie oor die kompetisie... en dit maak ook die geldgod in sommiges wakker. Hulle sal selfs nie eers skroom om afpersing te gebruik om hulle hande op die prysgeld te kry nie, met skreeusnaakse gevolge. Die spelers is Johny Klein, Denver Vraagom, Ilse Klink, Shemaine Harris, Mari Molefe van Heerden, Solomon Cupido en Bradley Olivier.

IEWERS IN DIE GRYS deur Adriaan Havenga

Thu, 01 Jun 2023 18:00:00 +0000

'n Drama wat die vriendskap van twee plattelandse hoërskoolleerders, Heather en Gideon, ondersoek oor 'n tydperk van 16 jaar. Skoolkinders het groot drome, maar hoe word ’n lugkasteel bo gehou in ’n land waar onregverdigheid en regverdigheid so eenders lyk? Hierdie radiodrama is 'n verwerking van die teaterteks wat by die 2023 kykNET Fiëstas bekroon is met die toekennings vir Beste Nuutgeskepte Teks en Beste Opkomende Kunstenaar. Die spelers is René Cloete en Adriaan Havenga.

WESVILLE LAER deur Nisa Smit

Thu, 25 May 2023 18:00:00 +0000

Ná afloop van ‘n ouervergadering by Wesville Laer, waar die hoof onder andere die nuwe skoollied bekend gestel het, gaan spreek twee ouers vir Juffrou Calitz in haar klaskamer. Die twee sit glad nie langs dieselfde vuur nie, en die arme Juffrou het haar hande vol om die vrede te handhaaf. Sy het egter haar eie bekommernis, en kan eintlik nie fokus op wat die twee op die hart het nie. Want sy wat Juffrou Calitz is, is dalk swanger... en die hoof is dalk die pa... Die spelers is Mandi Baard, Izel Bezuidenhout, Estel de Beer en Botha Enslin.

EN SORG TOG MOOI VIR BUKS deur William Oosthuizen

Thu, 18 May 2023 18:00:00 +0000

Thérèse Terblanche se gesin is disfunksioneel, en haar onverwagte besluit om te begin draf, laat hulle glo sy wil probeer gewig verloor. Sy oorreed eers Lisa en daarna Hardus om saam te draf en selfs aan georganiseerde padwedlope deel te neem. Maar die wáre rede vir haar skielike besluit is glad nie wat Thérèse se gesin verwag het nie... Die akteurs is Susan Erasmus, Rudolph Torlage, Micke Hannay, Henko de Goede, Helmi White, Anita Torlage, Barry Tolmay en Annemarie van Dyk. EN SORG TOG MOOI VIR BUKS was ’n finalis in die RSG Radiodrama-skryfkompetisie van 2019.

HARTSEERHERFS deur PJ Haasbroek

Thu, 11 May 2023 18:00:00 +0000

Voorman is die leier van die klein gemeenskap tussen die wingerde en vrugteboorde. Daar leef hy enTant Kwaai en Oumama saam met die jongklomp Ratseknaap, Soetlief en Koggeljan te midde van daaglikse vreugdes, probleme en teleurstellings. Maar hulle gemeenskap word bedreig deur ontwikkelings op verskeie vlakke. Die akteurs is Deon Lotz, Marlo Minnaar, Liz Archer, Joanie Combrinck en Riaan Visman. Die drama word uitgesaai ter viering van die skrywer se 80e verjaarsdag.

HOUVAS deur Lee Doubell

Thu, 04 May 2023 18:00:00 +0000

Dis die verhaal van drie mans wat saam op die grens was - Vingers, Soete en Bul – en wat van hulle geword het. ‘n Plan wat hulle almal moes ryk maak, het verreikende gevolge… Met Deon Lotz, Anton Dekker, Denver Vraagom en die 12-jarige Malea Avis wat haar radiodebuut maak. HOUVAS is die wenner van die 2022 Radiodramaskryfkompetisie.

VYFTIEN MINUTE VAN ROEM deur Francois Bloemhof

Thu, 27 Apr 2023 18:00:00 +0000

Die 32-jarige Danie is ’n bleeksiel wat nie veel vir homself te sê het nie – tot hy op ’n dag vir George van Vuuren aangesien word. George het pas ’n groot sangkompetisie gewen en is hipergewild. Nou doen Danie alles in sy vermoë om nét soos George te lyk en selfs op te tree. Hy begeer dieselfde graad van bekendheid en sukses. Hy sal egter gou agterkom hoe bedrieglik die vermaaklikheidswêreld is, en dat daar groot gevaar agter al die glans kan skuil. Die akteurs is Adriaan Havenga, Pietie Beyers, Chloe van Rooyen, Roeline Daneel, Karli Heine en Erica Wessels. Vyftien minute van roem is die naaswenneer in die 2022 Radiodrama-skryfkompetisie.

DIE VLEK VAN MENSWEES deur Adelle van Wyk

Thu, 20 Apr 2023 18:00:00 +0000

Die drama handel oor die uiterstes waartoe mense sal gaan om te kry wat hulle wil hê, As ‘n mens iets graag genoeg wil hê, is geen prys te hoog nie. En dít is die vlek op ‘n mens se siel. Die spelers is Mandi Baard, Shemane Harris, Karin Retief, Anton Dekker, Sulette Thompson, Rina Nienaber en Sue Pyler-Slabbert. Die drama het die derde plek verower in die 2022 Radiodramaskryfkompetisie.

MOT deur Almé Swart

Thu, 13 Apr 2023 18:00:00 +0000

Mot, oftewel Mathilda, het 'n moeilike lewe ná haar ouma se dood. Haar vriend, Liam, probeer help waar hy kan, maar kan nie altyd 'n buffer wees tussen Mot en haar huislike omstandighede nie. Dan ontdek Mot 'n geroeste koekblik met sleutels en 'n adres in. Sy en Liam besluit om te gaan uitvind wie se adres dit is... en hulle maak 'n ontdekking wat albei se lewens verander. Met Hanna Borthwick as Mot en Wessel Pretorius as Liam. Ander stemme wat gehoor word, is die van Ira Blanckenberg, Lee-Ann van Rooy en Nic de Jager. Regie deur Anrich Herbst. MOT is die wenner in die afdeling vir Jong Skrywers in die 2022 Radiodramaskryfkompetisie.

WIE IS BANG VIR DIE GOEIE WOLF? deur Engela van Rooyen-Linde

Fri, 07 Apr 2023 12:00:00 +0000

'n Herlewingsdrama vir almal wat smag na vernuwing. Hoop beskaam nie. Beleef in Paastyd hoe ons Verlosser ons kleinmenslike traumas met wonderwerke heeltemal omkeer. Die akteurs is Richard van der Westhuizen, Sulette Thompson, Christo Compion en Karen Wessels. Die regisseur is Helena Hugo.

TROUFOTO’S deur Karin du Toit

Thu, 06 Apr 2023 18:00:00 +0000

Tersia en Leon is met vakansie in Amsterdam. Hulle sien ‘n kelner wat op ‘n druppel water lyk soos hulle vriendin Nadia se oorlede man Pieter… Troufoto’s bevat gewoonlik pragtige mense wat gelukkig glimlag, met die hele skoonfamilie wat ook iewers in die prentjie is. Maar iets is nie pluis nie. Pieter en Nadia glimlag net te breed op ‘n troufoto. Wat is hier aan die gang? Met Lelia Etsebeth, Kaz McFadden. Renske Jacobs en Stefan Vermaak. Die regisseur is Leon van Nierop. Wenner van die Merietetoekenning in die 2022 Radiodramaskryfkompetisie.

PENNIEGRYPER deur Charles Dickens

Sun, 25 Dec 2022 11:00:00 +0000

Vir die radio vertaal en verwerk deur Aart de Villiers en Don Lamprecht. Dit is Oukersaand. Ebenezer is ‘n suinige prokureur en knorpot wat geen sin in die feesvieringe rondom Kersfees sien nie. Hy wil skaars vir Karel Kroukamp, sy klerk, toestemming gee om tyd saam met sy gesin deur te bring. Maar dan ontvang hy ‘n paar besoekers in sy slaap wat hom laat besef wat die invloed van sy knorrigheid op ander is. Die spelers is André Rossouw, Ivan Abrahams, Christo Gerlach, Theresa Cloete, Randall de Jager en André Samuels. Die drama is in 1992 opgevoer.

VONDELING deur Liesl Bekker

Thu, 22 Dec 2022 18:00:00 +0000

Jerome Fortuin, die nuut aangestelde voorman op die deftige en welgestelde Mildred Malan se kleinhoewe, maak vroegoggend ‘n rare vonds wat hy versigtig versteek. Hy probeer vir homself ‘n nuwe lewe skep ná traumatiese kinderjare in ‘n kindersorgsentrum en ‘n onverdiende botsing met die gereg. Tydens ‘n storm een nag, ontdek Mildred die versteekte verrassing, en hy smeek haar om sy geheim te bewaar. Sy willig teësinnig in en ‘n ongewone vriendskap ontwikkel tussen hulle. Soos die waarheid ontvou kry albei beter begrip en insig in die polariteite van mekaar se wêrelde en sienswyses. Dit is egter nie so maklik om van ‘n mens se verlede te ontsnap of stereotipes te besweer nie. Ná ‘n ongelukkige voorval op die werf, verloor Jerome sy werkgewer se vertroue, sy nuwe lewe en sy kosbaarste vonds. Mildred verloor ook haar rigiede denkwyses, en saam ontdek hulle die pyn van verwerping en verraad en die hoop wat vergifnis bring. Die akteurs is Dean Balie, Susanne Beyers, Lindie Stander, Marlo Minnaar en Lee-Ann van Rooi.

'N PA VIR GIEL deur Euna Easton

Thu, 15 Dec 2022 18:00:00 +0000

‘n Familiegeheim word onthul, wat Giel se lewe op sy kop draai. Al wat Giel weet is dat sy pa dood is toe hy klein was. Sy ma maak hom alleen groot, maar wanneer sy doodgaan begin hy opnuut wonder oor die pa wat hy nooit geken het nie. ‘n Vreemde man nader Giel op die dag van sy Ma se begrafnis, maar Giel kan nie na die man luister nie. Hy het immers sy enigste ouer verloor. Daar is familielede wat vir Giel ondersteun, maar sommige weet meer oor die verlede as ander. En die man by die begrafnis, is toe nie heeltemal ‘n vreemdeling nie. En Giel leer: “miracles is vir almal”. Die spelers is Elma Potgieter, Pietie Beyers, Rina Nienaber, Donovan Pietersen, Christine Voorendyk en Johny Klein.

DIRK LIGTER deur Albert Maritz

Thu, 08 Dec 2022 18:00:00 +0000

Daar is baie stories oor Dirk Ligter, ‘n legende van die Tankwa Karoo. Wat waar is en wat nie, is nie altyd duidelik nie. Twee skrywers tree met mekaar in gesprek oor hulle onderskeie weergawes van Dirk Ligter en sy lewe. Die spelers is Nic de Jager, Waldimar Schultz, Dean Balie, Zenobia Kloppers, Wessel Pretorius, Riaan Visman, Marion Holm en Frieda van den Heever.

DIE SEEKAT deur Tienkie Albertyn

Thu, 01 Dec 2022 18:00:00 +0000

Katie en Annie is twee afgetredenes wat die wêreld vanaf hulle balkonne beskou. Oorkant hulle is Die Seekat, ‘n gewilde kuierplek. Die lawaai wat daarvandaan kom, dryf die twee ou dames egter tot raserny en hulle besluit om ‘n plan te maak… Die spelers is Rina Nienaber, Shemane Harris, Simon Bruinders, Philru van Achterberg, Izel Bezuidenhout en Johny Klein.

ONDERHOUD MET 'N BOEMELAAR deur Karin du Toit

Thu, 24 Nov 2022 18:00:00 +0000

Hoe beland ‘n mens op straat en word ‘n boemelaar? Veral as jy ‘n professionele, gegradueerde mens is met ‘n gesin. Einstein is so ‘n mens. Hy en sy vriend Skerf woon in ‘n park onder ‘n boom. En dan, een middag daag daar ‘n joernalis en haar vriend op. Sy soek ‘n storie. En Einstein soek antwoorde. Die spelers is Sue Pyler-Slabbert, Donovan Pietersen, Pietie Beyers, Johny Klein, Karen Wessels en Eloise Cupido.

WIE NIE WIL HOOR NIE deur Maria Vos

Thu, 17 Nov 2022 18:00:00 +0000

Waarskuwing: Sekere tonele en taalgebruik mag sensitiewe luisteraars aanstoot gee. Die kunssinnige Janina is saam met haar boesemvriend, Anton, in matriek. Een middag vra hy haar om vir hom ’n prentjie van hulle streng onderwyseres, Mevrou Steyn, te teken. Anton is gaande oor die karikatuur waarmee sy vorendag kom, en wil dit graag as ’n aandenking hou. Maar Janina sou nooit kon raai wat Anton met haar stukkie tekenkuns beplan nie. Nog minder kan Anton 17 jaar later voorsien wat op hom wag wanneer hy Janina toevallig op ’n trein in Engeland raakloop... Die drama was ‘n finalis in die RSG/SANLAM Radiodrama-Skryfkompetisie van 2021. Die akteurs is Helmi White, Rudolph Torlage, Abigail Kuhn, Pieter van Romburgh en Anelle Engelbrecht.

DOOD VAN 'N SKRYWER deur Hannes Pieterse

Thu, 10 Nov 2022 18:00:00 +0000

Familiekonflik en verhoudings, die nagevolge van die pandemie en die vervlakking van die samelewing weens sosiale media is temas wat in die drama weerklink. Maar eerstens is dit ‘n misdaadverhaal: Wie het die moord gepleeg? Die spelers is June van Merch, Johan Nel, Hanna Borthwick, Melt Sieberhagen, André Weideman en Kay Smith.

DIE GLASDEUR deur Henriëtte Grové

Thu, 03 Nov 2022 18:00:00 +0000

Die drama vertel die verhaal van drie oujongnooiens wat op ‘n afgeleë plaas woon. Dan kom ‘n jonger familielid by hulle aansterk. Sy teenwoordigheid krap ou wonde oop oor ‘n ander jongman wat baie jare gelede ook by hulle aangesterk het nadat hy in die oorlog gewond is. Die tweemalige Hertzogpryswenner, Henriëtte Grové, sou vanjaar 100 jaar oud wees. Die drama word as huldiging uitgesaai. Hierdie opname van Die Glasdeur is in 1957 uitgesaai. Die spelers is Anna Neethling-Pohl, Aletta Gericke, June Seymour en Pieter de Bruyn.

SOU DIE STERRE LUISTER deur Lee Doubell

Thu, 27 Oct 2022 18:00:00 +0000

RSG bied ‘n spesiale opdragwerk aan om 85 jaar van Afrikaans op die radio te herdenk. Die drama word 'n spel, nie net met tyd nie, maar ook met ruimte waarin die hedendaagse RSG, kompleet met U eie keuse (die oudste radioprogram in Suid-Afrika) as springplank vir die intrige gebruik word. Griekse mitologie, vermeng met hedendaagse, ondermaanse gegewe, soos die Karoolandskap, sy inwoners en radiopersoneel wat reis in die omgewing vir opnames (omroeper en klankman) en ’n tipiese ou en nuwe Suid-Afrika skep die verhaal. Die drama is ‘n ode aan klank. Die spelers is Anna-Mart van der Merwe, Marissa Claasen, June van Merch, Dean Balie, Johann Nel, Anrich Herbst en Willem Pelser.

DAG IN, NAG UIT deur Vincent Pienaar

Thu, 20 Oct 2022 18:00:00 +0000

‘n Luitenant-kolonel in die polisie kom voor ‘n keuse te staan. Of hy gaan voort met sy gewone lewe op ‘n doodgewone salaris, gelukkig getroud met ‘n vrou en baba-dogtertjie, of hy gee hom oor aan die verleidings van ‘n gevaarlike spul booswigte wat hom wil dwing om ‘n kollega te verraai. Hierdie drama is op ‘n ware verhaal gebaseer. Die spelers is Anton Dekker, Charlie Bouguenon, André Stolz, Stefan Vermaak en Elma Potgieter.

WAAR IS ELLIE PAUW? deur Hendie Grobbelaar

Thu, 13 Oct 2022 18:00:00 +0000

Toe Wilhelm Pauw eers laat in sy lewe uitvind hy het 'n dogter, begin hy na haar soek. Omdat hy desperaat is, is sy metode onortodoks. Daar is net twee mense wat hom kan help met sy soektog - Sophia Marais, 'n verbitterde, ongelukkige vrou, vervreemd van haar dogter, met 'n geheim wat haar gewete opkeil - en Gwen Lotter, 'n vrolike, boheemse vrou wat ook met 'n geheim saamlewe. Die twee is beste vriendinne. Gwen kan nie verstaan hoekom Sophia so behep is met dominee Thinus Smit, 'n skynheilige rokjagter nie. Sophia het egter haar redes. Wilhelm benader hulle met 'n ompad. Hy kry sy antwoord, en die twee vriendinne is ook uiteindelik eerlik met mekaar. Maar hoe pas Madame Helena, die geheimsinnige fortuinverteller, by die prentjie in? Die spelers is Rina Nienaber, Elma Potgieter, Heidi Mollentze, Lochner de Kock, Anton Schmidt en Eloise Cupido. Hendie Grobelaar het al verskeie radiodramas vir RSG geskryf, insluitend Sterrereën en Johanna se Elvis. Waar is Ellie Pauw? was ‘n finalis in vanjaar se radiodrama-skryfkompetisie.

‘N WARM WIND OOR DIE VLAKTES deur Richard van der Westhuizen

Thu, 06 Oct 2022 18:00:00 +0000

‘n Man stop by die hotel in ‘n klein dorpie in Namakwaland, en betaal kontant vir ‘n kamer vir vyf aande. Hy is hier met ‘n doel. In die warm, stowwerige windverwaaide wêreld ontmoet ons die garage-eienaar met sy werkswinkel, waar allerhande dinge reggemaak word, die windmaker dwelmhandelaar en sy pêl wat misbruik maak van die jongmense se ledigheid, die behulpsame hotelbestuurder, en die vriendelike Rosie wat by die hotel werk, maar tot baie meer in staat is. Wanneer hy vyf aande later stil-stil vertrek, is die dorpie nooit weer dieselfde nie. Die spelers is Chris van Niekerk, Simone Benjamin, Charlton George, Dean Balie, André Samuels, Chloe van Rooyen en Pieter van Zyl.

HENDRIK SE HISTEREKTOMIE deur Ilné Fourie

Thu, 30 Jun 2022 18:30:00 +0000

[Wenner van RSG en NATi se eerste Kwartkomedie-skryfkompetisie vir komiese radiodramas] Dr. Marais is ’n veearts op ’n klein dorpie wat ’n tydelike ontvangsdame, Marietjie, in diens geneem het. Haar eerste dag verloop, om die minste te sê, minder geslaagd. Koos se hond, Buffel, het sy nuwe bakkie se sleutels ingesluk, en Dorette se hamster het oornag agt kleintjies gekry. Dit, terwyl dr. Marais ’n besige dag in die teater het en nie kans het om aandag aan enige diere, behalwe noodgevalle, te gee nie. Marietjie gebruik haar inisiatief, maar slaag slegs daarin om die veearts, Koos én Dorette lelik om te krap! Die spelers is Richard van der Westhuizen, Marissa Claasen, Anrich Herbst en Nicole Holm.

DIE RARE JACOBS deur Melt Sieberhagen

Thu, 30 Jun 2022 18:00:00 +0000

[Naaswenner van RSG en NATi se eerste Kwartkomedie-skryfkompetisie vir komiese radiodramas] Herman is ’n onvergenoegde, middeljarige sakeman wat ná meer as drie dekades nie die bevordering kry wat hy meen hom toekom nie. Iemand van die straat af, ’n meneer Jacobs, word as sy bestuurder aangestel. Wat Herman nog erger laat voel, is dat hy bloot ’n e-pos gestuur het om die man geluk te wens met sy aanstelling. Intussen is die veel jonger Donovan en Bianca Jacobs op pad terug huis toe ná ’n misverstand met ’n gatsby-aand by vriende, waar Donovan dog dis ’n viering van die Gatsby-karakter met kleredrag van daardie era. Bianca voel verneder en dring aan om huis toe te gaan. Hulle verdwaal en toe hulle by ’n huis stilhou om hulp te vra, is dit juis by Herman en Heleen se huis wat die nuwe bestuurder enige oomblik verwag… Die spelers is Albert Maritz, Rolanda Marais, Dean Balie en Kay Smith.

EERBARE INTENSIES deur Benjamin Kock

Thu, 23 Jun 2022 18:30:00 +0000

Katrien is ’n 27-jarige aktuaris wat baie bekommerd is oor haar ouers, Basie en Ella, twee sout-van-die-aarde plaasmense wat na Italië gereis het, maar toe skielik verdwyn het. Uiteindelik spoor Katrien hulle per telefoon op waar hulle baie opgewonde vir haar vertel hoe heerlik hulle kuier by Lorenzo se ouers, Luigi en Sofia, in Palermo, Sisilië. Lorenzo is ’n jong man wat Katrien op die internet ontmoet het, wat baie graag by haar in Suid-Afrika wou kom kuier. Basie en Ella het toe heimlik besluit om dié jong man én sy ouers te gaan ontmoet om seker te maak hulle is goeie mense. Hulle is só ingenome met die Italianers, dat hulle sommer al begin reëlings tref vir die troue! Hoe meer opgewonde Basie en Ella raak, hoe meer bekommerd raak Katrien, omdat sý besef dat die weelde en die rykdom waarin Luigi en sy familie leef, spruit uit Luigi se bande met die Mafia! Die spelers is Marissa Claasen, Richard van der Westhuizen en Susanne Beyers.

KAMMA SPESIALE VRIENDE deur Niel Steenkamp

Thu, 23 Jun 2022 18:00:00 +0000

Frans en Anita loop mekaar in ’n supermark raak, begin gesels en kom tot die gevolgtrekking dat Frans se weduwee-ma en Anita se wewenaar-pa albei die behoefte het om weer iemand spesiaal te ontmoet. Hulle erken dat hulle ouers baie hardkoppig is en nie ’n ontmoeting met iemand ter wille sou wees nie. Só spreek Frans en Anita toe af om te maak asof hulle op mekaar verlief geraak het, om op dié manier hulle ouers aan mekaar voorgestel te kry. Min weet hulle dat hulle ouers mekaar op skool reeds geken het, maar toe kontak verloor het. In die proses van maak asof, raak Frans en Anita toe régtig verlief op mekaar. Die spelers is Albert Maritz, Jane de Wet, Rolanda Marais en De Klerk Oelofse.

DIE SWERFJARE VAN POPPIE NONGENA deur Elsa Joubert

Thu, 16 Jun 2022 18:00:00 +0000

Die verhaal handel oor die lewe van Poppie Nongena. Dit vertel hoe sy as ma rondgeskuif is weens die politieke stelsel van die tyd, en die besluite wat sy ter wille van haar kinders se opvoeding moes neem. Dit beeld haar innerlike stryd uit oor die besluite wat sy telkens moes neem. Elsa Joubert se gelyknamige roman het in 1978 verskyn. Dit is verskeie keer bekroon, en in meer as 13 tale vertaal. Ses jaar ná die verskyning van die roman, is die boek deur deur Sandra Kotze vir die verhoog verwerk. Die verhoogweergawe is later deur Suzanne van Wijk vir die radio verwerk. Hierdie weergawe is in 2006 deur Margot Luyt opgevoer. Zenobia Kloppers kan in die naamrol gehoor word. Nic de Jager is die verteller, Poppie se broer Mozi is vertolk deur Christo Davids en Hoedjie deur Marlin Balie. Ander spelers is André Rossouw, Johan Botha, Lida Botha, Ivan Abrahams, Sizwe Msuthu, Shaun Arnolds en Juanita Swanepoel.

DIE NAGBESOEKERS deur Albert Short

Thu, 09 Jun 2022 18:00:00 +0000

Twee ou mense wat naby ‘n begraafplaas woon, word toenemend met die dood gekonfronteer. Aanvaarding en ontkenning word aanvanklik ‘n speelbal tussen die twee, maar dan gebeur dít wat geen mens nog kon systap nie… Die akteurs is Elma Potgieter en Frans Swart.

BOETIE KOM KUIER deur Thomas van Niekerk

Thu, 09 Jun 2022 18:00:00 +0000

Hierdie lighartige komedie was deel van die RSG/Nati Kwartkomedie-skryfkompetisie. Hope misverstande, vooroordele en mistasting loop uit ‘n verrassende ontknoping. Die akteurs is Sandra Prinsloo, Frans Swart, Marissa Claasen en Philru van Achterberg.

ONVOLTOOID deur Ayden Kruger

Thu, 02 Jun 2022 18:00:00 +0000

Danel, ‘n sielkundige, meen sy het ‘n goeie lewe en ‘n gelukkige huwelik. Maar dan kom sy een dag vroeg tuis en betrap haar man, Bertus, saam met ‘n ander vrou in hulle bed. Sy vlug na haar Pa toe. Hulle het mekaar vir bykans 10 jaar nie gesien nie, en Danel is nie daarvan bewus dat haar Pa siek is nie. Sy weet ook nie dat hy sy huishulp se kleinkind versorg nie. Danel en haar Pa moet die brûe na mekaar herstel, en in die proses leer sy ook dat vergifnis heling bring. Die spelers is Heidi Mollentze, Lochner de Kock, Shemaine Harris, Kaz McFadden, Lelia Etsebeth en Renske Jacobs.

SONDESEEP deur Susan Marais

Thu, 26 May 2022 18:00:00 +0000

‘n Gesiene inwoner van ‘n plattelandse dorpie iewers in die Noord-Kaap verdwyn te midde van die gemeentesusters se beplanning van ‘n kerkbasaar, ter ondersteuning van die kontrei se verarmdes. Aan die spits van hierdie filantropiese poging is Mevrou Dominee, kranige boerseepkookster. Maar is sy inderdaad besig met die Hemelse Koninkryk se werk? Die rolverdeling is Susanne Beyers, Johann Nel, Frieda van den Heever, Dann-Jacques Mouton, Antoinette Kellerman, Kay Smith en Anrich Herbst. Cassi Lowers was verantwoordelik vir die tegniese versorging. Sondeseep was ‘n finalis in RSG en Sanlam se radiodrama-skryfkompetisie van 2020.

DIE MAGRIETJIE deur Jenny Pieterse

Thu, 19 May 2022 18:00:00 +0000

'n Weduwee sukkel om oor haar man se dood te kom. Haar buurvrou sien om na haar Pa, wat terminaal siek is weens kanker. Dan kruis die twee se paaie en hulle word op onverwagse wyse by mekaar se lewe betrek. Dis ‘n verhaal oor die trauma van verlies, en heling deur medemenslikheid. Die spelers is Rika Sennett, Eloise Cupido, Luan Jacobs, Donovan Pietersen, Duncan Johnson en Renske Jacobs.

DON JUAN deur Moliére

Thu, 12 May 2022 18:00:00 +0000

Hierdie argiefproduksie word uitgesaai ter viering van die Franse dramaturg, Moliére, se geboorte in 1622, vanjaar 400 jaar gelede. Molière was ‘n akteur, dramaturg en digter, en word beskou as een van die belangrikste skrywers in die Franse en wêreldletterkunde. Sy werk is in verskeie tale vertaal, insluitend Afrikaans, en word steeds in Frankryk opgevoer. Die spelers is Louis van Niekerk, Dana Niehaus, Christine Stevens, Miems de Bruyn, Franz Marx en Pieter Hauptfleisch. (Opgeneem in 1973)

KINDERS deur Erica Harris

Thu, 05 May 2022 18:00:00 +0000

Natasha kry onverwags toesig oor haar tienerseun, Tiaan. Nie sy of haar lewensmaat Bella is egter gereed vir die verantwoordelikheid nie. Die spelers is Nadia Valvekens, Cintaine Schutte, Eloff Snyman, Roelien Daneel, Dan-Jacques Mouton en Charl van Heyningen.

NAAND, JOSEF deur Albert Short

Thu, 28 Apr 2022 18:00:00 +0000

‘n Man verdwyn soos ‘n groot speld terwyl hy oor 'n uitgestrekte vlakte reis. Die enigste mense wat op die vlakte bly, is twee ou tannies in ‘n afgeleefde huisie. Beide is in hulle 90’s. Maar hulle weet niks… of so sê hulle wanneer die polisie bel om hulle daaroor te vra. Die spelers is Elzabé Zietsman, Rina Nienaber, Charlie Bougeunon en Eloise Cupido. Albert Short het die tweede prys in RSG en Sanlam se Radiodramaskryfkompetisie in 2021 gewen met hierdie drama.

STERSTOF deur Cecelia du Toit

Thu, 21 Apr 2022 18:00:00 +0000

Dit is 2052 en twee mense word na Mars gestuur om daar kos te verbou. Wanneer hulle egter tydens die sending wakker word, kom hulle met ‘n skok agter dat hulle na ‘n heel ander plek op pad is. Die spelers is Rolanda Marais, Jane de Wet, Charlton George, Wilhelm van der Walt en Anrich Herbst. Die drama het die derde prys gewen in RSG en SANLAM se Radiodramaskryfkompetisie in 2021.

WAAROM, HERE? deur Joey van Niekerk

Fri, 15 Apr 2022 12:00:00 +0000

Die drama vertel die verhaal van Saggeus, die tollenaar. Hy was in jy jeug opstandig omdat hy nie kon deel hê in die voorspoed en rykdom wat regeringsgesindes te beurt geval het nie. Toe word hy ‘n tollenaar, en word ryk en magtig. Toe hy Jesus van Nasaret een dag ontmoet, verander sy lewe. Met Luan Jacobs, Jakkie Groenewald, Estel de Beer en Johny Klein.

DIE DOOD VAN BITITI deur Adriaan Havenga

Thu, 14 Apr 2022 18:00:00 +0000

'n Wildsplaas... 'n Familieplaas... 'n Erfplaas... Dis waar die verhaal afspeel. En, soos dit maar dikwels met familie gaan, is daar onderlinge jaloesie en afguns. Daar is ook struwelinge tussen suster en broer. En 'n moeilike ma, die matriarg, wat almal na haar pype wil laat dans. 'n Nuwe leeuwyfie word afgelewer op die plaas. Haar naam is Bititi. Die leeu word gebruik om moeilikheid te maak vir sekere familielede... Met katastrofiese gevolge. Die spelers is Rina Nienaber, Anton Dekker, Anton Schmidt, Heidi Mollentze, Ilse Klink, Izel Bezuidenhout en Donovan Pietersen. Adriaan Havenga is die wenner van RSG en SANLAM se Radiodramaskryfkompetisie in die afdeling Jong Skrywer.

DIE VUURVLIEGDIEF deur Madeleen Welman

Thu, 07 Apr 2022 18:00:00 +0000

‘n Hartroerende verhaal wat die storie van die onwaarskynlike ontmoeting tussen Ria (‘n angstige, afhanklike vrou in haar tagtigs) en William (n deurwag by ‘n winkelsentrum) vertel. ‘n Diep band wat agtergrond en kultuur oorgrens, word binne ure gevorm. Die soort band wat net in die dal van doodskaduwee gesmee word. ‘n Eietydse Barmhartige Samaritaan speel hom af in en om ‘n hysbak in ‘n besige winkelsentrum met priesters en leviete wat haastig en onnadenkend verby beweeg, en een mens wat bly. Eenvoudig bly. Bly sit. En só iemand se lewe red. Die akteurs is Marion Holm, Dean Balie, Waldemar Schultz, Cintaine Schutte en Carel Nel.

DIE WILDSBOUDJIE deur Fritz Steyn

Thu, 30 Dec 2021 18:00:00 +0000

Die lollery begin wanneer dominee Gompul ongemaklike vrae het oor ‘n wildsboudjie wat spesiaal vir hom voorgesit word. Hy kuier op die plaas van Sarel du Plessis en sy dogter Lettie. Sarel wil die onderwerp van die oorsprong van die wildsboud vermy, en probeer elke keer die gesprek in ‘n ander rigting stuur. Want die jagseisoen is toe – en Sarel weet hy is in die moeilikheid as iemand uitvind hy het ‘n bok geskiet. Dan begin die buurman, Abel Potgieter, ook vrae vra. Daar is meer geheime as wat dit op die oog af lyk. Wanneer die polisieman ook opdaag, raak sake net verder deurmekaar. Die rol van Sarel du Plessis word vertolk deur Dana Niehaus; sy dogter Lettie is Bettie Kemp, die dominee is Kosie Eloff; die buurman Abel is Hennie Oosthuizen en Elsa is Janine Pretorius. Die stemme van Lochner de Kock en Charl van Heyningen kan ook gehoor word.

EN DAAR WAS SKAAPWAGTERS deur NP Van Wyk Louw

Sat, 25 Dec 2021 12:00:00 +0000

Drie skaapwagters pas skape op in die Roggeveld, iewers tussen Calvinia en Sutherland, enkele dae voor Kersfees. Dis in die jare vyftig. Dis baie droog. Abram, Japie en Izak se hoop dat hulle vir Kersfees huis toe kan gaan, vervaag want Herklaas, Izak se Pa, sê hulle moet in die veld bly om te voorkom dat die skape vrek weens droogte en gebrek aan weiding. In die aanloop tot Kersfees sien Japie saans ‘n lig wat al helderder word. Eers bly hy stil, maar vertel later vir die ander daarvan en hulle begin dit ook sien. Dan kom Herklaas op Oukersaand by die ander drie in die veld aan. Hulle beleef ‘n vreemde ervaring. En dan gebeur ‘n wonderwerk... Die teks kom oorspronklik uit Van Wyk Louw se prosabundel, Maskers van die Erns. Met Simon Bruinders, Luan Jacobs, Johny Klein en Richard van der Westhuizen.

SIEN JOU WEER GISTER deur Niel Steenkamp

Thu, 23 Dec 2021 18:00:00 +0000

Twee akademici, een by 'n universiteit en een by 'n privaatinstansie, wedywer om die eerste te wees om 'n suksesvolle tydmasjien te bou. Die spelers is Jakkie Groenewald, James Borthwick, Lochner de Kok, Karin Retief, Christo Compion, Luan Jacobs en Lelia Etsebeth.

DIT KLINK NA DONDERWEER deur Maria Vos

Thu, 16 Dec 2021 18:00:00 +0000

Die verhouding tussen ma’s en dogters is uniek, en soos die jare aanstap verander die verhouding deurentyd. Dogters word groot. Ma’s ontdek ‘n lewe onafhanklik van hulle kinders. Dit is ‘n kuns om die verhouding suksesvol te bestuur, en genade as ma’s en dogters deur al die jare vriende kan bly. DIT KLINK NA DONDERWEER is ‘n lighartige familie-komedie wat dalk net ‘n klein bietjie hoop kan bring. Dit was ‘n finalis in die RSG/Sanlam radiodrama-skryfkompetisie van 2020. Die spelers is Susanne Beyers, Vicky Davis, Cintaine Schutte en Riaan Visman.

HYGEND HENNIE deur Joe Kleinhans

Thu, 09 Dec 2021 18:00:00 +0000

In sommige huise word troeteldiere soos kinders behandel – en die dierekinders smokkel maklik met hulle eienaars se koppe. Die troetelhoenderhaan, Hennie, veroorsaak konsternasie. Sy eienaar, Saartjie Serfontein, beland in die hospitaal, en ‘n vriendin moet Hennie oppas. Sy bly egter in ‘n kompleks met streng reëls. ‘n Knorrige skrywer verkla haar by die voorsitter van die kompleks. En dan begin die vonke spat. Met Karen Wessels, Charlie Bouguenon, Ria Smit, Rina Nienaber en Simon Bruinders.

ONDER DIE APPELLIEFIEBOS deur Marlise Joubert

Thu, 02 Dec 2021 18:00:00 +0000

‘n Sensitiewe tiener beplan ‘n begrafnis vir haar geliefde kat op hulle plaas. Haar broer bou die kissie, en haar beste vriendin staan haar by. Ma Hanna bekommer haar oor haar dogter – sy kom depressief voor, die kommunikasie tussen hulle het verswak en die kind se skoolwerk gaan agteruit. Sy probeer vergeefs uitvind wat dit is wat haar dogter so kwel. Die spelers is Elanza Swart, Wilhelm van der Walt, Erica Wessels, Kayla van der Merwe, Eugenie Wiggins, Chloe van Rooyen en Cole Wessels.

KRONKELPAD deur Ronel Mostert

Thu, 25 Nov 2021 18:00:00 +0000

Lize Rademeyer, ‘n beelskone meisie met ‘n gebroke hart, bevind haar op ‘n gevaarlike plaasgrondpad sonder petrol en oënskynlik ‘onder die invloed’ wanneer Hugo Naudé, die dodelik aantreklike eienaar van die plaas, op haar afkom. Hy is woedend wanneer hy verneem dat sy in diens geneem is as in-huis fisioterapeut deur sy eiewys sussie, Mijke, wat die gebruik van haar bene verloor het weens ‘n motorongeluk op dié einste verraderlike pad. Die spelers is Amalia Uys in haar radiodramadebuut, Jacques Bessinger, Roeline Daneel, Zenobia Kloppers, André Samuels, Ira Blankenberg en Petrus du Preez. Cassie Lowers is verantwoordelik vir die tegniese versorging.

DONKERHOEK deur Nicola Hanekom

Thu, 18 Nov 2021 18:00:00 +0000

Op die plaas Donkerhoek in Kannaland speel ‘n sombere verhaal af tydens ‘n verwoestende en verterende brand, aangehits deur ‘n wraaksugtige piromaan. Sy skielike verskyning na jare se afwesigheid, krap ou wonde oop. ‘n Raaiselagtige kinderdood, seksuele afdreiging, verwerping en disfunksionele gevolge lei tot ‘n rillerverhaal wat jou vasgenael voor die radio sal hou. Die spelers s June van Merch, Zenobia Kloppers, Charlton George, Frieda van den Heever, Anrich Herbst, André Samuels en Pieter van Zyl. Waarskuwing: Nie vir sensitiewe luisteraars aanbeveel nie, weens taalgebruik en volwasse temas.

WILDE ALS deur Wessel Pretorius

Thu, 11 Nov 2021 18:00:00 +0000

Hilde Kraus, ‘n legendariese skrywer in haar sestigs, sonder haarself in ‘n plaashuisie in die Karoo af om haar finale, outobiografiese roman te skryf, jare na haar laaste poging. Sy wroeg deur die kronkelpaaie van haar geheue om sin te maak van die goeie en die slegte, sodat sy dit uiteindelik in haar boek kan verwoord. Om haar te help om feite van fiksie te skei, “ontbied” Hilde haar eertydse minnaar en muse, Paul Naudé, vir die laaste keer. Só word sy gekonfronteer met pynlike sleutelgebeure in haar verlede. Die rolle word vertolk deur die akteurs wat in die verhoogproduksie te sien was. Jana Cilliers is Hilde Krauss, en Dawid Minnaar speel die rol van Paul Naudé.

HEMELBLOU deur Isabel Martinson

Thu, 04 Nov 2021 18:00:00 +0000

Amanda Nel en Karoli Vermeulen ontmoet mekaar op 'n parkbankie op 'n wolklose dag. Amanda is op dié spesifieke dag al vir twee jaar 'n weduwee. Sy het nog nie haar verlies verwerk of daarmee leer saamleef nie. Nie net die verlies van haar eggenoot nie, maar ook in 'n sekere sin dié van haar jeug... want is weduwees dan nie veronderstel om oud te wees nie? Karoli, daarenteen, is die verpersoonliking van jeugdige, byna naïewe lewensenergie. Sy stel opreg belang in Amanda en haar "donkerte", soos Karoli dit noem, en so begin 'n baie onwaarskynlike vriendskap tussen 'n terughoudende ouditeur en 'n borrelende aktrise. Hemelblou is 'n verhaal oor lewe ná die dood, liefde vir een mens wat geleidelik deur Liefde se alchemie omvorm word in liefde vir alles en almal. Die akteurs is Mariechen Vosloo, Elanza Swart, Albert Pretorius en Dean Balie. Regie: Frieda van den Heever.

NAG KARLIEN deur Bettie Kemp

Thu, 28 Oct 2021 18:00:00 +0000

Tevore het jy hulle altyd op DEURNAG OP RSG gehoor. Omroepers wat luisteraars, veral die Siele op Wiele, geselskap hou. Bettie Kemp, wat vroeër jare die skof gereeld waargeneem het, het ‘n radiodrama geskryf oor haar wedervaringe in die ateljee wanneer sy so alleen daar sit. Wat die drama spesiaal maak, is Karlien se obsessie met een spesifieke luisteraar wat telkens SMS’e stuur. En sy reaksie op wat sy sê. Die spelers is Bettie Kemp, Janine Opperman, Anton Schmidt en Sulette Minnaar.

GREEN ROOM deur Ilne Fourie

Thu, 21 Oct 2021 18:00:00 +0000

Die drana speel af in ‘n green room waar menige akteurs al meer tyd spandeer het agter die verhoog as op die verhoog, tydens repetisies om iets te drink, te gesels, deur woordrepetisies te gaan en mekaar se lief en leed te deel. Hierdie magiese ruimte word slim benut deur die skrywer, tydens ‘n verhoogrepetisie van Daar woon mense daar, een van Athol Fugard se nie-politiese dramas. Die rolle van Don en Millie word gespeel deur die akteurs Barry (Cobus Rossouw) en Isabelle (Antoinette Kellerman). Dié twee se rakleeftydperk staan einde se kant toe. ‘n Mens word met heimwee en deernis vervul oor die bydrae wat soveel kreatiewes agtergelaat het, maar ook weerloos laat in hulle latere jare.

OOM WILLEM SE BANKIE deur Magdel Brand en Appel van Rensburg

Thu, 14 Oct 2021 18:00:00 +0000

Waarskuwing: Die volwasse tema en van die taalgebruik mag sensitiewe luisteraars aanstoot gee. Dokter Willem Oberholzer se lewensverhaal lees nie soos die deursnee mens s’n nie. Om die waarheid te sê, min mense het begrip vir die dilemma waarmee hy vir meer as drie dekades moes saamleef. Ná sy aftrede bevind dié vooraanstaande sielkundige hom eensklaps op die rand van die samelewing, want ook mense wat hy intiem geken het, het nie begrip daarvoor nie. Selfs sy enigste kind wil niks met hom te doen hê nie. En dan daag Alma op ’n dag op en vra of sy maar op sy bankie, wat uitkyk oor die pragtige blou water van die Indiese Oseaan, mag kom sit. Hy voel die angs in hom opstoot, want die afgelope agt jaar al lewe hy op straat. Hy kan nie meer normaal met mense kommunikeer nie. Nog minder vertrou hy hulle. Met Barry Tolmay, Magdel Brand, Barbara McArthur, Anelle Engelbrecht, Doné van den Bergh, Driekus Joubert, Chanelle Matthee en Helmi White. Behalwe Barbara McArthur, maak al die akteurs hulle debuut in RSG se Radioteater.

KLIPGEBEDE deur Schalk Schoombie

Thu, 07 Oct 2021 18:00:00 +0000

Waarskuwing: Geweld en kru taal. Marina en haar seun, Gerbrand, is slagoffers van gesinsgeweld. Marina vertel haar lewensverhaal aan haar vriendin Katryn, en herleef so die gebeure wat tot hulle huidige omstandighede gelei het. Die spelers is Elma Potgieter, Rika Sennett en Anton Schmidt.

BOERETROOS deur Erica Harris

Thu, 17 Jun 2021 18:00:00 +0000

Jongmanne, wat opsoek is na hulle identiteit en plek in die samelewing, se herhaalde kwaaijongstreke word al hoe meer gewaagd, en lei uiteindelik tot moord. 'n Talentvolle siniese joernalis stem teensinnig in om agter die kap van die byl te kom, en sy probeer help om die moordenaars aan die kaak te stel. Die spelers is Karen Wessels, André Stolz, Rina Nienaber, Johny Klein, Kaz McFadden en Denver Vraagom.

AS IS VERBRANDE HOUT deur Janine van der Linde

Thu, 10 Jun 2021 18:00:00 +0000

Hester se man se laaste versoek was dat sy as gestrooi moet word op sy geliefde plaas in die Noord-Kaap, waar hulle lank terug gewoon het. Die droogte het hulle gedwing om die plaas te verlaat, met hartseer gevolge. Hester word op die rit vergesel deur haar dogter, kleinseun en ‘n wyse Nama-vrou wat vroeër op die plaas gewerk het. Dit word ‘n reis vol verrassings. Die spelers is Susanne Beyers, Frieda van de Heever, Johann Nel, June van Merch en Wilhelm van der Walt.

DAAR'S IETS OMTRENT DAISY deur William Oosthuizen

Thu, 03 Jun 2021 18:00:00 +0000

Die inwoners van Aftreeoord Vredendal is terug, en hierdie keer met meer opwinding. Let wel… dis ‘n aftreeoord en níé ‘n ouetehuis nie, want daarvoor is hierdie klomp gans te jonk. Wel, dalk nie almal nie… In Doller as kop-af het Freek gedink dat ‘n opblaaspop net die ding is om dinge bietjie op te kikker. Hierdie keer sorg hy vir baie meer opwinding… ‘n kaalfoto… vir ‘n kalender… om geld in te samel. En asof dit nie genoeg is nie, kom krap Daisy ook dinge vir vriend Hardus om… Die spelers is Bettie Kemp, Louis van Niekerk, Ria Smith, Lochner de Kock, Rika Sennett, Rina Nienaber, Elzabé Zietsman en Tobie Cronjé.

SPOOKTREIN deur Albert Short

Thu, 27 May 2021 18:00:00 +0000

Een maal per jaar hou hy stil met dik rookwolke wat stoom... die spooktrein. Twee dolverliefde spookjagters besluit om die trein daardie aand op ’n syspoor op Bronkhortspruit in te wag... want hy kom net op daardie spesifieke aand. Dan hou die trein stil... die deur gaan oop... Wat hierna gebeur kon die twee verliefdes nie in hul wildste drome verwag nie... Cindy Swanepoel, Louis van Niekerk, Sulette Thompson en Casper Lourens kuier tussen die spoke.

DIE BEGRAFNIS deur Rudie van Rensburg

Thu, 20 May 2021 18:00:00 +0000

‘n Langdradige lykbesorger, ‘n Pretoriase paaldanseres en ‘n skottel sousboontjiebredie is maar ‘n paar van die dinge wat ‘n weduwee beproef met die ter aardebestelling van haar ontslape eggenoot... In die rolverdeling is Antoinette Kellerman, Zenobia Kloppers, Margit Meyer-Rodenbeck, Roeline Daneel, Petrus du Preez en Gerard Rudolf.

DIE LAASTE WOORD deur Lee Doubell

Thu, 13 May 2021 18:00:00 +0000

Die drama speel oor drie tydperke af. Kom verlustig jou in ‘n eeu se omswerwinge van Eugene Marais se geliefde en alombekende gedig, Winternag. Eers die oordadige vertolking in 1938, dan die realistiese, naturalistiese 2021, en uiteindelik die gefabriseerde rekenaarstemme in 2138. Drie akteurs, Rolanda Marais, Jacques Bessenger en Deon Lotz vertolk die rolle van 10 akteurs in drie tydvakke. Nie net word vaardighede uit die boonste rakke ten toongestel nie, maar word die spelers direk gekonfronteer oor hulle loopbane vandag. Is die menslike vlees besig om ook op kreatiewe wyse “oorgevat” te word deur IT, robotika en algoritmes wat algoritmes kan lees, verander en selfs oorskryf om emosies te simuleer? Een van die akteurs hou die sleutel tot ‘n moontlike uitkoms in die wedloop tussen Masjien en Vlees. Kom ervaar drie ateljees se klanke en werksaamhede in drie tydsgewrigte.

ROTS VAN VERSKRIKKING, saamgestel uit die werk van Eugène Marais

Thu, 06 May 2021 18:00:00 +0000

Die bekroonde regisseur Ilsé van Hemert se verhoogproduksie, Uit die bloute, het in die jare 90 landwyd opslae gemaak. Hierdie werk, saamgestel uit die skryfkuns van die digter en joernalis Eugène Marais het so diep in kunstefeesgangers se harte gekruip dat dit later herleef het met ’n heel nuwe rolverdeling. Luister nou na hierdie sonderlinge produksie met Anna-Mart van der Merwe, Gys de Villiers en André Odendaal. Hierdie radioverwerking bevat ook die musiek, toonsettings en verwerkings van Marimba! (Abraham en Lizanne Helberg). Twee kortverhale van Marais kry verbeeldingryk gestalte in hierdie musikale drama. “Die lied van die reën” vertel die storie van die soeke na water en in “Salas y Gomez” word ’n jong boer vir maande vasgekeer op ’n rotslys, en hy moet al sy kragte inspan om fisiek en emosioneel te oorleef. Die plaaswerf, die berge van Mamatola en die diepste emosies van die karakters word deur musiek en byklanke ingekleur. Naas Van der Merwe en De Villiers kan Jahn Beukes gehoor word, wat die slaginstrumente bespeel. Die geselskap het self die byklanke behartig, en Ansa du Toit het die musiek opgeneem.

MAKKIE ONTHOU deur Adelle van Wyk

Thu, 29 Apr 2021 18:00:00 +0000

Die drama is die wenner van die RSG/SANLAM Radiodrama-skryfkompetisie van 2020. Makkie Ghall word deur die polisie ondervra nadat ‘n lyk in haar werkgewer se swembad ontdek is. Vyftien jaar later maak ‘n vreemdeling onverwags sy verskyning, en kort daarna begin Makkie vreemd optree. Die waarheid kom mettertyd uit wanneer ‘n jong vriend en haar susterskind Makkie se storie begin ontrafel. Die spelers is June van Merch, Simoné Benjamin, Dann- Jacques Mouton, André Weideman en Marcel van Heerden.

STERREREËN deur Hendie Grobbelaar

Thu, 22 Apr 2021 18:00:00 +0000

Die drama het die tweede prys ingepalm in die RSG/SANLAM Radiodrama-skryfkompetisie van 2020. 'n Student se ma vra hom om haar huis op te pas terwyl sy oorsee is met vakansie. Dis 'n gulde geleentheid vir sy pêlle om die huis op horings te neem. Waarop hy egter nie gereken het nie is 'n beeldskone, eksentrieke meisie se bekoring met die misterie vir die buitenste ruim. Dit lei daartoe dat hy 'n klap van die heelal kry, en selfs met 'n pratende kat sit... of is dit alles die uitwerking van eksperimentele daggarokery?! Die akteurs is Luan Jacobs, Claudia Jones, Donovan Pietersen en Christo Compion.

MORGENSTER deur Philip Nolte

Thu, 15 Apr 2021 18:00:00 +0000

Dit is 2040 en Suid-Afrika is onherkenbaar. ‘n Dispotie. Die post-pandemie regering het ekonomieë verander en kontroleer die land met ‘n diktatorshand. Provinsies is geskrap. Mure is rondom metropole gebou om die rykes en die armes te skei. Aardverwarming het veroorsaak dat somer verdwyn het, en dat winter die wêreld deur die jaar omhels. In die armsalige uitstedige uitbreiding, Morgenster, is die inwoners desperaat en moedeloos in die gehawende omstandighede van hulle bestaan. So ook die middeljarige pessimis, Benjamin, wat elke aand op ‘n straatbankie voor ‘n kafee slaap. Een aand val daar ‘n jong engel, Azrael, met net ‘n wit onderbroek per ongeluk uit die hemel, en Benjamin help hom onwillekeurig om terug te keer hemel toe. Maar hierdie reis tussen twee vreemdelinge word onopsetlik Benjamin se redding van sy bestaan. Benjamin se verlede word sy hede, sy toekoms verander en sy menslikheid word bevraagteken. En hy mag nie van Lucy vergeet nie... Die akteurs in die rolverdeling is: Johann Nel, Gideon Lombard, Kay Smith, Jana Kruger en Antoinette Kellermann.

HULLE NOEM HOM MAMBA deur Adriaan Havenga

Thu, 08 Apr 2021 18:00:00 +0000

Wenner van die prys vir Beste Jong Skrywer in RSG en Sanlam se radiodrama-skryfkompetisie van 2020.
Elbie is ‘n kranige skrywer wat hoop om haar eerste boek te publiseer. Vanaand se afspraak met ‘n uitgewer kan haar en haar seun se lewe heeltemal verander. Alles moet reg verloop. Sy moet net gou winkel toe ry om bestanddele vir ‘n dis te koop – op die donker kronkellende paadjie tussen die dorp en haar kleinhoewe. Die tema van vrees en die verlammende effek daarvan op ons lewens word verken. Die spelers is Joanie Combrinck as Elbie, Wilhelm van der Walt as haar seun Lian, Andre Samuels as die Uitgewer, en Nadia Valvekens en Kay Smith in twee ander rolle.

DIE KLEED deur Joey van Niekerk

Fri, 02 Apr 2021 11:00:00 +0000

Die drama handel oor ‘n gesin se ervarings voor en gedurende die Joodse Pasga, en hulle persoonlike geloofstryd en -insig. In die sterbelaaide rolverdeling kan die stemme gehoor word van Anton Dekker, Ria Smit, Lochner de Kock, Paul Lückhoff, Johny Klein, Elma Potgieter en Pietie Beyers.

PAP EN KAVIAAR deur Isabel Martinson

Thu, 01 Apr 2021 18:00:00 +0000

Die drama is die wenner van die merieteprys in RSG en Sanlam se radiodrama-skryfkompetisie van 2020. Die Bennets, Koba en Loek, gaan ontmoet hulle aanstaande skoonmense in die stad, Leana en Marius Fitzwilliam. Stella, hulle dogter, is van plan om met Gerber Fitzwilliam te trou. Tydens die besoek spat die vonke, want Leana en Marius is nie een wat hulle voorgee om te wees nie. Die moedswillige Loek Bennet kom te staan voor die grootste selfverwyt van sy lewe… Die spelers is Elma Potgieter, Karen Wessels, Anton Schmidt, David Louw, Heidi Mollentze en Anton Dekker.

DOLLER AS KOPAF deur William Oosthuizen

Thu, 31 Dec 2020 18:00:00 +0000

Freek is verveeld in die tehuis waar hy woon, en besluit om vir hom ‘n “speelding” te bestel, al twyfel sy vriende Dawid en Hardus oor dié waagstuk. Dit maak veral vir die kuise Mara die josie in en sy en die ander vroue probeer hulle bes om die stukkie tegnologie te saboteer. Terwyl hulle reken Freek is besig om kêns te word, beraam hy ‘n plan wat Mara heeltemal onkant betrap. ‘n Vrolike, vermaaklike drama propvol kinkels. Die sterbelaaide rolverdeling in hierdie argiefdrama bestaan uit Louis van Niekerk, Tobie Cronjé, Paul Lückhoff, Rina Nienaber, Ria Smit, wyle Elize Cawood, Rika Sennett en Heidi Mollentze.

BRING VIR CARLI deur Janie Lighthelm

Thu, 24 Dec 2020 18:00:00 +0000

Tehan Kriel is ‘n geniale student wat oor die tou trap in sy eerste jaar op kampus. Tien jaar later lyk die lewe heeltemal anders vir hom. Hy is 'n doktor. Hy en sy vrou het drie kinders. Om die uitdagings van die lewe te hanteer, neem hy sy ontvlugting in die luister na musiek, maar sal dit genoeg wees om hom staande te hou? Die spelers is Melt Sieberhagen as dr. Sebastehan (Tehan) Kriel, Rolanda Marais as sy vrou Loura, asook Susanne Beyers, Deon Lotz en Karli Heine.

HALLELUJA AMEN deur Ilne Fourie

Thu, 17 Dec 2020 18:00:00 +0000

Dit is ‘n baie belangrike dag vir Broer Gawerjal Grootwoord. Die nuwe dominee op die dorp, ds. Hendrik Hermanus Haasbroek, word vandag verwelkom, en Broer Gawerjal het besluit om dit op ‘n gepaste wyse in te wy met lofgesang en hallelujas. Die kerkkoor het ‘n noodvergadering waar daar besluit gaan word wat hulle moet sing om die nuwe dominee te laat tuis voel. Daar is egter een probleem – die kerkkoor kan glad nie sing nie… Boonop is daar slegs drie lede, en sedert hulle ontstaan het geen nuwe lede kom aanmeld nie. Tussendeur ‘n toondoof-dowe orreliste, ’n alkoholiese alt, ‘n suurpruim sopraan en ‘n Skouspel-sokkie-boob-bokkie moet arme Broer Gawerjal bontstaan om die spul te beheer en te laat harmoniseer. Die rolverdeling is Broer Gawerjal Grootwoord - Ivan Abrahams, Koster Karel - Royston Stoffels, Hannah Hooglied - Celeste Matthews Wannenburgh, Bettie Bas - Annelize van der Ryst, Poppie Prinsloo - Esther von Waltsleben en Tannie Annie - Zenobia Kloppers.

DIE MASJIENTJIE deur Joe Kleinhans

Thu, 10 Dec 2020 18:00:00 +0000

Beatrice Nortje is ‘n werklose boekhouer en enkelouer van ‘n twintigjarige verstandelik gestremde seun, Damien. Haar posisie raak al hoe meer benard as dit duidelik word dat Damien ernstig siek is. Waar sal uitkoms vandaan kom? Van Pastoor Glen Jansen, kerkleier op Lasarusfontein? Of van oorlede Scott McFadden se raaiselagtige masjientjie? "Geloof en werke... wat beteken die een sonder die ander" is die vraag wat sy gedwing word om haarself te vra. Gerwen Weinheimer maak haar buiging voor die mikrofoon in die rol van Beatrice. So ook Jolene Martin as die empatieke Tammy Willemse. André Samuels gee stem aan nutsman Jimmy Truter. Glen Jansen, die pastoor met ‘n paar geraamtes in sy kas, word vertolk deur Chris van Niekerk, terwyl Robin Smith Beatrice se oorlede minnaar, Scott McFadden, speel. Zenobia Kloppers en Cantona James is Ma Frances en die verstandelik gestremde Damien Nortjé.

DIE KAPTEIN EN SY VROU en DIE SPOOK VAN TANT LETJIE deur I.D. du Plessis

Thu, 03 Dec 2020 18:00:00 +0000

Wanneer laas het jy ‘n goëlstorie gehoor? Die eerste mimidrama is ‘n Russiese periodestuk wat in 1852 in ‘n dorpie buite Moskou afspeel. Die Kaptein en sy vrou beeld ‘n plattelandse bestaan uit waar goëlery gebruik word om ‘n gesin uit hulle huis te verdryf. Eers word militêre mag gebruik om dit te bestry, en dan word wywater aangewend wanneer die Roomse Priester, Vader Victor, die vertrekke wil reinig. Die tweede minidrama verskuif die toneel na die Oos-Kaapse platteland in 1920. Die Spook van tant Letjie is ‘n perd van ‘n ander kleur. ‘n Jong onderwyser by ‘n plattelandse skool kry huisvesting op ‘n plaas in ‘n huis vol vreemde geluide. Magshebsug en beheer oor ander kom hier ter sprake. Skakel die ligte af en luister in die donker – jy sal nie spyt wees nie, net bang!

BOETIE ONTMOET 'N ALIEN deur Johann Smith

Thu, 26 Nov 2020 18:00:00 +0000

Stel jou voor: ‘n Doodgewone Suid-Afrikaanse plaas. Een van die gesinslede het pas teruggekeer uit die buiteland, en is redelik rebels. Die skoolseun in die gesin worstel met allerlei probleme wat nie eers die internet kan oplos nie. En dan is die ouers erg bekommerd oor hulle kinders se geestelike en emosionele welstand. Op ‘n dag is daar ‘n klop aan die deur. Daar staan ‘n vreemde, bleek man, en hy praat ‘n rare taal in ‘n vreemde elektroniese stem sonder dat sy mond beweeg! Het hy oplossings vir sekere aardse probleme? Hoe gaan hy dit aan die gesin oordra? Het hy goeie bedoelings, of is hy van iewers anders met verskuilde motiewe? Pietie Beyers is die alien, Luan Jacobs die seun met die emosionele probleme, Izél Bezuidenhout die meisie met die humeur, Christine Voorendyk die bekommerde ma en Anton Schmidt die verwarde pa. Hierdie radiodrama was ’n finalis in RSG en Sanlam se radiodramaskryfkompetisie van 2019.

LIEFDE IS 'N ROOS deur Tennessee Williams

Thu, 19 Nov 2020 18:00:00 +0000

Serafina Delle Rose is ‘n Italiaanse Amerikaner en ‘n passievolle, wispelturige, middeljarige vrou wat hard probeer om haar dogter volgens die Katolieke geloof groot te maak. Hulle woon in Mississippi, maar ná die afsterwe van haar man, besluit sy om haarself af te sonder. Sy verwag Dat haar dogter ook die luike dig moet sluit en nie enige verhoudings moet aanknoop nie. Maar dan ontlok ‘n man met ‘n tatoeëermerk ‘n rits herinneringe. Anna-Mart vertolk die rol van Serafina, met Frieda van den Heever as haar dogter in hierdie argiefdrama. Die ander spelers in die sterbelaaide rolverdeling sluit in Stian Bam, Marlo Minnaar, Brendon Daniels. Joanie Combrink, Deirdre Wolhuter, Ivan Abrahams, Martelize Kolver, Hannah Borthwick, Lulu Botha en Tinarie van Wyk Loots.

'N TWEEDE KANS deur Ronel Mostert

Thu, 12 Nov 2020 18:00:00 +0000

'n Liefdesverhaal wat aanklank sal vind by diegene wat in die liefde ontnugter is, maar wat dan, sonder dat hulle dit verwag, 'n tweede kans op geluk kry. Leah se grootste begeerte word werklikheid - sy is swanger. Haar vreugde is egter van korte duur wanneer die pa van haar kind en haar werkgewer saamspan om haar te ondermyn. Haar ma, Wilna, se steun is van onskatbare waarde. Die spelers is Karen Wessels, Rina Nienaber, Paul Lückhoff, David Louw, Eloise Cupido, Heidi Mollentze en Donovan Pietersen.

JOHANNA SE ELVIS deur Hendie Grobbelaar

Thu, 05 Nov 2020 18:00:00 +0000

Johanna Apolis is ‘n voorslag as dit kom by die uithaal van blinklywe. Dis haar ambisie om gereken te word onder die vistermanne deur die heel grootste vis van almal te vang. Sou dit haar beskore wees? En teen watter prys? Jy hoor Simoné Benjamin as Johanna. Dann-Jacques Mouton van Noem my Skollie-faam maak sy buiging voor die radiomikrofoon as haar sagmoedige man, Gert. Zenobia Kloppers speel Mattie. Denver Vraagom is Jan Baartman. En jy hoor die stem van Neels Coetzee as Oumeneer. Johanna se Elvis was 'n finalis in die RSG/Sanlam Radiodrama Skryfkompetisie van 2019.

NAG VAN DIE VER MUSIEK deur Engela van Rooyen-Linde

Thu, 29 Oct 2020 18:00:00 +0000

Andries Smith is emosioneel afgestomp teenoor sy gesin, bestaande uit sy vrou Alet, en hulle tweeling, Larry en Lara. Wat sou die rede daarvoor wees? Is dit omdat hy net sy ma, Gloria Smith, se woord kan neem vir wat met sy pa gebeur het, of het dit iets te doen met die beertjie-musiekboks wat hy sukkel om oop te kry. Weet Gloria meer as wat sy voorgee? Die spelers is Dawid Minnaar, Henrietta Gryffenberg, Luan Jacobs, Ansu Visser en Elzabé Zietsman.

HUISHOU deur Philip Rademeyer

Thu, 22 Oct 2020 18:00:00 +0000

Twee wit vroue in Kaapstad wil ‘n swart kind aanneem. Die ouer vrou, Dirkie, is ‘n lektor in sosiologie en dryf die aannemingsproses. Dirkie wil sorgvuldig, noukeurig ‘n huis opbou en vol maak, en dink ook hulle het ‘n politiese plig om by te dra tot die nuwe Suid-Afrika (“dis oor jou white guilt,” terg haar vrou). Die jonger vrou, Hester, is ‘n loskop wandelaar. Sy ontvang ‘n oproep wat haar dwing om na haar ouerhuis terug te keer. Die naweek op haar plattelandse tuisdorp dompel haar in ‘n identiteitskrisis, en sy begin wonder oor haar wortels en Afrikaner-erfenis. Soos beide vroue vasklou aan hulle beginsels en verbete baklei om deur die ander gehóór te word, word hulle verhouding en liefde op die spel geplaas. ‘n Drama oor verhoudings, die soeke na die “ek” in die “ons”, en mense wat verby mekaar praat. Nadia Valvekens vertolk die rol van Dirkie en Cintaine Schutte dié van Hester.

DIE PRYS deur Joey van Niekerk

Thu, 15 Oct 2020 18:00:00 +0000

Susan Pretorius, tuisteskepper en ywerige lid van die VLU, wen ’n koekbakkompetisie met ’n droomprys – een wat sy en veral haar man, Hermaans, nie verwag het nie. Toe ontdek hulle dat sy dit eintlik glad nie verdien nie. Hulle besef oneerlikheid is nie die moeite werd nie, al is die prys ook hoe aanloklik! Maar wat nou gemaak? Die spelers is Rika Sennett, Martin Jansen, Ronel Korb en Lochner de Kock.

MOF EN SY MENSE deur C.J. Langenhoven

Thu, 08 Oct 2020 18:00:00 +0000

Frikkie van Zyl en sy aangenome suster, Poppie, woon op 'n plaas in die Klein Karoo tydens die Spaanse griepepidemie van 1918. Frikkie tree op as versorger op buurplase, en met sy terugkeer bring hy 'n klein hondjie as geskenk vir die gestremde Poppie saam. Ten spyte van al die teenspoed wat oor hulle pad kom, vind hulle troos in mekaar en in die hondjie se teenwoordigheid. Die spelers is Wessel Pretorius, Karli Heine, Susanne Beyers, Carel Nel, Pierre Nelson, Charl van Heyningen en Dean Balie.

BLOEDMAAN deur Martyn le Roux

Thu, 01 Oct 2020 18:00:00 +0000

Bloedmaan is is die opvolg van die veelbekroonde BLOEDLYN (2015). Die storie neem ons na die hartjie van die Tankwa-Karoo. ŉ Groot skroef is los in die Sutherland-omgewing. Dit lyk of ŉ reeksmoordenaar daar bedrywig is. Een van die moorde volg egter nie die patroon nie, en lyk baie soos ŉ herhaling van die 'wolfmoorde' wat destyds in die Boland gepleeg is - ŉ onaangename herinnering wat die polisie en baie ander eerder sou wou vergeet of in ŉ bottel iewers in ŉ kroeg sou wou verdrink… Die rolle word vertolk deur Robbie Wessels, Neil Sandilands, Christine Voorendyk, Johny Klein, Francois Stemmet en Solomon Cupido.

‘N TRAGIESE KÊREL, TEEN WIL EN DANK deur Anton Tjechof

Thu, 01 Oct 2020 12:00:00 +0000

Anton Tjechof, Russiese dokter en dramaturg en kenner van die mens en sy pyne, ondersoek die pyne van armsalige huishouer en eggenoot, Iwan Iwvanowietsj. Hy is stuurgoed, nie slegs vir sy eie vrou en pantoffelregering nie, maar sommer die hele dorp se vrouens as hy 'n slag stad toe kom. Nico Luwes, wat die stuk verwerk het vir die radio, speel Iwan, terwyl die rol van sy stadsvriend, Alexey met die simpatieke oor, vertolk word deur Johann Nel. Hierdie RSG produksie is moontlik gemaak deur 'n borgskap van Nasionale Kunsteraad.

OU WYNTOON EN DIE WEERLOSE KREATUUR deur Anton Tjechof

Thu, 24 Sep 2020 12:00:00 +0000

Anton Tjechof, Russiese dokter en dramaturg en kenner van die mens en sy pyne, gee vir ons met Ou Wyntoon en die Weerlose Kreatuur 'n kykie in die geesteslandskap van 'n jiglyer. Kistoenof, die bankbestuurder, het hom die vorige aand vergryp aan te veel rooiwyn, en dra nou die gevolge van sy vergryping. Sy lyding word haas ondraaglik wanneer 'n 'weerlose' kliënt met onredelike eise haar opwagting by die bank maak. Die 'weerlose kreatuur' word deur Esther von Waltsleben gespeel. Pochatkin, die jong bankassistent met 'n versigtige houding, word vertolk deur Jan-Hendrik Opperman. En Johann Nel gee lewe aan Kistoenof, Ou Wyntoon. Cassi Lowers versorg die produksie tegnies. Hierdie RSG-produksie is moontlik gemaak deur 'n borgskap van die Nasionale Kunsteraad.

DIE AASVOËL deur Elton Louw

Sat, 29 Aug 2020 15:00:00 +0000

’n Man sit rustig en rugby kyk, wanneer ’n jong inbreker hom onkant betrap. Die twee mans wil mekaar aan die keel gryp, maar besef dat hulle baie meer in gemeen het as wat hulle ooit sou kon raai… Die storie gaan oor menslikheid en kyk na van die sosiale kwessies aan wat baie mense daagliks in die gesig staar, naamlik werkloosheid en armoede. Wat as die lewe jou so druk dat ‘n misdaad soos inbraak die enigste opsie is? Die storie verduidelik ook wat dalk kan gebeur as mens op die verkeerde tyd op die verkeerde plek bevind, of dalk die regte plek op die regte tyd? Die storie sorg vir ’n verrassende kinkel. Die spelers is Denver Vraagom en André Samuels.

BLOMME VIR DIE WINTER deur NP van Wyk Louw

Thu, 20 Aug 2020 10:50:00 +0000

Blomme vir die winter speel af in Parys, Frankryk, en is 'n verhaal oor onbeantwoorde liefde. 'n Man koop blomme vir 'n vrou wat hy eendag per toeval raakgeloop het, maar soos water, glip sy keer op keer deur sy vingers. Hoe bewys hy aan haar dat hy werklik vir haar omgee en vir haar lief is? Die spelers is Richard van der Westhuizen, Rina Nienaber, Bettie Kemp, Leona Rich en Francois Stemmet. Die regisseur is Robert Young. Young het in Julie 2020 sy tagtigste verjaardag gevier.

MIKE EN MAVIS deur Wessel Pretorius

Sat, 25 Jul 2020 08:56:00 +0000

Mavis Kellerman is 'n weduwee wat haarself afgesluit het van die wêreld. Sy e-pos slegs haar dogter en gaan nog kerk toe. Dan word sy na die opening van 'n nuwe bioskoop wat spesialiseer in klassieke rolprente, genooi. Die eienaar, Mike Lewis, is 'n eksentrieke oujongkêrel met 'n ewige romantiese siel. Mavis besef gou dat Mike daarop uit is om haar hart te steel en bevind haarself aan die ontvangkant van 'n vryery in haar herfsjare. Hierdie is 'n gewilde argiefdrama, wat in Afrikaans en Engels aangebied word. Die akteurspaar Elize Cawood en Wilson Dunster speel die hoofrolle.

KRAG deur Lee Doubell

Thu, 02 Jul 2020 08:23:00 +0000

Dit is 2020. Suid-Afrika is vir die derde keer in grendelstatus, en die landsburgers is siek en sat vir die virus en die rigiede regulasies. Hester is 'n noodlynoperateur wat sedert die begin van die derde inperkingstyd besonder hard werk. Tussendeur al die oproepe waaraan sy gewoond is, kom daar een laatmiddag 'n oproep deur van 'n bejaarde vrou wat 'n noodgeval beleef. Sy't probleme met haar krag, en Hester moet uiteindelik protokol laat vaar om die tannie te help... Die rolle word vertolk deur Karen Wessels, David Louw, Johny Klein, Elize Cawood, Mari Molefe van Heerden en Botha Enslin.

ELLA SE PERDE deur Charles J. Fourie

Thu, 25 Jun 2020 21:59:00 +0000

Die bekroonde toneelstuk is spesiaal vir die radio verwerk, en handel oor die “perdevrou van die Overberg”, Ella Gordon Dove Colston. 'n Legende van die Hemel-en- Aarde-vallei kry hier roerend nuwe lewe.

DIE BLIKSLIM deur Martyn le Roux

Thu, 18 Jun 2020 08:08:00 +0000

'n Savant wat rolprente, van die draaiboeke tot die vervaardigers en akteurs, soos die palm van sy hand ken, ontmoet 'n aanvallige nagraadse sielkundestudent tydens 'n rolprentvertoning. Aanvanklik is hy vir haar 'n interessante gevallestudie, maar kort voor lank ontwikkel daar 'n hegte vriendskap tussen hulle, wat haar lewe permanent sal verander. Savantsindroom is 'n toestand waarin iemand met 'n beduidende verstandelike gestremdheid sekere vermoëns ver bo gemiddeld toon. Een van die bekendste rolprente oor 'n savant is Rain Man met Dustin Hoffman in die hoofrol. Die rolle word vertolk deur Pietie Beyers, Cindy Swanepoel, Rina Nienaber, Mari Molefe van Heerden, Johny Klein en David Louw.

DIE LYK deur Karin du Toit

Thu, 11 Jun 2020 11:07:00 +0000

'n Aksiebelaaide donker komedie oor 'n graf, 'n kis en 'n lyk... Trudie word jare lank fisies en emosioneel deur haar man aangerand. Een aand, tydens 'n hewige argument, gebeur daar iets wat vir Trudie en haar volwasse seun, Francois, opsaal met 'n “massiewe probleem.” Die rolle word vertolk deur Elzabe Zietsman, Cobus Venter, Ria Smit, Eloïse Cupido, Hannes Müller, David Louw en Mari Molefe van Heerden. Karin Du Toit is 'n oogkundige van Vanderbijlpark, en hierdie is haar debuutradiodrama. DIE LYK is die algehele wenner van RSG en Sanlam se Radiodrama-skryfkompetisie 2019.

AS 'N KIND KOM KUIER deur Zelda Bezuidenhout

Thu, 04 Jun 2020 07:46:00 +0000

Die bejaarde Elna Smit-Smith is ernstig siek. Haar kinders is te besig om haar dikwels te besoek, en haar versorger, Vanessa, word 'n hegte vriendin. Hulle word een aand verras deur 'n onwelkome gas, en terwyl Vanessa haar bedenkinge het, begin Elna die jong man uitvra oor sy lewe. In weerwil van Vanessa se aanvanklike vooroordele, word hy 'n gereelde besoeker en 'n belangrike deel van Elna se lewe.

KOUE KAIINGS deur Lee Doubell

Thu, 28 May 2020 08:33:00 +0000

'n Spookstorie met 'n verskil… Vyf jong mans is in die laat jare 70 op pad na Upington om vir hulle nasionale diensplig aan te meld. Hulle is almal kleurvolle uiteenlopende karakters wat nie besef wat vir hulle voorlê nie. Die intrige is meesleurend, amper filmies, en dit is 'n verhaal gevul met humor en nostalgie.

DIE HUISBESOEK deur Wilmi Wheeler

Thu, 21 May 2020 06:57:00 +0000

Celia roep in die vroeë oggendure die hulp van hulle jong dominee op die dorp in. Sy het pas ontdek dat haar man, Paul, 'n verhouding het. Terwyl die dominee vir Celia probeer oorreed om nie haar man om die lewe te bring nie, dink sy terug aan gebeure uit hulle verlede.

MY MENSE deur Dot Serfontein

Thu, 14 May 2020 08:08:00 +0000

“Uit die keur van Serfontein se werke neem Antoinette Kellerman jou met deernis terug na die skrywer se kosbare beskrywings van haar ouers, haar soms eksentrieke Serfontein-familie en haar jare op die plaas as jong kind en later as joernalis, getroude vrou, versorgende moeder en ouerwordende dame. Lekker aardse koekemakranka-kosgoed vir die siel,” skryf die dramaturg Nico Luwes.

TEERLING 3: DIE WIEL DRAAI deur PG du Plessis

Thu, 07 May 2020 08:15:00 +0000

Een van die gevierde dramaturg PG du Plessis se ses kort Teerling-dramas wat voor 'n gehoor tydens die KKNK op Oudtshoorn opgeneem en uitgesaai is. Met Stian Bam en Tinarie van Wyk Loots.

WOLF-WOLF HOE LAAT IS DIT? deur Hennie Aucamp

Thu, 07 May 2020 08:15:00 +0000

Dit is reeds meer as vier dekades sedert Hennie Aucamp se absurde eenakter op 'n verhoog in Stellenbosch gedebuteer het. Die veelbekroonde radiodrama-regisseur Margot Luyt het die stuk vir die radio verwerk en 'n groep van Suid-Afrika se teater-veterane byeengebring vir 'n roerende opvoering oor die mens se stryd teen tyd. Met Louis van Niekerk, Wilna Snyman, Lida Botha, Trix Pienaar, Kitty Albertyn, June Seymour, Neels Coetzee, Marga van Rooy, Juanita Swanepoel & Deidre Wolhuter. Klavier: Albie van Schalkwyk. Wyle Kitty Albertyn sal onthou word vir haar rol as Hybie in die radioverhaal Die Du Plooys van Soetmelksvlei. Sy was 92 jaar oud tydens die opname van hierdie radiodrama. Luyt het die geskiedkundige opname van Wolf-wolf hoe laat is dit? as “Die dag van die legendes” beskryf.

VERGIFNIS deur Charles J. Fourie

Thu, 30 Apr 2020 08:47:00 +0000

Muriel, 'n ouerige vrou, kom woon op Touwsrivier. 'n Jong werker help haar in die tuin en steel haar beursie, omdat hy ook graag iets luuks en lekkers by die vulstasie wou gaan koop om te eet. Hy spandeer 'n nag in die tronk, en Muriel trek die saak van diefstal teen hom terug, mits... Wie is die eksentrieke vrou en hoekom het sy op Touwsrivier kom aftree? Muriel lei 'n protesoptog van Touwsrivier na die Parlement in Kaapstad. Die jong man wat haar in haar huis beroof het, het ingestem om haar in die rolstoel na Kaapstad te stoot waar sy die toenemende misdaad en gebrek aan werksgeleenthede vir jongmense onder die regering se aandag wil bring. Tydens hulle reis sluit al hoe meer mense by hulle aan en word dit 'n kleurvolle optog vir verandering.

GENADE deur Marita van der Vyver

Thu, 23 Apr 2020 08:02:00 +0000

Kas Stuurman is 'n afgetrede koerantman en lief vir woordspeletjies, wyn, blokkiesraaisels en sy vrou. Door Stuurman is 'n afgetrede Afrikaans-onderwyseres en lief vir lees, reis, dans en haar man. Hulle seun, Vic, woon in Kalifornië en is ver van sy geliefde ouers wanneer hulle lewens stadig maar seker begin verbrokkel weens Door se stadige agteruitgang. June van Merch kan as Door Stuurman gehoor word met Charlton George as Kas. Marvin-Lee Beukes vertolk die rol van Vic. Genade is met die tweede prys bekroon in RSG en Sanlam se radiodrama-skryfkompetisie vir 2015.

SJARRAP EN EET JOU KOS! deur Ilné Fourie

Thu, 16 Apr 2020 07:54:00 +0000

Betree die gedagtewêreld van die kelner om vanuit daardie uiters intieme kennismaking, die (on-)heilige, nooit gehoorde dinge (met apologie aan N.P. van Wyk Louw) hóór wat kelners moontlik hulle klante hardop sou wou toesnou. Vrae soos: Wat het julle wat lekker is? Of: Waar kan ons sit waar dit nie so warm is nie? Of: Wat is in julle lemon meringue? Die vrae is genoeg om enige moeë kelner teen die mure uit te dryf!

DIE LEË GRAF deur Helena Hugo

Fri, 10 Apr 2020 08:49:00 +0000

In die Paastyd herleef ons opnuut die kruisdood van Jesus, maar ook sy opstanding. Vir Nikodemus gaan dit gepaard met 'n geloofstryd. Kan hy sy posisie in die Sanhedrin prysgee om Jesus openlik te bely, of skuil hy vir die res van sy lewe onder die dekmantel van die nag? Die spelers is Richard van der Westhuizen, Lochner de Kock, Francois Stemmet, Ria Smit, Pietie Beyers en Charlie Bougeunon. Helena Hugo het die regie behartig.

DIE GOUE KRING deur Uys Krige

Thu, 09 Apr 2020 07:33:00 +0000

Hierdie argiefdrama is 'n liriese en poëtiese drama oor die geliefdes Ferdinand en Isabella wat graag wil trou, maar dan daag 'n aantreklike jong man op. Hy is op soek na Moeder Mart, maar weier om te sê hoekom. Die aktrise Hannah Botha vertolk die rol van Violetta. Botha was onder andere bekend om haar rolle in die TV-reekse Nommer Asseblief, Agter elke man en Egoli. Die Goue Kring handel oor die kringloop van die lewe en dood en is geskoei op 'n legende uit die Portugese literatuur. Die temas sluit in die mens se hoogmoed en luiheid; en hoe die lewe geen sin het sonder die dood nie. Die ander spelers sluit in Douwlina Grobler, Andre Stolz. Matthys du Toit en Frans Kalp. Die verhoogstuk is vir die radio verwerk deur Hermien Dommisse. Die regisseur was Evert Snyman. Uys Krige sou in Februarie 2020 sy 110de verjaardag gevier het. Hy is met die Hertzogprys bekroon vir sy dramas.

MIKE EN MAVIS deur Wessel Pretorius

Thu, 26 Mar 2020 10:20:00 +0000

FAAN SE TREIN deur Pieter Fourie

Wed, 25 Dec 2019 22:06:00 +0000

Faan woon saam met sy pa en hulle huishoudster, Truia, in 'n klein Karoodorpie waar hy heeltemal begogel word deur treine. Faan word erg deur die skoolseuns gespot en soms raak hy self die spoor effe byster. Sy pa en die dominee dreig hom. As hy hom nie gedra nie, sal hy weggestuur word… Dis 'n aangrypende drama wat aan die rolprent, Forrest Gump, herinner.

DIE KRISMISBOKKIE deur Audrey Blignaut

Tue, 24 Dec 2019 22:17:00 +0000

Die verhaal speel af in Bredasdorp gedurende die vyftigerjare. Christopher is 'n hipersensitiewe natuurkind wat moeilik aanpas op die dorp. Hy dreig telkens om weg te loop plaas toe, tot sy pa eendag by die huis aankom met 'n geskenk vir hom – 'n klein blou duikertjie, wat Christopher se lewe handomkeer verander, tot groot verligting van die res van die gesin. Maar die lewe gee en die lewe neem.... En Kersfees draai heel anders uit as wat enigeen kon voorspel het.

DIE ENGELTJIE WAT AGTERBEBLY HET deur Piet Cillié

Tue, 24 Dec 2019 22:17:00 +0000

Trinkie en Sussie hou saam met hulle ouers somervakansie by Willie se Baai. Op die vooraand van Kersfees neul hulle oudergewoonte vir 'n Kersverhaal, want Pappie se stories is, anders as die wat mens in boeke kry, altyd amper die waarheid... Gou sit hulle vasgenael deur die storie van die engeltjie wat aarde toe gekom het om saam met die engelekoor te sing by die geboorte van die Jesuskind, en toe, ewe stout, agtergebly het, om vir twee duisend en 'n bietjie jare die aardbol te omswerf!

MAN OP DIE MAAN deur Helena Mellet

Thu, 19 Dec 2019 07:57:00 +0000

Op 'n plaas op die Kaapse platteland boer Charl en sy dogter Carli met 'n klomp beeste. Die ander dogter, Bella, is die eienaar van 'n galery op Stellenbosch. Sy kom kuier vir 'n naweek op die familieplaas. Mina, die plaashuis se huishoudster, en Bella deel 'n geheim oor die “man op die maan” – een wat hulle met niemand deel nie, tot iets gebeur wat almal tot in hulle fondamente skok. Intussen het Carli 'n ogie op die nuwe veearts op die dorp, en gaan kuier dalk te gereeld om “raad te kry” vir haar beestetrop. Hennie se ma dink Charl is 'n goeie vangs, maar sal hy die beleefdheid beantwoord? Waar is Carli en Bella se ma? En wie is die man op die maan?

KULKIEKIES deur Deon Johnston

Thu, 12 Dec 2019 08:36:00 +0000

Hannes is glad nie beïndruk met sy ma se alewige foto's van hom op haar Facebookbladsy nie. Om die waarheid te sê, hy pes dit! Een aand is daar huismoles by die bure, en Hannes verfilm die hele petalje met sy selfoon en plaas dit op sy eie sosiale media. Waar trek mens die streep met foto's en video's van jou kinders (en jou bure) op sosiale media? Wanneer word menseregte aangetas, of jou reg op privaatheid? Dikwels kan onskuldige handelinge lei tot groot tragedies.

DIE TJELLO deur Michiel Potgieter

Thu, 05 Dec 2019 09:50:00 +0000

'n Begaafde tjellis verbreek sy kontrak met die Sinfónica de Galicia in Spanje, vlug na sy ouers se plaas en kruip in sy kamer weg. Niks of niemand kan hom uit sy depressie lig nie, maar toe ontdek hy 'n antieke tjello op die solder van sy oupa se huis en vind sy ander helfte.

KORPORAAL LEMMER EN DIE ROWERS deur Bun en Heléne Booyens

Thu, 28 Nov 2019 09:44:00 +0000

Jy ontvang jou oproepinstruksies om as voyeur saam met die rowers in te val wat aanmeld in die weermagkaserne. 'n Briljante teks deur die pa en dogter Booyenskombinasie wat jou met deernis, nostalgie en soms afgryse sal vervul. Die sluier op lewe in die sewentiger- en tagtigerjare van nasionale dienspligtiges word gelig op 'n manier wat weergaloos is. Elke karakter wat geskep is vir hierdie verbeelde wereld word voortreflik uitgevoer deur 'n stewige span akteurs soos Gerard Rudolf, Anrich Herbst, Leon Kruger, De Klerk Oelofse, Wessel Pretorius, Andre Terblanche, Conradie van Heerden en Jacques Bessinger. Regisseur Johan Rademan neem die vierde muur as't ware weg met sy styl van regie, en maak jou deel as voyeur in die intieme omgewing van die jong weermagrekrute.

DOLLER AS KOPAF deur William Oosthuizen

Thu, 21 Nov 2019 12:16:00 +0000

Freek is verveeld in die tehuis waar hy woon, en besluit om vir hom 'n “speelding” te bestel, al twyfel sy vriende Dawid en Hardus oor die waagstuk. Dit maak veral vir die kuise Mara die josie in, en sy en die ander vroue probeer hulle bes om die stukkie tegnologie te saboteer. Terwyl hulle reken Freek is besig om kêns te word, beraam hy 'n plan wat Mara heeltemal onkant betrap. 'n Vrolike, vermaaklike drama propvol kinkels.

KOELKOP deur Leon van Nierop

Thu, 14 Nov 2019 08:20:00 +0000

'n Gesin word gedwing om vir 'n naweek in 'n afgeleë plaashuis deur te bring. Daar is geen internet- of selfoonontvangs nie. En die sosiale-media-verslaafde seun, Chase, kry onttrekkingsimptome en begin ineenstort. Dit gebeur kort nadat sy beste vriend selfdood gepleeg het nadat hy te lank aan die internet verslaaf was en skielik daarsonder moes leef. Nou moet 'n gesin 'n naweek oorleef, waarin hulle liefde vir mekaar tot die uiterste getoets sal word met 'n seun wat paniekaanvalle begin kry. Hulle leer van voor af hoe sterk 'n gesin se liefde vir mekaar moet wees om hierdie eietydse uitdaging te oorleef. Met Hans Strydom, Janine Opperman en Christopher van der Westhuizen.

GROOTPAD NA KLEINKOP deur Lee Doubell

Thu, 07 Nov 2019 08:41:00 +0000

Grootpad na Kleinkop is 'n intieme dog onthutsende radiodrama oor 'n getroude paar, Gawie en Susan, wat 'n plaasaanval beleef. Die bejaarde paar word oorrompel en in die kattebak van hulle motor geboender. In hierdie beknopte ruimte na wie-weet-waar word hulle met hulle eie verhoudings en sterflikheid gekonfronteer. Al is dit 'n traumatiese belewenis, bied Doubell se verhaal ook helende salf. Beleef saam met hulle hierdie senutergende ervaring, asook die vrees, magteloosheid en geloof en hoop in 'n situasie wat net te dikwels in Suid-Afrika ervaar word. Dit is nie geskik vir sensitiewe luisteraars nie.

STILLE WATERS deur Anton Treurnich

Thu, 31 Oct 2019 07:37:00 +0000

Anna van Rooy sterf op 'n klein dorpie in die Karoo. Dit dompel nie juis die mense van die dorpie in rou nie. Sy was immers nie 'n gewilde inwoner nie, en het skynbaar oral waar sy gaan vyande gemaak. Dis wanneer die bewyse daarop dui dat sy nie dood is aan natuurlike oorsake nie, dat die inwoners van die dorpie in rep en roer is. Almal word skielik verdagtes, want elkeen het 'n verskuilde rede gehad om Anna te wou wegmaak. Frederick, die dominee, het geen geheim gemaak daarvan dat Anna hom grensloos irriteer nie. So ook nie Sune, die eienaar van die handelshuis nie. Rowena, die politieke raadslid, en Anna het ook nie om dieselfde vuur gesit nie, en Arend Onderstroom, die enigste nuwe inkommer, se motiewe kom ewe verdag voor. Niemand se verweer en verskonings hou water nie, behalwe die van sersant Ronnie Malan, wat nie verdink word van enige vuil spel nie, en dan ook as selfaangestelde speurder aan die stuur van die ondersoek staan. Dinge is nie altyd soos wat dit lyk nie...

DIE BLIKSLIM deur Martyn le Roux

Thu, 24 Oct 2019 08:17:00 +0000

DROSTERS deur Herschelle Benjamin

Thu, 17 Oct 2019 08:31:00 +0000

Michelle is alweer besig om te dros, of in haar eie woorde: “ek staak skool...” Haar maats Ruben, Sammy-Jo, Nicolaas en Pietie word egter vir die eerste keer, en uit die bloute na haar huis genooi vir 'n partytjie. Hier ontdek hulle 'n heel ander Michelle en 'n “geheim” wat 'n reuse-impak op hulle lewe het. Die spelers is Greteli Fincham as Michelle, Graeme Watson as Ruben, Adri Waterboer as Sammy-Jo, Angelo Bergh as Nicolaas en Francois van der Merwe as Pietie. Die stuk is 'n opdragwerk deur Herschelle Benjamin, bekend om die bekroonde verhoogstuk In Slavenhuis 39. Die drama is in samewerking met die ATKV en die Nasionale Toneelspelkompetisie geskep.

DIE PRYS VAN GLO-STOF deur Retief Scholtz

Thu, 17 Oct 2019 08:11:00 +0000

Hierdie darma bied aan hoërskoolleerders die unieke geleentheid om hulle talente voor die mikrofoon te wys. RSG, ATKV en die Nasionale Toneelspelkompetisie bied met trots 'n tienerstorie aan waarin individualisme, koppigheid, voortvarendheid en dryfkrag lei tot 'n baldadige avontuur. Vier deelnemers aan die Toneelspelkompetisie speel die rolle van drie uiteenlopende kinders en 'n elf wat in 'n bos verdwaal, en dan desperaat na 'n slaapplek soek met die hulp van 'n kaart. Maar hoe gemaak as die spulletjie nie kan ophou met argumenteer nie? Meningsverskille en selfbeeldprobleme staan vierkantig in die pad om hulle doel te bereik. So beland hulle al bakleiende in die vreemde woonplek van 'n ou man met spesiale kragte, so wys soos die geelhoutbome van die Knysna Bos. Met die hulp van atmosferiese byklanke, en die samewerking van die bekende akteur Tobie Cronje, word nuwe jong talent opgelei in die fynere kunsies van radiodrama. Minke Marais is Lila, 'n beterweterige beheervraat wat dink sy is in beheer van die groepie. Sy kry stewige teenkanting van Tim, gespeel deur Matian Barnard, 'n rugbyspeler met 'n vrees vir spinnekoppe. Saam met hulle is CJ (Brandon Eloff), 'n perfeksionis wat altyd by die feite hou, maar wat nie noodwendig rigting kan hou nie. En dan is daar Timmy, gespeel deur Julian Robinson. Hy is 'n vlieënde elf wat die kinders omklits met sy lewensenergie. DIE PRYS VAN GLO-STOF sal jou nie net laat skater van die lag nie, maar ook in wonderwerke laat glo. Die stuk is spesiaal deur Retief Scholtz vir hierdie leerders geskryf.

OP DIE PAD NA ACAPULCO deur Chris Barnard

Thu, 10 Oct 2019 06:00:00 +0000

Simon en sy vrou, Mia, swerf deur 'n oorloggeteisterde land op pad na Acapulco, 'n simbool van die paradys of utopie. Die paradys bly onbereikbaar en hulle bly uitgelewer aan die geweld, maar die hoop hou hulle tog aan die gang. Die tragiese radiodrama word 'n skrikwekkende voorstelling van hoe magteloos mens teen oorlog en geweld is, waar die vlug weg daarvan nie help nie, maar teengeweld ook nie. Op die pad na Acapulco word in 1974 ingeskryf vir die hoog aangeskrewe internasionale Italia-prys, en is ook in Engels, Frans en Serwies vertaal.

DIE VROU OP DIE SKUIT deur Elise Muller

Thu, 03 Oct 2019 08:30:00 +0000

'n Gesin neem hulle jong onskuldige huishulp, Bessie, saam met vakansie na Duinebaai. Sy sien vir die eerste keer die see, ry vir die eerste keer op 'n boot en ontmoet 'n jong boer en visserman, wat haar lewe onherroeplik verander. Die gesin keer na agt jaar weer terug na Duinebaai, en spoor vir Bessie weer op. Tot hulle verbasing moet hulle hoor dat haar lewe, noodgedwonge, 'n heel ander wending moes neem.

BESOEK VAN DIE GRENSBREKER deur Manie Groenewald

Thu, 27 Jun 2019 10:26:00 +0000

Die radiodrama is 'n verhaal oor drie susters, hulle onsekerhede en hulle diepste geheime. Die rolle word vertolk deur Elma Potgieter, Karen Wessels en Heidi Mollentze. Na hulle ma se dood kry 'n besoek van 'n man wat nie is wat hy voorgee nie. Dit verander hulle lewens ingrypend, en stel hulle in staat om hulle drome te verwesenlik.

GERT GARRIES - ‘N BAAISIEKEL BLUES deur Pieter Fourie

Thu, 20 Jun 2019 08:26:00 +0000

Gert Garries wat in opdrag van RSG Drama deur Eben Cruywagen van verhoogteks na ‘n radioteater getransponeer is, bring amper ‘n derde dimensie na vore uit die oorspronklike Leroux-stof wat herbewerk is deur Fourie en dan nog ‘n bietjie genre-bemesting gegee word deur Cruywagen via sy aanpassing vir die radiomedium, sodat ‘n vrugbare uitvloeisel tot wasdom kom as radioteater. Die verteller/regisseur, vertolk deur Chris van Niekerk, lei juis die drama in met die volgende dialoog: “Ek is die regisseur van die gebeure wat oor die volgende uur of wat gaan ontvou. ‘n Baldadige reaksie , kan jy maar sê, op Magersfontein, o Magersfontein! deur die gevierde Afrikaanse skrywer, Ettienne Leroux. En heel gepas…lig ek u in, want nie almal kan die lewe so fyn waarneem soos ek nie…sit ek baie gemaklik en ietwat uit die oog sodat ek nie my karakters in my verhaal intimideer nie, in ‘n opvouseilstoel soos die wat tradisioneel op ‘n filmstel tot beskikking van die regisseur is.”

AFKOELING deur Martyn le Roux

Thu, 13 Jun 2019 08:52:00 +0000

Die Vermaak-gesin is in 'n doodloopstraat. En dit is steeds snikheet in die Kaap. Amanda is in matriek, sy verwag 'n baba en is geskors. 'n Dwelmbaas is op die gesin se spoor en soek die boks met sy “ware”. Arme Danie se studies is opgeskort en hy sit sonder werk. En boonop het ma Linda en ouma hul laaste bietjie geld uitgedobbel. Om alles te kroon, het pa Fanus toe nie die bure se kefferbrak Elvis geskiet nie. Maar wat het van Fanus geword? En wat was daardie skoot wat in die waenhuis geklap het?

ERFPORSIE deur Ronel Mostert

Thu, 06 Jun 2019 05:47:00 +0000

Lilian is 'n bobaas-sjef wat oorreed word om haar suksesvolle bistro te verruil vir 'n posisie by 'n gastehuis op 'n spoggerige wynplaas. Gou blyk dit 'n positiewe verandering te wees, as sy nuwe hoogtes bereik met haar verruklike geregte... Maar is alles so idillies as wat dit voorkom?

KAREL SE OUPA deur Retief Scholtz

Thu, 30 May 2019 08:21:00 +0000

Negejarige Karel du Toit kan met sy oupa oor enige iets gesels. Oupa Karel beantwoord rustig sy kleinseun se vrae, behalwe een vraag wat hy nie weet hoe om te antwoord nie. Met gesprekke wat nie meer vermy kan word nie, en die realiteit wat ongenooid aan die voordeur klop, raak die aand vir almal betrokke een wat hulle nooit sal vergeet nie. Karel se oupa is ʼn stuk wat met deernis delf in die lewe van ʼn gesin. Dit steun op die gedagte dat ouers nie veronderstel is om hulle kinders te begrawe nie, en dat spyt dikwels te laat kom. Gebaseer op die idee, konsep en inspirasie van Kosie Smit.

OUMA OP HAAR BESEM deur Annika Swanepoel

Thu, 23 May 2019 12:40:00 +0000

Die liefde tussen twee jongmense kom te staan voor 'n toets van ouerdruk en vorige verhoudings. Wanneer Marinda, 'n duikinstrukteur, en Jay-Z, 'n sakeman wat eintlik wil skilder, se liefde in gedrang kom, deel Marinda se Ouma 'n belangrike les met Jay-Z se beherende ma. Sal dit genoeg wees om hulle liefde te red, en sal Jay-Z mans genoeg wees om te veg vir die een waarvoor hy lief is?

KLIPPE WAT VAL deur Philip Rademeyer

Thu, 16 May 2019 18:00:00 +0000

Abrie en Kannetjie het saam grootgeword op ‘n afgeleë plaas. Kannetjie se geestesgetremdheid en die feit dat Abrie die seun van plaaswerkers was, het nie gepla nie. Hulle was boesemvriende. Toe gebeur daar dinge, en Abrie is weg stad toe. Jare later, toe Kannetjie se ma op sterwe lê en niemand anders na hom kan omsien nie, keer Abrie terug plaas toe. Tydens die dinamika wat volg word universele menslike gedrag in hierdie aangrypende verhaal uitgebeeld.

WILHELM TELL deur Friedrich Schiller

Thu, 09 May 2019 12:12:00 +0000

Goewerneur Gessler se perderuiters jaag 'n boer tot in die meer, maar die Switserse baasskut Wilhelm Tell probeer die man red. Dit lei tot 'n onderonsie tussen hom en die goewerneur. Die boere, jagters en vissers is eenvoudige, godvresende mense wat glo dat elkeen sy menseregte uit die Hand van die Skepper ontvang. Geen keiser of koning kan hulle hul vryheid skenk nie. Tell word deur die goewerneur uitgedaag en gevra om 'n appel van sy seun se kop af te skiet. As Tell nie daarin slaag nie, sal sy eie kop moet rol...

ANDERS GEVEER deur Sophia van Taak

Thu, 02 May 2019 11:30:00 +0000

'n Tienerseun met met Aspergersindroom begin 'n ongewone vriendskap met 'n moeilike ou man op 'n klein plattelandse dorpie waarheen hy en sy enkelma verhuis. Nadat hulle vir die hoeveelste keer van vooraf moet probeer om in te pas en 'n bestaan te maak, voel hulle algaande meer tuis en leer die seun alles oor vlugduiwe by die ou man. Die vriendskap neem egter 'n tragiese wending.

DIE SELLE deur Herman Cronjé

Thu, 18 Apr 2019 09:25:00 +0000

'n Welgestelde, spoggerige vrou kom te hore van 'n rewolusionêre prosedure waarvolgens die kloning van 'n mens vervolmaak is deur varke te transmuteer om uiteindelik die voorkoms en persoonlikheid van 'n gasheer-mens aan te neem. Sy is ongelukkig getroud met 'n bombastiese narsis, en besluit om die nuwe prosedure (sonder haar man se medewete) op die proef te stel...

ONTRUIM deur Esta Steyn

Thu, 11 Apr 2019 09:05:00 +0000

Manus en Willemien is sewentig, en moet hulle groot huis opgee en afskaal. Om weg te gooi en op te pak nadat hulle hulle lewe lank versamel het, is nie maklik nie. Hulle het soveel goeie herinneringe, maar in die proses ontdek hulle ook 'n paar lelike geraamtes, en vlam ou verwyte weer op.

LIEWE PYNAPPEL deur Anna Greenfield

Thu, 04 Apr 2019 06:40:00 +0000

Elsa is hoogswanger, en haar ginekoloog het voorgestel sy begin skryf vir "Pynappel" (Elsa se naam vir haar baba omdat sy nie die geslag wil weet voor die tyd nie) om haar gewaarwordinge en gevoelens in hierdie tyd met haar te deel. Die idee is om dan die briewe as e-posse te stuur na 'n rekening toe, en om eendag, as haar kind 18 is, vir hom of haar die wagwoord te gee sodat hy of sy die briewe kan lees. Elsa is amper 30 en enkellopend nadat die pa van haar kind die pad gevat het toe hy hoor sy is swanger. Dan is daar ook nog die vreemdeling wat oor haar pad kom en heeltyd in haar pad bly...

MIKE EN MAVIS deur Wessel Pretorius

Thu, 27 Dec 2018 18:00:00 +0000

Mavis Kellerman, ŉ weduwee wat haarself afgesluit het van die wêreld, behalwe vir haar e-posse met haar dogter, en haar weeklikse kerkdiens, ontvang 'n uitnodiging vir die opening van 'n nuwe bioskoop wat spesialiseer in klassieke rolprente. Die eienaar, Mike Lewis, is 'n eksentrieke jongkêrel met ŉ ewige romantiese siel. Mavis besef gou dat Mike daarop uit is om haar hart te wen, en bevind haarself aan die ontvangkant van ŉ vryery in haar herfsjare, wat afspeel oor ŉ reeks romantiese afsprake. Wat sy egter nie weet nie, is dat sy en Mike 'n geskiedenis deel wat lank voor die uitnodiging al begin het. ŉ Romantiese en ouwêreldse komedie wat die hartsnare sal roer.

ELKE POT deur Perdita van Dijk du Bois

Thu, 20 Dec 2018 06:11:00 +0000

Martie, 'n kunssinnige en verfynde vrou in haar vyftigs, is verbaas en effe onthuts dat haar jonger laatlam-suster vir haar probeer man soek. Wanneer sy uitvind dat haar sus kanker het, verander dit die prentjie. Tydens die dinamika wat volg, word universele menslike gedrag uitgebeeld in 'n teer verhaal van liefde en menslikheid in die aangesig van die dood.

GEBLIK deur Esther von Waltsleben

Thu, 13 Dec 2018 08:22:00 +0000

Die grootbaas van De-Lish besluit om sy franchise se sakebelange te beskerm, en stuur sy seun en jong ambisieuese werksvriend na Blikfontein om op die De-Lishrestaurant daar te spioeneer. Slim vang sy baas wanneer die twee jong jukkerige mannetjies met hulle eie agendas hulle vasloop teen die restauranteienaar en sy oorlede vrou se twee dogters. Die twee jaag die hormone behoorlik op, en Abel se tweede vrou laat ook nie op haar wag om dalk in die guns van die jong mans te beland nie.

ROAD TRIP deur Corné Joubert

Thu, 06 Dec 2018 08:51:00 +0000

Twee vroue wat ry agter vryheid aan. Een pad wat lelik skeefloop.Jana en Stephanie, stadsmeisies en beste vriendinne, vat die pad die Karoolandskap in om hulle koppe skoon te kry en nuwe avonture te beleef. Die avontuur wat hulle inwag, is nie heeltemal die soort wat hulle in gedagte gehad het nie. Daar skuil meer om die volgende draai as net rustige plase met hubare boere.

LIGTER AS DIE WIND deur André Kotzé

Thu, 29 Nov 2018 06:41:00 +0000

Dirk Ligter was 'n berugte skaapsteler uit die Hantam se wyk. Hy het van plaas tot plaas beweeg, soms fluks gewerk, al wat vroumens is, beïndruk, dikwels skaap gesteel, geslag en gebraai, maar nooit sommer homself laat vang deur die polisie nie… ten minste nie as hulle hom te perd probeer jaag het nie. Daarvoor het hy te vinnig gehardloop. Maar soms, net as hy wou, het hy hom laat vang, en self aangemeld vir sy straf vir die jongste skaapstelery. Mettertyd het skaapsteler skaapwagter geword, filosoof, spekskieter en vrye bandiet. Boerneef het vir Dirk leer ken, en sy jakkalsstreke en ramkieversies opgeteken.

DIE JUDASBOK deur Dalene Matthee

Thu, 22 Nov 2018 06:30:00 +0000

ŉ Jong bruin man raak in die jare tagtig verlief op 'n wit onderwyseres. Weens apartheidswetgewing is hulle verhouding nie net gedoem nie, dit is onwettig en strafbaar. Die paartjie beplan om hulle in Londen te gaan vestig, maar eers wil die jongman sy ma, 'n kombuishulp op 'n plaas in die Klein-Karoo, gaan groet. Sy besoek het verreikende en onvoorsiene gevolge vir al die betrokkenes...

NOG NET TWEE WEKE deur Helena Hugo

Thu, 15 Nov 2018 11:23:00 +0000

Esta is sewentien, en haar ouers se enigste kind. Sy is mooi, slim en talentvol. Haar toekoms blink, maar dan tuimel haar drome inmekaar. Moet sy haar ouers in haar vertroue neem of nie? Die uitkoms verg byna bo-menslike dapperheid en die grootste opoffering denkbaar.

DIE VOËLHOK deur William Oosthuizen

Thu, 08 Nov 2018 08:41:00 +0000

'n Polisie ondersoekspan probeer die oorsaak van die dood van 'n bejaarde vrou bepaal, wie se lyk in 'n voëlhok in die agterplaas van haar huis gevind is. Wanneer wyle Edith Visagie se seun, Niel, uit Kanada aankom vir sy ma se begrafnis, blyk dit gou dat sy pa, Bertus Visagie, nie regtig jammer is sy vrou het hom ontval nie. Het hy haar hulpkrete daardie koue nag geïgnoreer, of was daar dalk iets meer sinister wat haar dood veroorsaak het?

DIE FIETSTOER deur Joa Bekker

Thu, 01 Nov 2018 06:21:00 +0000

Wat het hulle besiel? Oom Jannes op 64 (Dirk Stoltz) en die bloedjong Chilli op 22 (Christopher van der Westhuizen) besluit om per fiets saam deur die Karoo oor Prins Albert na George te ry. Hulle gee hulleself net tien dae tyd om die rit te voltooi. Elkeen het sy eie motief oor waarom hy op die toer gaan. Kort voor lank blyk dit dat nie elkeen is wie hulle voorgee om te wees nie, en aan die einde van die toer wag daar 'n reuse verrassing op hulle...

SOEK deur Madeleine Volschenk

Thu, 25 Oct 2018 11:31:00 +0000

Letsie verdwyn spoorloos uit 'n gastehuis op die Kaapse platteland. Wat het met haar gebeur? Die ander gaste leer mekaar en die eienaars beter ken terwyl hulle bespiegel oor haar en die land se veiligheid. Wanneer Hester Ruiters by 'n plattendse gastehuis kom kuier om te skryf aan haar eerste boek, verdwyn een van die ander gaste en kry sy baie idees vir haar nuwe boek. Is Letsie in gevaar? Het sy dalk iemand spesiaals ontmoet? Of is dit net nog 'n misdaadstatistiek vir Suid-Afrika?

DIE TESTAMENT deut Rhona Peens

Thu, 18 Oct 2018 06:21:00 +0000

Oom Josef Rossouw sterf, en sy familie en werkers word na die prokureur se kantore genooi sodat die testament vir hulle gelees kan word. Daar is miljoene rand in die boedel, maar dan word oom Josef se lys voorwaardes gelees... Skielik klink die belofte van 'n stewige erfporsie eerder na 'n nagmerrie, en veral Herman en Katinka se dogter, Zenobia, begin kapsie maak. Oom Josef dirigeer die gebeure meesterlik uit die graf, want hy wil seker maak dat sy familie nie die geld sal gebruik om hulle lewe te verwoes nie. Die drama neem 'n interessante en onverwagse wending, en wys op die waarde van gesinsbande en om die belangrike dinge in die lewe met jou geliefdes te deel.

LAAT HERFS deur Richard van der Westhuizen

Thu, 11 Oct 2018 08:11:00 +0000

Andrew Beyers se lewe het, soos die meeste mense s'n, nie heeltemal verloop soos wat hy graag sou wou hê nie. Dan ontmoet hy, heel toevallig, 'n sprankelende jong kunstenaar, en sy verander sy lewe ingrypend…

ONTYDIGE TYDINGS deur Albert Short

Thu, 04 Oct 2018 08:05:00 +0000

Ontydige Tydings is 'n opvolg op 'n Voorlopige Begrafnis. Dis alweer begrafnistyd, maar die kis is swaar en die begraafplaas lê ver op 'n hoogte. Dan bedink iemand 'n plan. Dalk kan hulle die kis sommer met die lugballon soontoe vlieg? Dis veilig. Niks kan verkeerd gaan nie. Of kan dit?

WAAR IS TOMAS? deur Zoë Ras

Thu, 28 Jun 2018 07:00:00 +0000

Emma le Roux is 'n jong versorger wat na 'n bejaarde wewenaar, Giel Vermaak, moet omsien. Hulle verhouding is uit die staanspoor problematies. Tog kom Emma gou agter dat haar tyd saam met Giel haar lewe handomkeer gaan verander. Giel neem mettertyd vir Emma op verskeie avonture, wat haar dwing om haar verbeelding op speels dog kragtige maniere te gebruik. Emma leer dat 'n mens se verbeelding jou kan laat lag en huil, maar ook genees. En sy besef hoe belangrik die literatuur vir die mensdom in sy geheel is.

DIE REINE WAARHEID deur Eleanor Lombard

Thu, 21 Jun 2018 05:20:00 +0000

Wanneer 'n poskantoorwerker in 'n klein dorpie 'n storie oor een van die inwoners oorvertel, kry die storie stertjies by en word dit al hoe meer sensasioneel soos dit versprei. In 'n verrassende wending sorg die slagoffer later vir komiese gevolge.

KOLSKOOT VISAGIE deur Christopher Joynt

Thu, 14 Jun 2018 05:46:00 +0000

Hierdie drama vertel die tragiese verhaal van Barend Visagie en sy seun, Willie. Dit speel in 1948 in die Swinburne-distrik af. Hoewel dit n fiktiewe storie is, is die drama is geskoei op die Suid-Afrikaanse volkslegende waarop C.M.van den Heever sy gedig, Waar ruwe rotse, gebasseer het.

DIE GANG deur Joe Kleinhans

Thu, 07 Jun 2018 08:05:00 +0000

Die dag nadat wewenaar Jakob Swart by die Tuisbes-tehuis intrek, word hy in 'n kantoor betrap waar hy, selfoon in die hand, in 'n kabinetlaai krap. Dis in dieselfde tyd waar daar 'n veldtog in die plaaslike koerante losbars oor die agteruitgang in die tehuis, met stawende foto's. Matrone Malan kan nie anders as om te dink dat Tuisbes met hulp van binne gesaboteer word nie. Jakob is en bly haar verdagte nommer een. En waar Matrone altyd in die gang hoor wat aan die gebeur is in die tehuis, swyg die gang skielik soos die graf…

SKINK VIR MY 'N WHISKY deur Deon Johnston

Wed, 30 May 2018 22:15:00 +0000

Die bestuurder van 'n supermarkgroep word koelbloedig deur 'n gemaskerde rower doodgeskiet, enkele dae voor sy tweede huweliksherdenking. Vir sy jong weduwee is die skok en verlies te groot, en sy pleeg selfmoord. Haar broer sweer om die skuldiges aan die pen te laat ry. Hy roep sy jarelange vriend en privaatspeurder se hulp in. Die vriend se lewe is egter in 'n warboel as gevolg van sy leefstyl, en die ondersoek neem 'n onverwagte wending...

HITTEGOLF deur Martyn le Roux

Thu, 24 May 2018 09:41:00 +0000

Fanus en Linda Vermaak woon in Belville saam met Fanus se ma en hulle twee “amper groot” kinders. Die “koors” van aardverwarming slaan toe wanneer die noodlot dit so wil hê dat klomp dinge op een baie warm dag skeefloop. Die gevolg is 'n absurde kruis met realisme in 'n sitkom-styl tragiekomedie wat kontemporêre temas soos dwelms, drank en dobbel aanraak. 'n Lag met 'n traan daarby.

KOP deur Schalk Schoombie

Thu, 17 May 2018 09:00:00 +0000

Set Niemand is 'n belowende pianis. Hy word gediagnoseer met 'n vernietigende siektetoestand wat sy liggaam aanval. 'n Russiese gimnas word breindood verklaar en siedaar, Set se kop word op die gimnas se lyf oorgeplant deur 'n span Suid-Afrikaanse geneeshere in Moskou in die Kremlin. Aanvaar die kop en die lyf mekaar? Hoe reageer die medici daarop? En wat van eie belang? Is dit moontlik en volhoubaar?

‘N POPHUIS deur Henrik Ibsen

Thu, 10 May 2018 08:31:00 +0000

Noora Helmer kan as 'n tipiese bedorwe en opgepiepte ryksmansvrou beskryf word. Haar man, Toorwald, is 'n bankbestuurder en hulle huwelik lyk op die oog af gevul met geluk. Maar op Oukersaand klop 'n skuldeiser aan Noora se deur en eis sy pond vleis. Dit bring haar nie net in konfrontasie met haar man nie, maar ook met haarself. Sy besef dat sy tot dusver net almal se speelding was. 'n Skadelose poppie. Tog is dit nou tyd om groot te word...

'N VOORLOPIGE BEGRAFNIS deur Albert Short

Thu, 03 May 2018 07:41:00 +0000

'n Man skryf 'n brief aan sy naasbestaandes om te vra dat hulle hom hierdie keer met die nodige respek sal begrawe. Waarom word hierdie man twee keer begrawe, en wat het fout gegaan tydens die eerste begrafnis?

ROMMEL, ROMMEL deur Lee Doubell

Thu, 26 Apr 2018 09:20:00 +0000

Drie gesoute rowers – of is dit dalk eerder veteraantronkvoëls – beplan hulle eerste rooftog in twee jaar ná hulle laaste besoek aan die staatshotel. 'n Naïewe jongman, kraakvars van die plaas af, word aangestel om 'n swaarvragmotor in die rooftog te bestuur. Aanvanklik word die jongman met groot agterdog bejeën, maar uiteindelik moet hulle erken dat hulle 'n goeie belegging in die plaasjapie gemaak het. Of hulle die keer daarin sal slaag om met die grootste buit in hulle rowersloopbane die gasvryheid van die staatshotel vry te spring, sal egter net die tyd kan leer.

VLERKE VIR JASON deur Janine van der Linde

Thu, 19 Apr 2018 07:41:00 +0000

Die verhaal belig die wrede situasie waarin die mense van die Kaapse vlakte hulleself bevind, die angs waarmee 'n moeder terugkeer van die werk af as sy haar kind tuis moes los, en haar stryd met die gevolge van 'n doodgewone Saterdaguitstappie. Hierdie drama is met die tweede prys in RSG en SANLAM se radiodramaskryfkompetisie van 2017 bekroon.

SPRINGGETY deur Sophia van Taak

Thu, 12 Apr 2018 08:50:00 +0000

'n Talentvolle haikoedigter en kopieskrywer wat sukkel met depressiewe gedagtes, besluit sy het genoeg gehad van die lewe. Sy hou egter nie rekening met haar nuwe buurman en sy sagte hart nie. Wanneer Lena Dreyer leer om die lewe te aanvaar vir wat dit is, vind sy haarself weer op die pad van hoop en nuwe vriendskappe. Die lewe het egter ander planne met haar...

OORLEWING – C-BLOK deur Erica Harris

Thu, 05 Apr 2018 07:06:00 +0000

Daniel en Klara bly in dieselfde woonstelblok waar 'n eksentrieke hawelose ou vrou gereeld met haar winkeltrollie vol nuttelose stofgaarders kom smous. Sy blyk egter oor veel meer te beskik as net haar trollie vol negosieware. Haar ryk lewenservaring het 'n blywende en ingrypende invloed op die twee jongmense, wie se lewens skynbaar nie volgens plan verloop nie.

QUINTIN ROY EN DIE PAASHAAS deur Helena Hugo

Thu, 29 Mar 2018 22:01:00 +0000

Speel die Bybelse oorsprong van die Paasgebeure nog die rol wat dit behoort te speel, of word dit vertroebel deur heidense simbole en fantasieë oor die Paashaas en sy ware? Quintin Roy is 'n jong akteur wat sy bes doen om sjokolade te verkoop en kinders gelukkig te maak. Maar dan kom hy te staan teen ouddominee Broderick en die waarheid…

SJARRAP EN EET JOU KOS! deur Ilné Fourie

Thu, 28 Dec 2017 06:41:00 +0000

Al ooit gewonder hoekom mense kelners word? Of wat deur hulle gedagtes gaan, veral as hulle met dom vrae bestook word? Of hoeveel dit van 'n kelner verg om net 'n klein gunsie vir iemand te doen, soos om 'n foto (of ses) te neem? Maak nader kennis met die psige en die stresvolle lewe van 'n kelner.

DIE NAG VAN DIE WYSES deur Zenobia Kock

Sun, 24 Dec 2017 22:15:00 +0000

Die drama, wat die derde plek behaal het in die RSG/Sanlam Radiodrama-skryfkompetisie vir 2015, handel oor ŉ wanaangepaste oujongnooi (wat sommige simptome toon van Asperger se sindroom) wat die wêreld van ŉ afstand beloer. Dan gebeur iets wat haar buitengewoon laat optree en almal rondom haar verstom. Dit is ŉ soort Kersverhaal met heelwat kinkels en onthullings.

SEA POINT MANSIONS deur Annemarie Roodbol

Thu, 21 Dec 2017 09:15:00 +0000

In 'n deeltitel-woonstelkompleks in Seepunt vind die inwoners uit dat die deelnemingskwota nie volgens die deeltitelwet toegepas word nie. Omdat 35% van die gebou uit winkels bestaan. en die residensiële en kommersiële komponente dus verskillende belange het, is daar gedurig konflik tussen die inwoners.

SPIEËLBEELD deur Ronel Mostert

Thu, 14 Dec 2017 05:26:00 +0000

Andrea is een van 'n tweeling wat altyd aan die korste ent trek. Haar liefde vir haar suster maak dat sy gereeld toegee, aanvaar, die ander wang draai en keer op keer vergewe. Maar waar trek sy die streep en wanneer is genoeg, genoeg? Nadat die lewe en haar tweelingsuster haar weer eens teleurstel, gaan kruip sy by 'n vriendin weg om haar wonde te lek. Sal sy die lewe, die mense naaste aan haar en die liefde weer 'n kans gee? Lê die antwoord in die hoeveelheid kere wat jy val, of die hoeveelheid kere wat jy opstaan?

AKWARIUS deur Marion Erskine

Thu, 07 Dec 2017 06:16:00 +0000

Baasspeurder Sakkie Joubert het al 'n hele paar reeksmoordenaars aangekeer. Dis sy spesialiteitsgebied. maar die laaste een, die een wat hy ten alle koste wil vastrek voor hy aftree, bly hom ontwyk. Dit word 'n dodelike kat-en-muis-speletjie tussen die jagter en die gejagte.

DIE JUDASBOK deur Dalene Matthee

Thu, 23 Nov 2017 08:16:00 +0000

…MY SKUILPLEK DIE KAAPSE STRATE deur Ilona Edwards

Thu, 16 Nov 2017 06:46:00 +0000

'n Jong seun wie se ouers in die tronk is, besluit om die pad te vat omdat hy reken dis beter om op straat te woon as om heeltyd deur sy ouer broer afgeknou te word. Hy word deur bendelede geteiken, en ondervind 'n paar dinge waarop hy nie gereken het nie. Hy word deur 'n inisiasie geneem, wat hom laat terugverlang na sy veilige huis by sy ouma.

VERGELDING deur Susan Gaigher

Thu, 09 Nov 2017 05:47:00 +0000

Wanneer iemand jou van jou kosbaarste besitting ontneem, per ongeluk of deur nalatigheid, en dit verander die res van jou lewe: wat doen jy? Vergewe jy of laat jy toe dat die boosheid in jou oorneem deur jou te wreek? Indien jy wraak kies, kan vergelding ooit regverdig word? Wat sou jy kies?

DOP deur Retief Scholtz

Thu, 02 Nov 2017 05:23:00 +0000

'n Oud-Spoorwegwerker, Frank, en 'n jong kroegman, Tim, neem jou saam in 'n hartroerende ontbloting van hulle siele in 'n kroeg waar brandewyn nie brieke het nie. Frank, wat afgetree is, vier sy skrikkelverjaarsdag, maar daar is min vreugde in die aand. Hy, sy pa en sy pa se pa was almal Spories wat uit die arm deel van die dorp gekom het. Frank se idiomatiese taalgebruik sorg vir komiese momente en lei ook tot verskeie voorvalle wanneer die generasiegaping aanvanklik 'n kloof vorm tussen Frank en Tim. Tim is amper 30 jaar jonger as Frank. Hy is as tiener Australië toe, en het weer terggekeer na sy hartland. Hartland kry 'n dubbele betekenis, want beide se harte word oopgevlek voor mekaar en voor die luisteraar. Jou hart sal geroer word deur die newels van die aand. Frank en Tim se storie, gebind met musiek van Kerkorrel, sal jou diep ontroer. Pas op vir taalgebruik indien jy 'n sensitiewe siel is.

LOTSBESTEMMING deur S.D. Fourie

Thu, 26 Oct 2017 09:46:00 +0000

Liefde is ongetwyfeld een van die heel belangrikste dinge in enige mens se lewe. Wat van liefde met die eerste oogopslag? En is ouderdomsverskil werklik belangrik? Die drama speel af in 1881 op 'n skip. Dit is 'n intrige tussen 'n beeldskone, onervare jong meisie en die veel ouer skeepskaptein.

DIE MOOI MEISIES VAN BITTERFONTEIN deur Perdita van Dijk du Bois

Thu, 19 Oct 2017 06:57:00 +0000

Dit is die verhaal van 'n groep vroue van die plaas Bitterfontein, wat oorgelewer is aan die behoeftes van die werkgewers. Die skrywer hanteer die probleme waarin so 'n geslote gemeenskap, wat afhanklik is van mekaar, met groot insig en geen sentiment nie.

MYMERINGE VAN 'N OU MAN deur Dolf van Niekerk

Thu, 12 Oct 2017 12:22:00 +0000

Die 88-jarige Johan gesels met sy versorger, Dalene, en mymer: “Ek het altyd gedink die lewe is 'n wonder, en die dood 'n misterie. Nou dink ek dis andersom. Die lewe is 'n misterie, die dood 'n wonder. En hier is ek nog…” Ons leer ken ons Johan as kind, later student en jong man, en nou as bejaarde wat so tussendeur sy lewe en liefdes 'n sinvolle legkaart van al sy mymeringe probeer maak.

SAND deur George Weideman

Thu, 29 Jun 2017 08:46:00 +0000

Petra en haar ma Ragel woon op die afgeleë plaas Waaisand in die dorre streke van Namibië naby Sossusvlei. Petra se pa het weggeloop toe sy nog 'n baba was, en sy koester steeds 'n wrok teen hom oor hierdie verraad. Sy verwag dat hy tog eendag sal terugkeer, soos 'n misdadiger terugkeer na die toneel van die misdaad. Twintig jaar later kom 'n sekere Herman by die plaas aan, op soek na 'n potjie robyne waarvan die triekster-figuur, die swerwer Sysie, hom vertel het. Petra lê hom voor en skiet hom dood, waardeur 'n onreg van die verlede reggestel word en die bewyse deur die sand toegewaai word... Dit is 'n spanningsdrama, waarin die sielkundige impak van onreg op die mens ondersoek word, met motiewe soos gierigheid, wraak en selfsug wat ook aangeraak word.

DAGBOEK VAN ‘N WURM deur Martyn le Roux

Thu, 22 Jun 2017 09:31:00 +0000

“Liewe Dagboek, Ek weier om 'n slagoffer van my omstandighede te wees...” Cassandra Viljoen is n belowende jong liggaamsbouer wat die sportsoort gebruik om bo haar omstandighede uit te styg. Nie almal in haar familie ondersteun haar egter nie. En dan is daar haar albatros...

GESIGSEINDERS deur Wim Vorster

Thu, 15 Jun 2017 11:40:00 +0000

Die aspekte wat 'n blinde gemeenskap ervaar en mee worstel, is dikwels soos die van die sogenaamde normale gemeenskap, maar daar is kwessies en vrae wat hulle kwel en diep ontstig waaraan die siendes selde dink. Kwessies soos hoe droom iemand wat blind gebore is? Hoe voel die verskillende kleure? Wie blameer jy vir jou blindheid? Die drama is 'n enkele toneel waarin vyf blindes gesels oor hulle ervarings, vrese, verwyte en drome. Elke karakter ontbloot sy of haar eie donkerste hoek.

TOEKA SE DAE deur Niel Steenkamp

Thu, 08 Jun 2017 09:23:00 +0000

Grootouma Annabel vier haar honderdste verjaarsdag in 'n ouetehuis. Haar agterkleinkind Anton sou sy verlowing aan die meisie van sy drome op hierdie gedenkwaardige dag aankondig, maar familiebande verhoed hulle. Altans, so vermoed hulle...

AGTER TOE DEURE deur Perdita van Dijk du Bois

Thu, 01 Jun 2017 07:52:00 +0000

Engela is raadop omdat haar man, Willem, al sy tyd agter 'n geslote deur deurbring. Sy is aanvanklik onwillig om hom daaroor aan te vat, maar met aanmoediging en raad van 'n lewensafrigter, en ook van haar geliefde tante, skraap sy uiteindelik die moed bymekaar. Wat sy uitvind verander haar en haar man se verhouding vir altyd.

KROKODIL deur Kirby van der Merwe

Thu, 25 May 2017 08:38:00 +0000

'n Groepie vriende onderneem 'n toer op die spore van die destydse Grensoorlog. In Katima Mulilo, 'n dorp in die westelike deel van die Caprivistrook in Namibië en eertydse Suid-Afrikaanse weermagbasis tydens die Grensoorlog, raak hulle egter gestrand toe die ou oor-die-muur viertrekvoertuig se enjin finaal die gees gee. Terwyl hulle wag op die motorwerktuigkundige, kom 'n paar interessante onthullings aan die lig wat, sou dit algemeen bekend word, die dinamika van hierdie vriendekring permanent en ingrypend sou verander.

BOSLUISIE deur Ronel Mostert

Thu, 18 May 2017 09:27:00 +0000

'n Jong vrou, wat meestal by haar tante groot geword het, moet die verlies van haar ouers verwerk. Tot haar verbasing is sy die erfgenaam van 'n geliefde Bosveld vakansie-oord, en dis hier waar sy te doene kry met die werklikheid van die stropery van renosterhorings en ook haar gevoelens vir haar kêrel in oënskou moet neem. Die drama is 'n liefdesverhaal wat afspeel in die Bosveld, waar die wreedheid van die stropery van renosterhorings 'n werklikheid is.

ADOLFIE EN DIE KLAVIER deur Madelein Rust

Thu, 11 May 2017 07:31:00 +0000

'n Bekkige boervrou probeer allerhande plannetjies om 'n arm verstote gesin weer in die gemeenskap te integreer. Selfs die nuwe dominee is nie te heilig om by haar planne ingesleep te word nie, want dit lyk asof net 'n wonderwerk sal help. Sal sy slaag? Sal die gemeenskap bereid wees om die vreeslike verlede te begrawe en te vergewe? En indien wel, waarvandaan sal die wonderwerk kom?

PADKAARTE

Thu, 04 May 2017 05:35:00 +0000

Padkaarte is 'n samestelling van drama, poësie en prosa, spesiaal vir die radio opgevoer deur sewe van die agt finaliste van die Nasionale Toneelspelkompetisie van 2016. Dit is 'n nuwe konsep om jong talent aan RSG se luisteraars bekend stel.Die jong akteurs is Tomley van Vuuren, Wian Taljaard, Cantona James, Mia van der Merwe, Rene Cloete, Jana van der Merwe en Jeani Heyns. Hulle reis onder andere deur Adam Small se “Krismis van Map Jacobs”, Odette Schoeman se roman “Swartskaap”, Elisabeth Eybers se “Portret”, Jeanne Goosen se “Paw-paw vir my darling” en Tilla Diedericks se “Jong Dames Dinamiek”. Die Nasionale Toneelspelkompetisie vir hoërskoolleerlinge word jaarliks deur die Hoërskool Bellville aangebied, onder leiding van Herman van der Westhuizen.

POINTE-NOIR (EK EN DIE MAJOOR) deur Jan Lampen

Wed, 26 Apr 2017 22:16:00 +0000

Suid-Afrikaanse huursoldate word in die Kongo gevange geneem ná 'n mislukte operasie. Hulle word onder haglike omstandighede in 'n gevangenis in Pointe-Noire, in die suide van die land, aangehou. Uiteindelik, na twee jaar, slaag die laaste twee oorlewende soldate om te ontsnap. Net een oorleef om hulle storie te vertel.

DIE KIND deur Janine van der Linde

Thu, 20 Apr 2017 09:08:00 +0000

'n Jong ma van die Kaapse Vlakte rou steeds oor haar seun wat op sy sewende verjaardag spoorloos verdwyn het. Sy bly glo dat hy sal terugkom en dat hy nie dood is, soos almal glo nie.

NAGMAAL VIR TWEE deur die Gebruikerskomitee van die Moot Biblioteek, Pretoria

Thu, 13 Apr 2017 07:27:00 +0000

'n Bejaarde Afrikaanse plaasboer en sy swart jeugvriend, 'n oudplaaswerker, bevind hulle saam in dieselfde ouetehuis. Op die vooraand van die kerkbasaar besluit die boer om 'n paar lekkernye te gaps om langs die rivier te gaan braai. Met brood en wyn wag hulle vir die hout om kole te word, maar die gesprek neem 'n wye draai terug tot in die verlede, met verreikende gevolge vir albei. Dit is 'n sensitiewe drama wat met groot deurdagtheid en menslikheid geskryf is.

KOPSKOOT deur Gerda Kriel

Thu, 06 Apr 2017 08:57:00 +0000

'n Verbitterde en onstabiele polisiekaptein wat 20 jaar laas bevorder is, beland by 'n professionele sielkundige met 'n praktyk êrens in Johannesburg. In die spreekkamer word daar dramatiese onthullings gemaak, en skielik neem die storie 'n heel ander wending...

VOOS GESKAAF deur Joe Kleinhans

Thu, 29 Dec 2016 18:00:00 +0000

Cor Gericke en sy vrou, Lynn, (dis 'n tweede huweliksituasie) besluit om op hulle eie vakansie te gaan hou. In werklikheid het albei van hulle skelm verhoudings en wil vakansie hou by hulle huis. 'n Soort wittebrood in die kleine. Lynn en haar liefde, Theo Barlow, is eerste daar. Tweede wat opdaag is Ria Rupert, Cor se vriendin, en nou begin die spreekwoordelike poppe 'n dansie uitvoer waaraan almal nie graag deelneem nie.

DIE SOMER VAN SES EN VYFTIG deur Engela van Rooyen-Linde

Sat, 24 Dec 2016 22:25:00 +0000

Twee oumense wag tevergeefs vir hulle seun wat ná die Tweede Wêreldoorlog as vermis aangegee is. In hulle hartseer raak hulle vervreemd van vriende en familie, maar elke Kersfees word die Kersboom hoopvol versier en in die voorkamer uitgestal vir die groot hereniging.

DIE SNEEUMAN deur Cecilia du Toit

Thu, 22 Dec 2016 05:25:00 +0000

'n Seun met Down-sindroom word op 'n Vrystaatse plaas deur sy ouma en oupa grootgemaak. Elke jaar verbeel hy hom dat sy pa, wat hy nog nooit ontmoet het nie, met Kersfees daar sal opdaag. Die spesifieke Kersfees hou hy vol dat sy pa ook saam met hom 'n sneeuman sal bou. Wanneer daar dan wel 'n man sy opwagting op die plaas maak, word die grootouers met verlies en pynlike herinneringe gekonfronteer. Die drama handel onder andere oor vooroordele, veral weens onkunde en dan ook oor vergifnis.

MET EEN VOET IN DIE GRAF deur William Oosthuizen

Thu, 15 Dec 2016 10:40:00 +0000

'n Groep plaaswerkers kry die ontstellende nuus dat daar net een graf oop is in hulle begraafplaas. Hulle sal self moet besluit watter een van hulle die gesogte rusplek verdien. Elkeen wil met waardigheid die tydige met die ewige verwissel, maar om jou eie stukkie 'grond' te bekom, moet daar dalk eers 'n paar ou koeie uit die sloot gegrawe word... Tydens die dinamika wat volg, word universele menslike gedrag uitgebeeld met die tong in die kies en 'n heerlike kinkel in die kabel.

ONOPGESLOSTE SAAK deur Barbara MacArthur

Thu, 08 Dec 2016 06:25:00 +0000

Wat maak van 'n mens 'n moordenaar, selfs 'n reeksmoordenaar? En is dit hoegenaamd voorspelbaar dat iemand moord sal pleeg? Of kan iemand wat gewoon voorkom, en 'n gewone lewe ly, moord pleeg sonder dat iemand ná aan die persoon dit voorsien of verwag? Hoe goed ken ons werklik ons geliefdes?

DAG VAN DIE REUSE deur Pieter Pieterse

Thu, 01 Dec 2016 09:47:00 +0000

ŉ Agtienjarige Portugese seun met ŉ lam voet word in Mosambiek groot tydens die burgeroorlog in die middel jare sewentig. Sy pa is verskeur tussen die rebelle en die regeringsmagte. Wanneer sy pa verdwyn, ontmoet hy ŉ wit Afrikaanse meisie wat ŉ busramp oorleef het. Saam takel hulle die Mosambiekse bosse met al sy gevare aan. Dan hom hulle op ŉ gewonde olifant af wat die jong João (Merlin Balie) moet probeer gesond maak. Elena (Ansu Visser) reis saam met hom na veiligheid. Sal hulle dit lewend maak?

DAGBOEK VAN ‘N WURM deur Martyn le Roux

Thu, 24 Nov 2016 18:00:00 +0000

SJARRAP EN EET JOU KOS! deur Ilné Fourie

Thu, 10 Nov 2016 08:15:00 +0000

DIE WITTEBROOD 2 deur Riana Scheepers

Thu, 03 Nov 2016 11:14:00 +0000

Vir drie dae moet Lucas en Klara noodgedwonge in 'n omgewing vol paradyslike skoonheid, maar terselfdertyd lewensgevaarlike omstandighede, probeer oorleef. In die tyd dat hulle wag op 'n moontlike reddingspoging, gestroop van enige denkbare gerief of kos, kom die verskille in hulle persoonlikhede, asook elkeen se sterk en swak punte, dramaties na vore. Hulle bevraagteken hulle verhouding en wonder of daar vir hulle 'n toekoms saam is. Die tradisionele geslagsrolle word omgekeer, en hulle leer hulleself en mekaar werklik ken. Dit is 'n tydperk wat bepaal of hierdie trauma die einde van hulle huwelik beteken, of dalk 'n nuwe begin…

DIE TIKMASJIEN deur Pirow Bekker

Thu, 27 Oct 2016 07:56:00 +0000

Met sy jongste radioteater probeer Pirow Bekker 'n verband lê tussen die tikmasjien en die waterboormasjien. Albei soek na water – die boormasjien regstreeks, die tikmasjien onregstreeks met die skep van lewe deur die woord. Water is immers lewe. Die liefde speel 'n prominente rol, veral die ontluikende liefde tussen twee jongmense. Maar die liefdesdraad kan ook verknoop raak en die boor- en tikmasjiene in wapens verander. 'n Veelfasettige drama waar die poëtiese inslag oorheers: 'n ode aan water.

LITTEKENS deur Karien Polley

Thu, 13 Oct 2016 08:48:00 +0000

Langs Coetzenburg het nie net 'n waterstroom gevloei nie, maar #SteveBiko is tragies dood in '76, en die #lawstudente en #dramastudente het #gerebel. Van hulle het onder #StilleWaters die #Duiwels laat ronddraai. 'n Storie van #Spioene vir en teen. #Veiligheidspolisie wat bedrywig was en #Liefde omgeskakel het in #Verraad en #Verwyt.

REISIGER NA KIMBERLEY deur Dolf van Niekerk

Thu, 06 Oct 2016 07:30:00 +0000

Karen is 'n aktrise en geniet die wêreld van voetligte en applous. Haar man, Johan, bevind hom in die sfeer van die landbou en die wetenskap. Totdat hulle besef dat hulle huwelik nie meer is wat dit was nie. In die middel is hulle talentvolle veertienjarige dogter, Annelie. Hoe moet sy sin maak van die skielike nuus dat haar ouers se paadjies gaan skei? Intussen word Karen gekonfronteer met die keuses wat sy voorheen in haar lewe gemaak het. In 'n slim spel tussen die hede, verlede en toekoms en die treinreis wat Karen onderneem, neem die skrywer Dolf van Niekerk die luisteraar op 'n emosioneel ontroerende storiereis. Dit is Van Niekerk se eerste nuwe radiodrama in sowat 34 jaar.

AS ONS TWEE EERS GETROUD IS deur Gerhard J. Beukes

Thu, 30 Jun 2016 11:04:00 +0000

Frans en Malie van der Merwe is op die vooraand van hulle silwer huweliksherdenking, maar besef dan dat hulle nie 'n huweliksertifikaat het nie. Is hulle werklik getroud, of leef hulle al die jare in “sonde” saam? Die klein Kallie het boonop sy “dieretuin”, bestaande uit 'n koggelmander, muis, spinnekop, padda en slang, in die voorkamer laat ontsnap. Wat is Oupa besig om uit sy broek te skud? En wat kruip oor die kussing? Midde hierdie konsternasie probeer Malie en haar twee dogters, Santjie en Annelise, om van Oupa ontslae te raak. Sal die weduwee, mevrou Bloom, die stuitige oupa uit hulle pad en sake kry?

KANNA HY KÔ HYSTOE deur Adam Small

Wed, 29 Jun 2016 07:14:00 +0000

Kanna is die grootmaakkind van Makiet, 'n arm bruin vrou uit die werkersklas. Kanna se aanneem-ouers sien sy potensiaal raak en moedig hom aan om 'n opvoeding te kry en te ontsnap van die onderdrukking in Suid-Afrika en Distrik Ses.Hy presteer bo verwagting, maar in die buiteland. Vir Makiet, sy vriende en sy familie word sy terugkeer 'n simbool van hoop. Die drama wentel rondom hierdie afwagting van Makiet dat Kanna eendag sal huistoe kom. Uiteindelik kom hy huis toe – maar net vir Makiet se begrafnis. Kanna kan nie meer inpas by die leefwyse van sy Suid-Afrikaanse verlede nie...

RAGEL deur Fanie Viljoen

Thu, 23 Jun 2016 11:19:00 +0000

Luan Loots hou daarvan om ander mense se weggooigoed by pandjieswinkels te koop. Hy beplan om alles te verkoop wanneer hy aftree, om vir hom en sy vrou te sorg vir hulle oudag. Dan kom hy op iets af wat hy dalk liewers op die winkelrak moes gelos het, want vandat hierdie ding in sy huis staan, gebeur daar vreemde goed... soms sommer helder oordag!

LEWE NA DIE NOOT deur Wilken Calitz

Wed, 15 Jun 2016 22:49:00 +0000

Uit die pen van Wilken Calitz kry ons 'n verhaal van 'n sukkelende jong opkomende sanger, Johnny (Andre Terblanche), wat eers teologie studeer het en agv sy seksuele voorkeure in konflik met die kerk se gay-beleid kom. Sy lewensmaat, James (Marlow Minnaar) word gediagnoseer met kanker en dit is waar die papaja die waaier tref, want hulle het dringend geld nodig vir die chemo-behandeling. Hiervoor is Johnny bereid om buite die boks te dink en sy eie dood te vervals om post mortem tantieme uit 'n lied te ontvang, wat dan aan sy geliefde vir sy mediese behandeling kan gaan.

TEERLING 6: DIE PES deur PG du Plessis

Thu, 02 Jun 2016 07:04:00 +0000

'n Dominerende skoolhoof ontvang 'n dringende SMS van haar onderdanige broer, wat as 'n laboratoriumassistent werk, om hom by 'n sekere adres in 'n krotbuurt te ontmoet. Uit die staanspoor is alles nie pluis nie, veral nie wanneer hy 'n video-opname van 'n nuusberig oor 'n reeksmoordenaar aan haar voorspeel nie...

SIEMBAMBA deur Marion Erskine

Thu, 26 May 2016 09:26:00 +0000

Elri is Bertus en Rentia se enigste kind, en haar pa se oogappel. Hy sal enigiets vir haar doen, maar dit gaan nie goed tussen Bertus en Rentia nie, en vir Rentia is dit moeilik om te aanvaar dat hulle huwelik op die rotse is…

DIE WITTEBROOD deur Riana Scheepers

Thu, 19 May 2016 11:16:00 +0000

Lucas en Klara is pas getroud. Lucas het die romantiese droom om sy bruid 'n ongerepte deel van Afrika te wys. Hy beplan hulle wittebroodsbestemming as 'n verrassing vir haar, wel wetende dat sy nie 'n natuurmens is nie, en dat sy eintlik hou van gerieflike vakansies in “beskaafde” plekke. Iets onverwags gebeur en hulle bevraagteken hulle verhouding. Hulle leer ken hulleself en mekaar, dalk vir die eerste keer. Dit is 'n nag wat sal bepaal of hulle wittebrood ook die einde van hulle huwelik is, of dalk 'n nuwe begin.

DIE REBELLIE VAN LAFRAS VERWEY deur Chris Barnard

Thu, 12 May 2016 09:44:00 +0000

Lafras is 'n Jan Alleman wat vasgevang is in 'n burokratiese stelsel. Hy is 'n dromer en begin mettertyd lugkastele bou om van die sleurwerk te ontsnap. By die werk word hy gespot en hy sluit uiteindelik by 'n groep ondergrondse rebelle aan. Hy vervaardig vir hulle plofstof en smokkel wapens vir 'n rewolusie wat kom. Wanneer Lafras op sy fiets ry of selfs die badkamer besoek, marsjeer hy saam met die rebelle en staar hy die vyand in die gesig. Hy ontmoet later vir die swanger Petra, wat hy op sy fiets hospitaal toe neem vir haar bevalling, maar wanneer hy terugkeer huis toe neem sy lewe 'n skielike wending.

JANE EYRE deur Charlotte Brönte

Thu, 05 May 2016 12:47:00 +0000

Jane Eyre is 'n weeskind, maar ook 'n goewernante, wat later in Thornfield vir die jong Franse meisie, Adele, private klasse aanbied. Hier raak sy op meneer Rochester verlief. Die veel ouer Rochester vra haar om te trou, maar hulle troudag ontaard in 'n nagmerrie wanneer 'n gas aanvoer dat Rochester steeds met 'n ander vrou getroud is... Sal Jane en meneer Rochester ooit skuiling in mekaar se arms vind?

VERGIFNIS deur Charles J. Fourie

Thu, 28 Apr 2016 12:33:00 +0000

GENADE deur Marita van der Vyver

Thu, 21 Apr 2016 11:03:00 +0000

DIE NAG VAN DIE WYSES deur Zenobia Kock

Wed, 13 Apr 2016 23:10:00 +0000

DIE EKSENTRIEKES deur Erica Harris

Thu, 07 Apr 2016 10:12:00 +0000

'n Vereensaamde vrou in 'n ouetehuis en 'n jong, eksentrieke student, wat nie aanklank vind by haar medestudente nie, bevriend mekaar toevallig en beïnvloed en begeester mekaar se lewe.

DIE IDEALE MINNARES deur Niel Steenkamp

Thu, 31 Dec 2015 12:38:00 +0000

Is die romanse uit jou huwelik of verhouding? Dan gaan hierdie drama dit vir jou terugsit! Dit was een van die inskrywings vir die RSG/SANLAM Radiodramaskryfkompetisie van 2012 wat die aandag getrek het met sy tema waarmee baie volwasse luisteraars sal kan identifiseer. En daar is 'n verrassende slot...

BLINDEMOL deur Chris Barnard

Tue, 29 Dec 2015 13:14:00 +0000

Om Chris Barnard te eer, saai RSG sy bekroonde drama Blindemol uit. In 2008 het hy die Suid-Afrikaanse Akademie vir Wetenskap en Kuns se erepenning vir radiodrama daarmee ontvang. Barnard het die medium baie goed geken en verstaan en het die stemmingsvolle werk oor 'n blinde klavierstemmer, Dolf, geskep. Dolf is reeds oorlede. Nou kan hy die kleindorpenaars sien en met hulle in gesprek tree, veral met die vroue wat hom liefgehad het. Een van die aanhaalbare stukke dialoog in die teks is dalk nou besonder relevant: “Só baie om oor bly te wees – so bitter min blydskap. Hoe kry 'n mens hulle oë oop vir alles om hulle?”

‘N KERSSPEL VIRRIE KIND deur Willem Fransman Junior

Fri, 25 Dec 2015 13:00:00 +0000

Die Kaapse Bergies, Miester Brand, Myra en Bekkies, besluit om 'n Kersspel op te voer vir 'n jong seun wat gom snuif.

TUSSEN STASIES deur Henriette Fowler

Thu, 17 Dec 2015 11:27:00 +0000

Die drama kyk na die lewe van 'n sestienjarige tweeling, Santie en Rika, wie se ouers oorlede is. Hulle beland by 'n tante en haar geweldadige dronklap minnaar. Santie neem die leiding neem aangesien Rika in die ongeluk waarin hulle ouers gesterf het, breinbeserings opgedoen het. Wanneer dit te ondraaglik raak by hulle tante, klop hulle by die buurvrou aan om hulp. Hulle lewe word egter net moeiliker, en Santie se oplossing daarvoor is 'n hartseer een.

WILDE ROOSMARYN deur Daleen Krüger

Thu, 10 Dec 2015 09:14:00 +0000

'n Violis kom uit die buiteland terug na Suid-Afrika en die dorpie waar hy sy geliefde verlaat het om 'n loopbaan in die buiteland te bou. Hier ontdek hy dat soveel veranderinge plaasgevind het, maar dat daar tog baie is wat herinnerings by hom oproep.

HASHTAG HASEPAD deur Marion Erskine

Thu, 03 Dec 2015 06:43:00 +0000

'n Pragtige jong kelnerin bedien die man van haar drome by die restourant waar sy werk. Hulle raak aan die gesels en dit blyk gou dat sy 'n meisie met ambisie is. Sy wil verder studeer, reis en meer met haar lewe doen as om kelnerin te speel. Maar sy weet ook wanneer 'n droomman niks meer as net 'n droom sal bly nie. Min het sy egter kon raai dat haar toekoms reeds besig was om te verander... Die spelers is Joey Meissenheimer, Marlo Minnaar, Kim Heyns en Andre Samuels.

BLOEDLYN deur Martyn le Roux

Thu, 26 Nov 2015 18:00:00 +0000

Kaptein Eugene de Vries word een nag wakker gebel en opgekommandeer om 'n onverklaarbare geval in Duiwelskloofpas te ondersoek. Die verhaal wat ontvou is een van feite en fantasie waarin die volmaan die hoofrol speel. Die akteurs is Robbie Wessels, Marina Coetzee, Johny Klein, Karen Wessels, Rouel Beukes, Bradley Olivier en Sue Pyler.

VAN DIE VLEES deur van Karien Polley

Thu, 12 Nov 2015 10:52:00 +0000

Frans Kleinhans het 'n jong slawevrou, Rosiena, gelyfeien soos dit in 1706 aan Die Kaap van Storms bekendgestaan het. Buiten 'n ander slawemeisie, Dina, wat hy swanger gemaak het, dwing hy hom ook op aan Rosiena en nog 'n swangerskap lê op hande. Sy onvrugbare vrou Anna wil van hom skei, maar in ware geskrifte uit 1706 waarop die drama gegrond is, word daar aangehaal: “Moederskap is 'n feit; Vaderskap 'n kwessie van opinie…” Nou kom kerk, regter, toordokter en slawe ingedrang.

NAGRIT NA KEETMANSHOOP deur Christoff Blaauw

Thu, 05 Nov 2015 08:28:00 +0000

'n Verhaal gebaseer op ŉ ware gebeurtenis wat hom een koue nag meer as 30 jaar gelede in die destydse Suidwes-Afrika afspeel. ŉ Dienspligtige kry ŉ rygeleentheid na Keetmanshoop, maar die noodlot bepaal dat sy pad met die van ene Lone Ranger van Tsumeb kruis.

GEPIEKEL deur Schalk Scoombie

Thu, 22 Oct 2015 12:13:29 +0000

GEPIEKEL deur Schalk Scoombie

OORSEE deur Tertius Kapp

Thu, 15 Oct 2015 15:31:42 +0000

OORSEE deur Tertius Kapp

DIE BARON OP DIE BOME deur Italo Calvino

Thu, 08 Oct 2015 09:17:49 +0000

DIE BARON OP DIE BOME deur Italo Calvino

MOOI MARIA deur Pieter Fourie

Thu, 01 Oct 2015 06:30:57 +0000

MOOI MARIA deur Pieter Fourie

LOBOLA VIR DIE LEWE deur Andre P. Brink

Thu, 25 Jun 2015 11:28:29 +0000

LOBOLA VIR DIE LEWE deur Andre P. Brink

AANTREKKINGSKRAG deur Deon Opperman

Thu, 18 Jun 2015 09:46:09 +0000

AANTREKKINGSKRAG deur Deon Opperman

DIE DUIWEL en HARTSTOG deur Guy de Maupassant

Thu, 11 Jun 2015 18:00:00 +0000

DIE DUIWEL en HARTSTOG deur Guy de Maupassant

HIE' SIT DIE MANNE deur Leon Kruger

Thu, 04 Jun 2015 14:35:47 +0000

HIE' SIT DIE MANNE deur Leon Kruger

WAT SAL DIE MENSE SÊ deur Perdita Van Dijk Du Bois

Thu, 28 May 2015 08:28:22 +0000

WAT SAL DIE MENSE SÊ deur Perdita Van Dijk Du Bois

DIE VROU UIT DIE SEE deur Henrik Ibsen

Thu, 21 May 2015 15:46:19 +0000

DIE VROU UIT DIE SEE deur Henrik Ibsen

RABIE OP RADIO (Jan Rabie)

Thu, 14 May 2015 10:38:31 +0000

RABIE OP RADIO (Jan Rabie)

ONTNUGTER deur Ingrid Penzhorn

Thu, 07 May 2015 09:26:22 +0000

ONTNUGTER deur Ingrid Penzhorn

SONATE deur Martie Swanepoel

Thu, 30 Apr 2015 14:51:23 +0000

SONATE deur Martie Swanepoel

VER IN DIE OU KALAHARI deur Zesta Vorster

Thu, 23 Apr 2015 10:27:06 +0000

VER IN DIE OU KALAHARI deur Zesta Vorster

SWANESANG deur Gerda Kriel

Thu, 16 Apr 2015 15:04:03 +0000

SWANESANG deur Gerda Kriel

TEERLING 5: DIE BRUG deur PG du Plessis

Thu, 09 Apr 2015 18:00:00 +0000

TEERLING 5: DIE BRUG deur PG du Plessis

MASKERS deur Joey van Niekerk

Thu, 02 Apr 2015 22:23:48 +0000

MASKERS deur Joey van Niekerk

TERUGREIS deur Fred Carly

Thu, 02 Apr 2015 11:54:00 +0000

Terugreis deur Fred Carly

DIE PROPONENTJIE deur Pieter Fourie

Thu, 11 Dec 2014 12:58:00 +0000

Op Duskantdroogtefontein, in die laat vyftigs, is hubare jong mans net so skaars soos water. Vrouens is daar egter oorgenoeg. Wanneer dominee Gaffie Geringer as alleenloper sy intrek in die pastorie neem, moet hy keer of hy raak getroud met elke beskikbare jong meisie in die gemeente, en hulle moeders is maar te gewillig om te help!

SIENER IN DIE SUBURBS deur PG du Plessis

Thu, 04 Dec 2014 12:33:40 +0000

Hierdie klassieke, Hertzog-bekroonde drama speel af in 'n armoedige suidelike voorstad van Johannesburg. Jakes is die zef ou wat 'n ma soek vir sy laaitie. Tiemie, die ma, wil egter niks hiervan weet nie. Sy wil wegkom uit die suburbs, met 'n ryk man trou en van geweet wees. Haar broer, Tjokkie, is die siener wat onder meer sien hoe 'n ander man as Jakes haar swanger maak. Natuurlik met rampspoedige gevolge...

DIE BORDE MET DIE BLOU PATROON deur Mari Snyman

Thu, 27 Nov 2014 10:38:53 +0000

Mart en Debbie is twee susters met 'n gespanne verhouding. Hulle ma ontken haar rol in die wanfunksie wat in die gesin bestaan.

DIE MAN MET DIE 13 KINDERS deur Harry Kalmer

Thu, 20 Nov 2014 13:31:17 +0000

Jos (39) en Mathilde (33) het mekaar in Griekeland ontmoet. Hoe het dit gebeur dat hulle 13 kinders het? Hoe is hulle lewens daardeur geraak? Die drama is nie vir sensitiewe luisteraars nie, en sekere dele mag aanstoot gee.

'N LANG, LANG NAG deur Riana Scheepers

Thu, 06 Nov 2014 11:51:27 +0000

Die verhaal is losweg gebasseer op die mite van Sheherazade, wat baie behendig die dood gefnuik het deur die Sultan te betower met die mooiste verhale en mites vir 'n duisend en een nagte. Hy het al sy ander vroue na een huweliksnag onthoof. Gedigte van G.A. Watermeyer en Elmarie van Schalkwyk vorm deel van die aangrypende verhaal.

2092: GOD VAN KLANK deur Wilken Calitz

Thu, 30 Oct 2014 12:17:52 +0000

Alle vorme van kuns is 40 jaar gelede verbied en die kunstenaars wat steeds hulle kuns probeer beoefen het, is terreggestel. Een pianis het 'n klavier vir 40 jaar in 'n grot weggesteek. Wat gebeur as iemand se hartstog sterker as sy oorlewingsdrang is? Die hoofspelers is Chris van Niekerk en Wilna Snyman. Ander spelers is Pedro Kruger en Albert Pretorius.

DIE PYN deur Pauline Smith

Thu, 23 Oct 2014 08:38:33 +0000

'n Bejaarde kinderlose egpaar hou 50 jaar lank hulle armoedige boerdery aan die gang en woon en werk in liefde en tevredenheid saam, tot die vrou ernstig siek word en haar pyn hulle lewe binnedring en oorneem. 'n Kort verblyf in die hospitaal is vir hulle 'n ontnugtering as hulle vir die eerste keer geskei word en die pyn 'n nuwe dimensie kry.

SPLINTERGLAS deur Richard van der Westhuizen

Thu, 16 Oct 2014 09:28:43 +0000

Sedert haar ouers se egskeiding weier die jong Lynelle om weer klavier te speel. Sy en haar ma trek na die platteland, waar haar ma daarop aandring dat sy les neem by 'n afgetrede komponis. Met sy ondersteuning en leiding kry Lynelle dit mettertyd reg om 'n groot trauma te verwerk.

DIE ONGELOOFLIKE REIS VAN MAX EN LOLA deur Vinette Ebrahim en Hugo Taljaard

Thu, 09 Oct 2014 08:51:51 +0000

Max is 80, wit en gay. Lola is 79, bruin en nie op die mond geval nie. Hulle onwaarskynlike vriendskap strek oor dekades en het begin in 'n tyd toe sulke verhoudings verbode was, maar hulle liefde vir fliek en vir mekaar, het alles oorwin. Nou het die ouderdom hulle bekruip en dink hulle terug oor die jare.

STERIEL deur Gideon van Eeden

Thu, 02 Oct 2014 08:54:22 +0000

Die titel van die drama is beskrywend van die gebied en die mense wat daar woon, enersyds, en die lewensgevaarlike en lewensbelangrike werk wat deur paramedici verrig word, andersyds. Nie alleen is dit noodsaaklikheid dat die binneruim van die ambulans steriel gehou moet word nie, ook die karakters lewer kommentaar op die sterieliteit van die gemeenskap en hulle persoonlike lewens.

HOOR JY MY? deur Jean Cocteau

Thu, 19 Jun 2014 10:30:03 +0000

'n Middeljarige vrou (Rika Sennett) bel haar geliefde van die afgelope vyf jaar. Hy het intussen iemand anders ontmoet en trou die volgende dag met die nuwe vrou. In die telefoniese gesprek met haar eks probeer die vrou om weer sy liefde terug te wen, maar word verstrengel in haar eie desperaatheid en web van leuens. Die telefoongesprek is pure frustrasie wanneer dit kort-kort onderbreek word en die vrou se emosionele verval al hoe meer aan die lig kom...

KLIPPEKLOOF deur Cecilia du Toit

Thu, 12 Jun 2014 18:00:00 +0000

Marius Venter moet die klipformasies in die omgewing van die plaas Klippekloof ondersoek. Petrus en Kotie Versteen is baie gasvry en hy voel dadelik tuis... totdat hy in die nag wakker word van 'n perd wat runnik, gevolg deur 'n geweldige slag. By nadere ondersoek vind hy egter absoluut niks nie...Hierdie drama met Richard van der Westhuizen, Heidi Mollentze, Lochner de Kock, Elize Cawood en Anton Dekker is nie vir sissies nie. Sorg maar dat jy nie alleen daarna luister nie...

SONSTORM deur Schalk Schoombie

Thu, 05 Jun 2014 18:00:00 +0000

Niek en Miekie woon in 'n slimgebou. Alles is geoutomatiseer en geoptimaliseer – van veiligheid en sekuriteit tot voeding en klimaatbeheer. Onbemande tuie patrolleer die stad terwyl kameras en mikrofone oral opgestel is om misdaad hok te slaan. Selfs binne-in wooneenhede geld streng beheermaatreëls. Een van Miekie se frustrasies is dat daar 'n enorme versameling afstandbehere is wat alles, van die lugversorging tot die beligting en die deure beheer. Uiteindelik ontdek hulle dat daar nog meer beheer kan word as wat hulle aanvanklik gedink het…

SONSTORM deur Schalk Schoombie

Thu, 05 Jun 2014 08:55:48 +0000

DIE NAG VAN LEGIO deur P.G. du Plessis

Thu, 29 May 2014 18:00:00 +0000

Die drama is die eerste keer in 1969 opgevoer deur die destydse TRUK. In 1972 wen dit, saam met SIENER IN DIE SUBURBS, die gesogte Hertzog-prys vir drama. In 1990 verwerk die dramaturg, wat vanjaar tagtig word, die drama vir vrouespelers. Vyf vroue in 'n inrigting vir sielsiekes, kry op die vooraand van 'n skuif na 'n ander vleuel, 'n nuwe kamermaat in hulle saal by. Sy is Maluna en sy is daar om 'n ou wrok teenoor Hanna aan te spreek. Die rol van Maluna word vertolk deur Amanda Strydom en Elsabe Zietsman is Hanna. Ander spelers is Elize Cawood, Elma Postma, Karen Wessels, Marina Coetzee en Melt Sieberhagen.

DIE NAG VAN LEGIO deur P.G. du Plessis

Thu, 29 May 2014 13:40:18 +0000

DIE NAG VAN LEGIO deur P.G. du Plessis

Thu, 29 May 2014 10:20:20 +0000

DIE TRAGIESE GESKIEDENIS VAN DOKTOR FAUSTUS deur Christopher Marlowe

Thu, 22 May 2014 12:15:03 +0000

Faustus gee sy siel aan Lucifer, die duiwel, in ruil vir 'n langer lewe, wellus en alles wat hy wil hê.

AS DIE DONKER DIE SON INSLUK deur Marion Erskin

Thu, 15 May 2014 10:05:36 +0000

Dis die verhaal van 'n klein plattelandse gemeenskap met die gewone struwelinge en 'n lang geskiedenis van haat en nyd. Hulle leef dekades met hulle eie wroeginge en geheime wat hul menswees verteer. Dan kom 'n natuurramp wat hulle dwing om mekaar te aanvaar en te omarm.

AAN STILLE WATERS: VROUTJIE WEET ALWEER BETER deur CJ Langenhoven

Thu, 08 May 2014 13:35:14 +0000

Die drama is saamgestel uit Langenhoven se rubrieke wat hy van 1921 tot 1932 vir Die Burger geskryf het. Die moderne Afrikaans waarmee hy toe al gewerk het, is opmerklik. Die program is by die Klein Libertasteater in die Kaap opgeneem. Jannnie Hofmeyr en Susan Beyers kan gehoor word in die rolle van Neelsie en Vroutjie. Stephanie Badenhorst skep die byklanke op die verhoog.

VRYSLAG deur Marcel van Heerden

Wed, 30 Apr 2014 22:16:16 +0000

Hoe lyk een chaotiese dag in die lewe van 'n vryskutakteur? Hoe hanteer hy die klein katastrofes wat elke dag oor sy pad kom? Maar nog erger: hoe balanseer hy sy lewe as vryskutwerker met die van 'n enkelouer, veral wanneer sy seun se skool hom laat weet dat sy skoolgeld agterstallig is en daar geen manier is waarop hy R20,000 binne 'n week bymekaar kan maak nie.

DIE TORINGKELDER deur Andre Kotze

Thu, 17 Apr 2014 10:30:12 +0000

'n Pa (Nic de Jager) sy tienerseun (Pietie Beyers) en tienerdogter (Elanza Swart) woon in die vuurtoring waarvoor hy verantwoordelik is. Hy maak hulle alleen groot en is besonder streng. Dan verskyn 'n jong, geheimsinninge seun (Deklerk Oelofse) op 'n stormagtige nag. Sy teenwoordigheid verander hulle lewens onherroepelik. Hierdie werk herinner aan die Gotiese dramas en dit deel die derde plek in die RSG/Sanlam Radiodramaskryfkompetisie van 2013.

DIE WEBLEY deur Piet Steyn

Thu, 10 Apr 2014 10:25:17 +0000

Die beskikbaarstelling van artiretrovirale middels sedert 2008 help op 'n ingrypende wyse om vigssterftes in Suid-Afrika te verminder. Nogtans kondig Statistiek Suid-Afrika in Mei 2013 aan dat daar reeds 5,26 miljoen mense met MIV/vigs in die land is—tien persent van die bevolking. En wat meer is, die syfer styg steeds. Piet Steyn speek die MIV/Vigs probleem subtiel aan en tog is daar 'n dringendheid, 'n waarskuwing vir almal wat nie bewus is van die erns van die probleem in ons land nie.

O Hel! deur PG du Plessis

Thu, 03 Apr 2014 18:00:00 +0000

Regstreekse uitsending vanaf die KKNK: Die gegriefde Antjie (Rolanda Marais) begelei Christoffel (Deon Lotz) in sy toetrede tot die hel. Hy't dit nie verwag nie en sit hom hewig tee, maar tevergeefs. Die rot, die skare, die baba, die skroue en skreeue van die ander Teerlinge is weer daar om ds. Christoffel te laat weifel en wonder en selfs te verbyster. Sy verlede haal hom klaaglik in en hy word gestroop tot die naakte waarheid.

OLIFANTIE deur PJ Haasbroek

Wed, 25 Dec 2013 22:10:25 +0000

Daar is Indiese olifante en die Afrika olifante. Hulle word onderskei deur hulle grootte en veral die grootte en vorm van hulle ore. Die Afrika olifant se slurp het twee vingers teenoor die Asiese olifant se een vinger. Ou Voortrekker, die olifantbul, is 'n Afrika olifant en meer spesifiek 'n woestynolifant. Die olifant se grootste vyand is die mens. Hulle word hoofsaaklik gejag vir hulle tande. Olifante is intelligente, sensitiewe diere en liefdevol teenoor mekaar. Vir Bill Scoombie, 'n bloeddorstige jagter, is al hierdie feite van minder belang. Hy wil sy trofeebul doodskiet en klaar. Die vraag is of Koos en Joan ou Voortrekker se lewe, en daarmee saam die res van die Olifante in die Ugab, se lewens sal kan red. Sonder 'n teelbul is die olifante verdoem tot uiteindelike uitwissing.

DIESELFDE STORIE deur S.D. Fourie

Wed, 25 Dec 2013 11:00:00 +0000

'n Afgetrede visserman se dogter vra hom om die Kersverhaal vir sy kleinkinders te vertel. Hy vra sy ou vriend om hom te help en saam besluit hulle om die storie so te vertel dat vandag se kinders daarmee kan identifiseer.

DIESELFDE STORIE deur S.D. Fourie

Tue, 24 Dec 2013 22:10:24 +0000

STERREKYKERS deur Flip Loots

Tue, 24 Dec 2013 22:10:23 +0000

Drie mense beleef 'n eienaardige Oukersaand op straat voor 'n supermark.

DIE IDEALE MINNARES deur Niel Steenkamp

Thu, 19 Dec 2013 08:05:22 +0000

SIBBE deur Francois van Rensburg

Thu, 05 Dec 2013 09:05:02 +0000

'n Skoolseun wat die pad yster raak. 'n Onderwyseres wat probeer help. 'n Alkoholiese pa en 'n komen…

ALTYD deur Anton Krueger

Thu, 21 Nov 2013 09:55:33 +0000

Die drama beeld die inherente eensaamheid van ontheemde bejaardes in 'n ouetehuis uit. 'n Baie sterk…

DIE KWILTER EN DIE KELNER deur Francois Toerien

Thu, 14 Nov 2013 09:15:11 +0000

'n Middeljarige reisjoernalis nooi 'n kelner met 'n BA-graad in filosofie na haar voorstedelike huis…

BAGASIE deur Marita van der Vyver

Thu, 07 Nov 2013 09:25:43 +0000

Marita van der Vyver se eerste radiodrama vertel die verhaal van twee verliefdes wat na Parys vlieg …

STRIP deur Leon Kruger

Thu, 31 Oct 2013 08:30:55 +0000

Con Motors benodig 'n nuwe werktuigkundige. 'n Advertensie word in die koerant geplaas, maar die tel…

DIE BESKERMENGEL deur Anna M. Louw

Thu, 24 Oct 2013 09:35:07 +0000

Hannie se huwelik met 'n verwende skrywer lê aan skerwe. Sy sien geen lig nie, tot haar beskermengel…

DRAADWERK deur Daleen Kruger

Thu, 17 Oct 2013 10:10:07 +0000

Dit is die verhaal van Helen Martins en Koos Malgas wat bekend is aan Suid-Afrikaners en buitelandse…

BREKING deur Fanie Viljoen

Thu, 10 Oct 2013 09:10:07 +0000

Wat sou gebeur as die mediese wetenskap ons almal eendag vir ewig aan die lewe kan hou? Dit is die v…

DIE LAASTE VAN DIE TAKHARE deur C.J. Langenhoven

Thu, 03 Oct 2013 09:01:02 +0000

DIE LAASTE VAN DIE TAKHARE is meer as 'n honderd jaar oud. Dit handel oor 'n boer, Ou Karel Venter, …

BULLETS OOR BISHOP LAVIS deur Christo Davids

Thu, 27 Jun 2013 18:00:00 +0000

Dit is ’n veelvlakkige drama wat afspeel in postapartheid Suid-Afrika, met terugflitse na 1990, toe die vrylating van Nelson Mandela nog net in die vooruitsig gestel is. Ronnie het ’n prokureur geword, terwyl sy boesemvriend, Jerome, tronkstraf uitgedien het. Anél is getroud met Ronnie en woon in Tamboerskloof in Kaapstad. As verslaggewer in die Ou Suid-Afrika, het sy bevriend geraak met Malaysia, ’n verpleegster van Bishop Lavis wat ’n kind in ’n skietongeluk verloor het, en destyds met Ronnie getroud was.

STILLEWE deur sir Noël Coward

Thu, 20 Jun 2013 18:00:00 +0000

‘n Stukkie steenkoolstof beland in ‘n vrou se oog. ‘n Dokter help haar op ‘n besige stasie om die irritasie uit haar oog te kry. Dit is liefde met die eerste oogopslag. Die probleem is egter dat albei “gelukkig” getroud is. Hoe hanteer hulle hierdie oorrompelende én geheime liefde sonder om hul eie lewens te verwoes?

OFFER deur Charles J. Fourie

Thu, 13 Jun 2013 18:00:00 +0000

Offer is ‘n drama wat in die koudste maand in Suid-Afrika uitgesaai word. Die koue word as leitmotief kundig deur die dramaturg aangewend. Errol Hendriks (Dean Balie) en Japie van Blerk (De Klerk Oelofse) se lewensverhale speel af teen ‘n koue tydperk in menseverhoudings en die geskiedenis van Suid-Afrika. Japie en sy suster Rachel (Hannah Borthwick) trotseer as kinders die koue, aangevuur deur hul pa Marinus (Johann Nel) en afsydige ma Sandra (Susanne Beyers) in ‘n snelveranderende land waar Errol, die bomplanter, na jare terugkeer vir heling en toevallige kennismaking met die verskrikte Japie, wat vyf swartmense afgemaai het en dan op ‘n eetstaking gaan. Lourens de Waal (Deon Lotz) is as joernalis die blinde Errol se stok. Hy lei hom deur blootstelling aan die Van Blerk-gesin se situasie na insigte en versoening, maar vir beide partye met erge verliese en diep opofferings. Die regisseur Johan Rademan gebruik die sleutels van Racheltjie de Beer en Eugène Marais se gedig WINTERNAG om stuwing te gee aan die koudheid wat die drama vra en verg. Dit is ‘n filosofiese drama wat jou peinsend sal laat oor wat was, wat is en wat nooit weer behoort te gebeur nie.

BY VERLIES AAN WOORDE deur Fanie Viljoen

Thu, 06 Jun 2013 18:00:00 +0000

Xander is ’n skrywer op soek na rus en stilte op die platteland, maar sy nuwe buurvrou laat hom nie een oomblik met rus nie. Mia se dominerende aard herinner hom gevaarlik baie aan sy gewese vrou en die houvas wat sy op hom gehad het. Hy probeer juis herstel van die traumatiese egskeiding. André Stolz, Heidi Mollentze en Sulette Thompson vertolk die rolle. Fanie Viljoen se vorige radiodramas is Die losprys, Agter geslote deure en Die handtekeningjagter. Hy is ook ‘n bekroonde jeugboekskrywer.

TOT SIENS DENISE deur Mari Snyman

Thu, 30 May 2013 18:00:00 +0000

Colin val sy lewe lank rond en drink om sy ellende te probeer verwerk. Hy is weer eens in ‘n tronksel vir die nag om sy roes af te slaap. Hy is alleen. Sielsalleen. Maar dan hoor hy ‘n bekende stem wat sê, “Ek is hier. Jy ken my. Dis Denise”. Hy besef hy is nie alleen nie. Of is hy? Colin word noodgedwonge gekonfronteer met sy kinderjare wat allesbehalwe rooskleurig was en leer uiteindelik om eerlik te wees met homself en om hom te aanvaar nes hy is. Maar eers moet hy aanvaar wie en wat Denise is - of was. Denver Vraagom speel die rolle van Colin en sy alter ego, Denise.

MIS deur Reza de Wet

Thu, 16 May 2013 18:00:00 +0000

“Sien is glo,” sê die konstabel, met sy wit kierie, aan sy verbaasde toehoorders. Verlustig jou in hierdie “sprokie” vir oud en jonk, wat jou sal laat nadink en bespiegel. Die uitdagende vrouerolle word vertolk deur Isadora Verwey, Marga van Rooy, Annaliesa Weiland (wat haar debuut as radio-aktrise maak) en Lelia Etsebeth. Dis ook ‘n voorgeskrewe werk vir hoërskole.

Radiodramaslypskool

Thu, 09 May 2013 18:00:00 +0000

Kobus Burger leer jou hoe om 'n radiodrama te skryf.

GLASKAS deur Ireneusz Iredynski

Thu, 09 May 2013 18:00:00 +0000

‘n Middeljarige aktrise beland in die hospitaal ná ‘n mislukte selfmoordpoging. Hier deel sy haar lewensverhaal, anekdotes oor haar loopbaan en gebeure uit haar kinderjare met ‘n jong psigiater. Wilna Snyman het in 1991 die Radio Artes gekry vir beste spel deur ‘n aktrise in ‘n dramatiese werk vir haar vertolking van die aktrise teenoor Nic de Jager.

ONS GAAN HUIS TOE deur William Oosthuizen

Thu, 02 May 2013 18:00:00 +0000

William Oosthuizen het met hierdie debuutwerk van hom die eerste plek verwerf in RSG en Sanlam se radiodramaskryfkompetisie. Dit is die verhaal van 'n vrou wie se dogter op die ouderdom van 18 die huis verlaat en later weer onverwags opdaag.

VEERTIG DAE deur Wilken Calitz

Thu, 25 Apr 2013 18:00:00 +0000

Wat gebeur wanneer ‘n klomp skoolseuns besluit om ‘n kosbare Pierneef-skets te steel as deel van die sogenaamde 40 Days in matriek? Dit wys presies wie hulle eendag sal wees wanneer hulle volwasse is. Maar watter rol speel die volwassenes, wat veronderstel is om hulle leiding te gee, in hierdie diefstal – wetend of onwetend?

BEHOORT deur Saartjie Botha

Wed, 24 Apr 2013 12:00:00 +0000

Hierdie werk, ’n eerste radiodrama vir Botha, kyk met groot deernis na die bekende situasie in soveel Suid-Afrikaanse gesinne. Die du Toits se huishulp, wat reeds 35 jaar by hulle werk, word siek en die vader, moeder, seun en dogter raak intens bewus van hulle verhoudings met mekaar en met haar.

JOHN BIRKENHEAD deur SD Fourie

Thu, 18 Apr 2013 18:00:00 +0000

Die Birkenhead, haar majesteit se troepeskip, vertrek vroeg in 1852 vanaf Cork na Algoabaai. Aan boord is nie alleen tien regimente nie, maar ook vroue, kinders en agt trommels goud, wat as soldy vir die soldate bedoel is. Daar word vandag nog bespiegel oor wat van die goud geword het.

VLUG deur Ingrid Penzhorn

Thu, 11 Apr 2013 18:00:00 +0000

Wim en Anja besluit om na Kanada te emigreer, maar wie se idee was dit? Hoe onskuldig is Wim se vriendskappe met verskeie mense, onder andere hulle reisagent. Anja het baie om agter te laat - haar pa, haar ma wat in ‘n inrigting is, en dan die feit dat die universiteit haar aanvaar het vir ‘n kursus wat sy graag wil doen en wat haar sal help om haar eintlike ambisie, om te skryf, te vervul. Vertrou sy Wim genoeg om alles wat sy het op te offer en saam met hom in ‘n vreemde land te gaan bly?

TEERLING 3: DIE WIEL DRAAI deur PG du Plessis

Thu, 04 Apr 2013 18:00:00 +0000

TEERLING 3: DIE WIEL DRAAI deur PG du Plessis

AS VUUR SKOON BRAND deur Helena Hugo

Fri, 29 Mar 2013 13:00:00 +0000

Jaco en Melissa is van Johannesburg af op pad na sy pa se veeplaas iewers tussen Vryburg en Kuruman. Die veld het tot in die aarde verbrand. Koos het by die dood omgedraai en Stienie waak langs sy bed. Faan en Christine probeer red wat te redde is. Die atmosfeer op die plaas is neerdrukkend. Sal hulle weer uit die as kan opstaan? Of het die vuur die finale woord?

LIEFIE EN POPPIE SE TJOP-TJOP JOPPIE deur Olaf van Renen

Thu, 27 Dec 2012 18:00:00 +0000

Daar is drama in ‘n gesinsonderneming waar daar gemuit, gestaak en demand word. Almal voel daar word teen hulle gediskrimineer en die vroue gebruik ‘n gevreesde tegniek om die mans tot insig en oorgawe te dwing. Hoe laag kan ‘n man daal, of in dié geval, ‘n vrou? In hierdie guitige drama word gender en generasie as temas in ‘n moderne verwikkelde Suid-Afrika aangepak. Dit kan sensitiewe luisteraars ontstel – satire en komedie word vermeng en binne die Suid-Afrikaanse konteks gelewer wat noodwendig politieke en kulturele verwysings bevat. Slegs vir volwassenes.

MISDAAD EN STRAF deur Feodor Dostojefski

Thu, 13 Dec 2012 18:00:00 +0000

Rodion Raskolnikof is ‘n arm student in St. Petersburg en droom van die volmaakte misdaad. Hy vermoor ‘n ou weduwee met ‘n byl en steel haar juweliersware, maar glo dat hy bo die sedewette verhewe is en nie regtig vir sy misdaad sal boet nie. Rodion word deur armoede gedryf en glo dat as hy die geld wat hy vir die juweliersware ontvang vir ‘n goeie doel aanwend, hy nooit gestraf sal word nie. Sal hy met sy gruweldaad kan wegkom? Hierdie klassieke roman is die eerste keer in 1866 gepubliseer en word bestempel as een van die grootste werke in wêreldletterkunde. Dit is vir die radio verwerk deur Stefan Odell en in Afrikaans vertaal deur Fritz van der Merwe. Dit is in 1950 opgevoer onder spelleiding van Anna Neethling-Pohl.

TEERLING - DIE OPBLAASMATRASSIE deur PG du Plessis

Thu, 01 Nov 2012 19:10:00 +0000

Die drama beeld die emosionele verhouding van ‘n kinderlose egpaar uit. Hy het uitgeboer en hulle beland noodgedwonge in karige omstandighede in ‘n losieshuis in die stad. Verwyte word links en regs uitgedeel.

JONAS deur Daleen Kruger

Thu, 11 Oct 2012 19:10:00 +0000

Jonas is ’n mens-dier wat op ’n dag in die water by ’n ou walvisstasie verskyn en onder ’n klein vissersgemeenskap aan die Kaapse Weskus kom woon om hulle te waarsku dat hulle besig is om die visbronne uit te put. Boeta, verteenwoordiger van die totale vissersgemeenskap, glo dat die kwotastelsel teen hulle diskrimineer en hulle dwing om onwettig op te tree, deur byvoorbeeld in verbode broeigebiede te gaan visvang. Uiteindelik word die konflik tussen Bewaring en Benutting op die spits gedryf wanneer Boeta sy woede en frustrasie nie meer kan beteuel nie. Daar is interessante parallelle met die Christusverhaal, wat meebring dat die verhaal nie net tot omgewingsbewustes sal spreek nie. Die spelers is Travis Snyders, Theresa Cloete, Royston Stoffels, Charlton George, Marlo Minnaar en Riaan Visman.

BEHOORT deur Saartjie Botha

Thu, 28 Jun 2012 18:00:00 +0000

DIE HART VAN DIE SON deur Karel Schoeman

Thu, 21 Jun 2012 18:00:00 +0000

Will Shakespeare sou nie roem verwerf as seevaarder, soos hy dikwels gedroom het nie. Jare van bittere teleurstelling berei hom voor vir die taak, om ‘die hart van die son’ te aanskou en om wat hy in sy grootste tragedies gesien het, aan sy medemens oor te dra. Ons leer hom nie ken as ’n figuur uit ’n geskiedenisboek nie, maar as werklike mens.

LA MUSICA deur Marguerite Duras

Thu, 24 May 2012 18:00:00 +0000

Deon Lotz en Deidré Wolhuther vertolk die rolle van 'n geskeide paar wat mekaar in die hotel raakloop waar hulle jare gelede, net ná hulle huwelik tydelik gewoon het. In hierdie drama werk Duras weer eens met die tema van onvervulde liefde en Lotz en Wolhuther sorg vir besonder deurleefde vertolkings.

DIE HEKS deur C. Louis Leipoldt

Thu, 10 May 2012 18:00:00 +0000

Die drama speel af in 1425 in die denkbeeldige Ahrweiler-kasteel in Wes-Duitsland teen die agtergrond van die wrede hekse vervolging van die 14e tot 18e eeu in Europa. In hierdie tyd is talle mense – hoofsaaklik vroue – tereggestel op die brandstapel weens sogenaamde heksery.

EEN SOMERSDAG deur Bettie Kemp

Thu, 19 Apr 2012 18:00:00 +0000

Wat word van bekende TV-persoonlikhede wat nie meer op die skerm verskyn nie? Hoe pas hulle aan by die gewone lewe sonder die kollig? Of moet die vraag liewer wees: hoe pas die publiek daarby aan? Want dit blyk dat die glanslewe nie net die sterre nie, maar ook gehore konfronteer met die genadelose gang van die tyd. Dis geskryf deur iemand wat die TV-bedryf van binne ken en is opgedra aan die Britse TV-persoonlikheid, Jill Dando, wat die hoogste prys vir roem op die klein kassie betaal het. Die gegewe is eie aan Suid-Afrika en bekend aan plaaslike gehore. Die gebeure en reaksies van mense blyk universeel te wees.

DONKER ONDER DIE SUIDERKRUIS deur P J Haasbroek

Thu, 29 Dec 2011 19:10:00 +0000

Die drama ontvou teen die agtergrond van die Mosambiekse eiland Inhaca. Die hoofkarakter is die see – aanloklik, maar onvoorspelbaar en gevaarliker as wat jy vermoed. Nes die verloop en uitkoms van die drama, wanneer die ontspanne karakters se lewens in ‘n nagmerrie verander.

DIE FEESMAAL deur Helena Hugo

Sun, 25 Dec 2011 11:00:00 +0000

Adele het haar spyskaart uitgewerk en haar gastelys opgestel. Sy beplan die feesmaal van die jaar, want om die hele Kersseisoen net Anton se tande te tel, is glad nie vir haar ’n goeie vooruitsig nie. Maar toe verskyn Marie op die toneel en dit lyk of alles wil skeefloop.

IDEAAL deur Kotie Swart

Thu, 01 Dec 2011 19:10:00 +0000

'n Postmodernistiese siening van Suid-Afrika oor die Chinese se jag op die blink klippies van Afrika. Dis 'n boeiende verhaal vertel van ‘n nuwe vorm van imperialisme met ‘n kinkel in die kabel.

21 MEI 2011 deur Jan J. F. Viljoen

Thu, 24 Nov 2011 19:10:00 +0000

Marius is ‘n ouditeur wat vir post-traumatiese stres behandel word. ‘n Ruimtewese verskyn aan hom en sê hy moet ‘n lewensbelangrike boodskap aan die mensdom oordra. Die probleem is natuurlik niemand sal hom glo nie. Of is daar dalk tog iemand wat hy kan oortuig.

DIE VLOEDSTORIE deur Lancea Crafford

Thu, 17 Nov 2011 19:10:00 +0000

Talle Suid-Afrikaners onthou nog die skokkende gebeure van 25 Januarie 1981 toe vloedwater die Karoodorp, Laingsburg, in puin gelê het. Die verhaal van lewensverlies en ontbering word vanuit die herinneringswêreld van een spesifieke gesin in die drama herbeleef.

DIE WOONKAMER deur Graham Greene

Thu, 03 Nov 2011 19:10:00 +0000

Die woonkamer, in ‘n geheimsinnige huis van ‘n eens welvarende gesin in Londen, is die plek waar die radioteater afspeel. Daar’s tergende geheime wat ontvou in die drama van die bekroonde Britse skrywer Graham Greene. Volgens kenners van die skrywer se werk kan dit opgesom word as ‘n tragiese liefdesverhaal, gebasseer op sy eie vurige en dikwels gedoemde liefdesverhoudings.